سؤال 2

[جونم جقرم]

مرحبااا مره ثانية أدري أذيتكم بالاسئلة بس معليش تحملوني اعتبروني أخوكم الصغير
الي يدرس ويجيب شهادة معتبرة ويفنش من الشركة ويرجع يسجل فيها من اول وجديد علي شهاادتة هل تقبل وشنوو يكوون وضعه المستقبلي


وتقبلوو تحياااتي

 

[dehen_3ood]

مراحب يا هلا
واسأل كثر ماتبي كلنا آذان صاغية وإن شاء الله نقدر نجاوبك على كل شي

وبالنسبة لسؤالك !!
ليش الاستقالة ؟؟؟ بعد ما تجيب الشهادة روح وعدل وضعك بالتطوير الوظيفي
مثل ما الكل قاعد يعدل وضعه (طبعاً هذا إن كانت الدراسة بالانتساب وما اتعارض مع ساعات العمل الرسمية)

أما إذا قدمت استقالتك ودرست ورديت قدمت على الشركة
بياخذون شهادتك بعين الاعتبار مع الخبرة السابقة

 

[صخرة رسوبية]

توكم تعرفون قيمة الدراسة

 

[BG. 1]

ليش الاستقالة ؟؟؟ بعد ما تجيب الشهادة روح وعدل وضعك بالتطوير الوظيفي

كلام دهن العود عين الصواب

اخذ اجازة كل كورس مثل ماهو صاير مع الشباب حاليا

 

[فيصل العجمي]

اعتقد انه راح يكون لك وضع غير عن باقي المتقدمين خصوصا انه عندك خبره
ولكن لا تنسى الواسطه هذي اهم شي لانها اهم من الشهاده

 

[HUMMER]

راح يعتبرون المده من ظمن الخدمه وراح تكون له فرصه كبيره بالقبول

 

[مختبرجي]

اخوي نصيحه لاتقدم استقالتك ادرس وقدم اجازاتك والقسم يعطونك اجازة اختبارات النهائيه والله يوفقك يارب

 

[جونم جقرم]

شااااكر لكم ردودكم القيمة
ويا اخ صخره حجريه احنا عاارفين شنو قيمه الدراسه والشهادة بس حبيناا نعرف شنوو وضعهااا اهني بالشركة (