آه ياهو قهر @ مالي غير الصبر

عشلان

بـترولـي جـديـد
نظام الإجازات في مصفاة ميناء الأحمدي يعتبر نظام عقيم وقديم حيث أن الموظف ملزم بمجموعه محدده في وقت محدد ! بل إنك مرات ماتقدر تطلع حتى في مجموعتك نتمني إيجاد حل باسرع وقت .
 

team leader

بـترولـي جـديـد
بصراحة المنتدى هذا سيفضح شركة البترول مما فيها من ظلم وتعديات وسيفضح المسؤولين

للرفع مع الأخ الطيب
 

فيصل العجمي

مؤسس المنتدى
أعضاء الشرف
بالفعل اخي الكريم نظام الاجازات في ميناء الأحمدي تعيس جدا

وهناك قانون ايضا توهم طالعين فيه اذا خذيت ثلاث اجازت في السنه وبغيت تاخذ رابع مره يقولون لازم تاخذ رصيدك كامل او تنتظر الى السنه القدامه

وحتى لو كانت هذه الاجازات يومين او ثلاثه
 

Operator

بـترولـي نشيط
اخوي تيم ليدر هذا هو الواقع واللي صاير خل نفض فض شوي عن اللي بقلبنا

لمن نجي ل ميناء الاحمدي لي القوانين فيها بزياده ؟ وليش فيها تعصب لم تشهده باقي الموانئ

وليش نظام الاجازات مطبق بس في ميناء الاحمدي ليش ؟؟ هذا السؤال !!

نظام القروبات لو احد يشوفه صح صدقوني يا شباب انه تمر عليك احيانن سنه ونص وانت للحين ما
طلعت !! مستحيل احد يرضى

بنقول عادي

واذا قدمت بغير قروبك يقولك مو قروبك لو ان العدد زايد ؟؟ ليش مادري

بنقول عادي

اذا طولت وياه بيقولك بيقولك شي ما بدلت قروبك ؟؟
1- طيب انا بطلع سبوع شلون لازم ابدل اجازه كامله يعني هذا مو معقول !!
2- واذا لقيت احد يبدلني هالسنه (هذا واذا ماقال نص القروب بعد مو كله ) راح القى احد يبدلني كل سنه ؟؟ مستحيل
3- ولا في احد يقعد طول السنه وبالاخير يجبرونه يطلع برمضان في ناس تبي ما قلنا شي عليها بس في ناس ماتبي
ياخي الناس تبي اوفرتايم يمكن محتاج ولا وراه ناس يكد عليهم ولا عنده ظروف لا يعلمها الا الله الكلام هذا ما يدش المخ ..

هذا كله بصــوب والنقطه هذي بصوب شباب ركزوا معاي

طلع الموظف المسكين اجازه عقب كل هذا التعب والانجاز اجازته لو نفرض شهر

هو قاعد سنه ومكافح وينطر ولا داش فالبهذله اللي ذكرتها للتو فوق المهم رد من الاجازه

ولا المعاش نازل 100 دينار !!!!!!!!

ليش ؟؟ عشان انت طالع اجازه اوكي انا طالع اجازه مو طالع استقاله ؟؟

ماراح اقول كل بقول اغلب الوظايف بالكويت تطلع وترد ومافي خصم لاني اجازه مو استقاله

هذا شي من حق الموظف ولا احد يمانع بذلك لي درجة ان بعض الموظفين يحاول الامتناع عن هذا الحق او تجهيز وضعه المادي واعداده للاجازه والله حرام وظلم

يا شباب اسئلو فيها واحكموا خلونا نقارن مدى الخصم بين اسبوع اجازه واسبوع مرضيه


راح تلاقون بالنهايه ان اسبوع المرضيه الخصم فيه اقل من اسبوع الاجازه اللي الحق المشروع ويقولون ليش تاخذ سك


مشكورين وماقصرتوا على حسن المتابعه

ولكم مني اجمل تحيه وتقدير
 

عبدالله العصيمي

صــحــفــي
أعضاء الشرف
للأسف أن هذا هو واقع الحال في بلدنا العزيز .. يضعون أنظمة يريدون بها تنظيم العمل وهي في الحقيقة تعرقل العمل وتزيده تعقيداً ..
ولكن لكل مشكلة حل ، ولابد من حل لهذه المشكلة بتظافر جميع جهود من لهم علاقة بالموضوع ,والله يعينكم

تحياتي
 

MAA

بـترولـي نشيط
مع الاسف اداره ميناء الاحمدي خصوصا مزاجيه وغايبه عن الوعي الاداري نهائيا ..
 

أبو طلال

بـترولـي نشيط جدا
أخواني الكرام .... اسمحوا لي أن أخالفكم الرأي بعض الشئ ...

و هذا ليس دفاعا عن أحد ... و لكن كل مسؤول يريد أن تسير الأمور

في قسمه بنظام و بعيدا عن المشاكل ... و بما أن عدد الموظفين في دائرة

العمليات كبير نسبيا ... و لا يمكن إرضاؤهم جميعا ... تم اللجوء إلى نظام

القروبات ... لكي يحصل كل موظف على إجازته في الصيف بالدور ... و حسب

علمي أنه يمكن تبديل القروب بالإتفاق بين الموظفين ... و قد يكون هذا النظام غير

مناسب لأغلب الموظفين ... و لكن المسئولين يرونه الحل الوحيد المرضي للكل ...

أما بخصوص الخصميات أثناء الإجازه ... فهي بدل طبيعة العمل و بدل الشفتيه ...

و هي لا تستحق أثناء الإجازه ...
 

Operator

بـترولـي نشيط
اخوي ابو طلال لاحد يرضى بالفوضى وهي ليست من صالحنا نحن ايضا

بل انها تؤثر علينا سلبا ً .. ولاكن

بما ان عدد الموظفين وفي جميع الشفتات يزيد عن العدد المطلوب بواحد او اثنين

لو قمنا بتثبيت الشفتات سوف يكون عدد الموظفين بزياده هنا نستطيع الخلص من

نظام القروبات الذي لا يوجد مو ظف يرضاه كما انه قبل سنه ونصف تم تثبيت

الشفتات كما بيّنت في منطقتي ولاكن لم يتم الامر باكمله ولا نعلم ما هو السبب

ولاكن بهده الطريقه نستطيع ان نقوم بجدول اجازات بتنسيق ٍ بيننا وارساله

للمسؤول وتوقيعه واعتماده دون حدوث اي مشاكل

ذلك وان مصفاة الشعيبه وعبدالله يتبعون هذا النظام ولم نرى هناك اي مشاكل

ومع العلم بدل اجازه واحده بالسنه يقوم على حسب هذه التنسيق بثلاث واربع

مرات بالسنه .. هذا في رائيي شخصين ..

وهناك بعض العاملين يقومون بتقديم اجازه وفي قروبهم ويتم رفضها من قبل

المسؤول والسبب هو النقص وبهذه الحاله يزداد ايام اجازته حتى 60 او 70 يوم

وعنده خروجه لشهر او شهرين وهو من حقه يقولون (( مايصير طالع واجد ولا عندنا مان بور ))

..............................................

ومن ناحيه اخرى

لماذا لا يستحق بدل طبيعه وبدل شفتيه اثناء الاجازه اذا كان الموضف ؟؟


هذا ما نطالب به ونتمنى ونود من السؤولين النظر في هذا الموضوع لانه هناك

اناس ُ هم في امس الحاجه الى هذه الخصميه ..


ونجد ان في اغلب الوزاراة والقطاعات الاخرى لا يقومون بالخصم بعد الاجازه

ونحن نامل من الله التقدم والافضل

وشكرا َ
 

HUMMER

بـترولـي خـاص
والله اخوي عندنا وعندك خير واعتقد ان نظام المجموعات نظام فاشل وظالم بنفس الوقت وان شاء الله يتغير
 

نفطي _D11

بـترولـي جـديـد
الله يعطيك العافيه اخووي وعساك على القوه
احنا معاك ونفس الحال اخوانك في التسويق المحلي الاجازات نطام جداول ولا تقدر تطلع على كيفك
احب اذكر بانه قائمة الجميع طرحت موضوع الاجازات في ميناء الاحمدي والتسويق المحلي في برنامجهم الانتخابي
وياريت الاخوان في النقابة يشوفون حل للموضوع
اخوكم ---------عضوااا في قائمة الجميع
 
أعلى