من وراء اسقاط د. خالد الكندري مدير المستشفى السابق؟

[نفط الكويت]

ابي آرائكم خصوصا أهل المستشفى لأنه كما سمعت مشهود له بالكفائه كما كان ناجح في مستشفى الصباح فما الذي تغير؟

 

[SMART_BOY]

خلاص

انتهى عهده مثل ما انتهى عهد غيره

الله يوفقه وين ما راح

شاللي جاب الإسقاطات يا ترى

وبعدين لوكان زين ما شالوه

وافهم يا فهيم


تقبل مروري

سمارت

 

[جونم جقرم]

أنا سمعت والعهده ع الرااوي انه له يد كبيرة في بعض التجااوازات للعلاج بالخارج

وتقبل تحياااتي

 

[Phox]

يعجبنى اللى يبى يستر على ربعه يا سمارت
لا يا حبيبى ... الرجال نابغه وما انشال الا من "حنة" خويك لانه ما يمشيله العلاج بالخارج ... واذا ما تدرى روح اسئل ليش الكنادرة طلعت من المعتدلة

حاليا (بوعبدالعزيز) د. خالد مستشار بالادارة ... وقدم اثباتاته على التلاعب بالمستشفى وبالعلاج في الخارج والطيارات خاصه اللى كانت تطير الى النيابه العامة .. وتم ايقاف د. جمال الغانم وتحويله من DMD الى مستشار واحالته للنيابه للتحقيق بالتجاوزات اللى مشاها للعمدة ...

ما تجتمع الامه على باطل ... وخصوصا ربعك واقرب الناس لك يا سمارت ... ما توصل المرحله ان كل ربعك يوخرون عنك عبط

مو كل من ينشال من منصبه متلاعب يا الحبيييييب

 

[مختبرجي]

انا بصراحه كنت اشوفه رجل نزيه

 

[المهندس]

حاله حال غيره شنو اسقاط اشدعوه كان فوق علشان يسقطوووونه -- مشكلتكم كل قرار يتخذ تسووله سالفه - مدير دش مدير طلع - تعودنا

 

[Phox]

حاله حال غيره شنو اسقاط اشدعوه كان فوق علشان يسقطوووونه -- مشكلتكم كل قرار يتخذ تسووله سالفه - مدير دش مدير طلع - تعودنا

كان مدير مستشفى الاحمدي وكان بيده توقيع العلاج بالخارج ... شنو تبي يكون اكثر ؟؟؟

اذا ما تعرف السالفه اسكت .. كافى اشاعاتك واخبارك اللى مادرى منين تجيبها

انت لو لاحقين عليك اهل الجرح والتعديل بالحديث الشريف جان حطوط حديث موضوع على طول

 

[كويتي]

كلمة حق في هذا الرجل اللي قابلته مرة وحدة؛

قمة بالأخلاق و التواضع؛ سمح؛ الله يوفقه وين ما راح؛ و خسارة لنا اللي صار له؛​

 

[ولد الفحيحيل]

لو دامت لغيرك ما اتصلت اليك يانفط الكويت
وبعدين الشخص الزين دايم محارب عندنا

 

[المشاكس]

صحيح سبب شيلته التجاوزات ألي صارت حق العلاج بالخارج بس هو كبش فداء لأن كان يرضخ للواسطة وطبعاً انا مابي أقول منو أهل الواسطة هم 3 معروفين لا ومن نفس القبيله وواحد منهم مودي أخوه ألمانيا يسوي الجيوب والمرافق ألي معاه أخوه الثاني وكلهم موظفين بالشركة .... هذا خبر أكيد وأنا شايف الأوراق

 

[SMART_BOY]

و أنا يا فوكس يعجبني الذكي ... بس اللي يتذاكى ما يعجبني بنوب

ويقول الشاعر:

من الذكاء تسوي نفسك أحيانا غبي ..... (ومن الغباء تتذاكى على ناس أذكياء)


ربعي ??

أقرب الناس لي ??

عبط??



يالله صباح خير


وترا ما مشت لي معاملة علاج بالخارج لا أنا ولا لواحد من أهلي ..والله لا يحدنا و يكفينا الشر

لكن غيري معاملاته ما توقف... وهذيلا هم بواكي د.خالد الكندري

ومع ذلك ... نقول ما في أحد ورا شيلته


وحنا مو هنيه نستر على أحد


قلتلك مليون ترليون مره


وبعدين منو أقرب الناس لي يا فهيم؟؟!




وبعدين شنو ربعه كلهم خلوه؟؟!؟!

المعتدلة ما طلع منها إلا الحمادي والفيلكاوي ؟؟! والباقين يا جبل ما يهزك ريح


كيفهم يا اخي ... الميدان يسع الجميع .. واللي بالجدر يطلعه الملاس .. وخنشوف يشلون يوصلون

يا معود قلتلك سلم على الشباب الطيبين ... وخله يرضون دوائرهم اللي هم طالعين منها أول



وبعدين خالد ... جمال ... أي واحد .. يتجاوز .. يحصل نصيبه يا أخي


لكن حط قدام عويناتك .. إن حبيبك الدكتور خالد ... اخلاق وحبيب .. ومحترم والله يوفقه.... بس كان عنده تجاوزات ... ولا ما شالوه ...

والا شرايك .. نقول فاروق الزنكي بعد من المعتدلة خخخخخ

يالله حطه معاهم

وعلي دغيم وفهد العدوة بعد

لا والظاهر مشكلة إقليم دارفور بعد سببها رئيس النقابة


مشكلة لما يصير الواحد بعيييييييد عن الموضوعية


ولما ترد عليه ... يطب عليك .. أقرب الناس لك .. تدافع عنه .. معاملات تمشيلك

جذي يبه لا نشارك في المنتدى أحسن


وبعدين

د.جمال قول لي واحد بالشركة ما يدري إنه رفض عرض الحكومة لوزارة الصحة



أدافع عن ربعي قال خخخخ



صباح الخير أخي


إنت الظاهر من كثر ما انت معصب على النقابة قلت أكرفس سمارت وياهم

يبه مالنا شغل


حيلكم فيهم يبه ... واللي ما تطوله بيدك واصله ركض يبه

اذا وصلت لي .. لا يا معود فكنا من شرك


وبعدين قوة مشاكس ... يا هلا بها الطلة


شكل أخبارك قديمة


يبه في ناس راحت ألمانيا بدكير ومنكير وتفخ براطم خخخ ... هوا مدير المستشفى إنشال من شويه .. خلونا ساكتين






تقبل مروري

سمارت

 

[BG. 1]

لا يا حبيبى ... الرجال نابغه وما انشال الا من "حنة" خويك لانه ما يمشيله العلاج بالخارج ... واذا ما تدرى روح اسئل ليش الكنادرة طلعت من المعتدلة

الي هذه الدرجه خويه قوي

والله انه يستاهل النجاح اذا يقدر يشيل مدير المستشفي

تكلموا بالواقع

لا اشكك بذمة الدكتور خالد

ولكن قبله مدراء دخلوا وخرجوا

الود ودنا الذي يكتب يكون واضح بالكلام وبكتاباته

خروج الفيلكاوية والكنادرةوحسب مايتردد علي لسان الغالبية وماجري من الايام السابقة من محاولات من بعض الاشخاص لرأب الصدع لرجوعهم للقائمة واضح والاسباب انكشفت
وهو خروج الزعبي ومشعل العجمي لخلافات شخصية فقط بينهم وبين بعض الأعضاء المنشقين من القائمة
ومستعدين يرجعوا للترشح بالقائمة بشرط عدم نزول الزعبي والعجمي
وما جابوا سيرة الدكتور خالد الكندري

وإذا ودك تعرف مدي حنينهم للمعتدلة والتصاقهم بها

تركد وناظر من هو مرشحيهم بقائمة اللإئتلاف ( لا أطعن بأشخاصهم ولكن بقوة حضورهم )
هل يرقي بالتنافس في ضل قائمة جديدة ضد المعتدلة أوالعمالية القادمة بقوه

وسلامتكم وتعيشون

 

[SMART_BOY]

يا اخي دايما الولد هذا يحط النقاط على الحروف

تقبل مروري

سمارت

 

[Ahmadi Ambulance]

أنا سمعت والعهده ع الرااوي انه له يد كبيرة في بعض التجااوازات للعلاج بالخارج

وتقبل تحياااتي

كلاااااااااااااامك غير صحيح اطلاقاً ... هو من كشف التلاعبات والتجاوزات للعلاج بالخارج

وهو من كشف الكثير من أمور الفساد بالمستشفى وقام بردعها

هو من حل مشاكلنا بقسم الاسعاف التي دارت بما يقارب العامين

الرجل قمة بالأخلاق و التواضع... والعدل من سماته.. ولا يخاف في الله لومة لائم

حتى انه عندما استلم ادارة المستشفى كان شغله الشاغل كشف الفساد بمستشفى الأحمدي

و كان عنده الموظف المظلوم أقوى من المسئول الظالم

وتشهد له سجلاته السابقة في رئاسة منطقة الصباح الصحية

 

[BG. 1]

يا اخي دايما الولد هذا يحط النقاط على الحروف

تقبل مروري

سمارت

تعجبي متابعاتك وحضورك

الواحد ودك يقول الصحيح ولا يلبخ شوي

 

[SMART_BOY]

يلبخ!!؟

ممكن ترانسليت ياخي

يعني ترجم لو سمحت

 

[BG. 1]

يلبخ!!؟

ممكن ترانسليت ياخي

يعني ترجم لو سمحت

يسكــــــــــــــــــــــــــــــت

 

[SMART_BOY]

أووووووو


شي جميل صراحة


صح الواحد يتكلم عدل والا يلبخ

ومنا إلى حبيبنا فوكس خخخخ


تقبل مروري

 

[BG. 1]

سمارت بوي

هههههههههههههههههههههه

طلعت مردم بسرعه تنصاد

هاردلك خيرها بغيرها

تكبر وتنسي

 

[SMART_BOY]

مردم ؟؟؟؟؟؟

شنو مردم بعد؟؟

شرايكم نتكلم انجليزي ترا مصطلحاته واضحه

ومرا وحده نطور اللغه

بس الشباب شكلهم حتى ليفل 2 ماكو خخخخخ


شنو صدتني فيه ؟؟

ترا أنا حدي عالنية ... وقلبي نظيييييييف


تقبل مروري

سمارت