شنو احسن قسم بالkoc حق المهندسين؟

Phox

بـترولـي نشيط جدا
يعتمد شنو يبى المهندس ..

يبى الشغل ؟ يبى الفلوس؟ يبى الخبره ؟ يبى العلاقات ؟ يبى السفرات؟ تمبل ؟

كل شى موجود ... اذا عرفنا تخصصه
 

صخرة رسوبية

بـترولـي خـاص
اذا مثلا تخصصه هندسة بترول
وعندي استفسار بسيط شلون المهندس يقدر يطور من نفسه, مابي كلام سمعناه وايد, ابي من واقع تجارب عملية صجية
و يعطيكم العافية
 

Phox

بـترولـي نشيط جدا
مشكلة البترول مجاله محدد ... بين تطوير الحقول والعمليات .. حرام يروح مكان ثانى خصوصا الاماكن اللى فيها احصائيات او تخطيط

فريق الانتاج انفعله .. خصوصا اذا صار Process Engineer يترقى بسرعه واوفر تايمه مفتوح وشغله (محفوظ ما يبى فهامية)

يطور نفسه بنفسه .. انه يقوم في بداية مشواره المهني -الله لا يهينه- وينزل السايت ويشتغل شوى مع العمال ويفهم امور السنتر ويبطل الانترنت والسوالف والجات :) .. اقلها ليما يستوعب الشغل.

وغيرها .. الكورسات والدورات يسجل كثر ما يبى محد يمنعه -الا لظروف الدوام خصوصا اذا صار نقص -
 

نفط الكويت

بـترولـي نشيط جدا
مشكلة البترول مجاله محدد ... بين تطوير الحقول والعمليات .. حرام يروح مكان ثانى خصوصا الاماكن اللى فيها احصائيات او تخطيط

فريق الانتاج انفعله .. خصوصا اذا صار Process Engineer يترقى بسرعه واوفر تايمه مفتوح وشغله (محفوظ ما يبى فهامية)

يطور نفسه بنفسه .. انه يقوم في بداية مشواره المهني -الله لا يهينه- وينزل السايت ويشتغل شوى مع العمال ويفهم امور السنتر ويبطل الانترنت والسوالف والجات :) .. اقلها ليما يستوعب الشغل.

وغيرها .. الكورسات والدورات يسجل كثر ما يبى محد يمنعه -الا لظروف الدوام خصوصا اذا صار نقص -

100% صح و انا انصح بتطوير الحقول
 

mhmdt

بـترولـي جـديـد
مشكلة البترول مجاله محدد ... بين تطوير الحقول والعمليات .. حرام يروح مكان ثانى خصوصا الاماكن اللى فيها احصائيات او تخطيط

فريق الانتاج انفعله .. خصوصا اذا صار Process Engineer يترقى بسرعه واوفر تايمه مفتوح وشغله (محفوظ ما يبى فهامية)

يطور نفسه بنفسه .. انه يقوم في بداية مشواره المهني -الله لا يهينه- وينزل السايت ويشتغل شوى مع العمال ويفهم امور السنتر ويبطل الانترنت والسوالف والجات :) .. اقلها ليما يستوعب الشغل.

وغيرها .. الكورسات والدورات يسجل كثر ما يبى محد يمنعه -الا لظروف الدوام خصوصا اذا صار نقص -

Process Engineer أكثر موظف مظلوم بالأنتاج لا أوفر تايم و لا سياره حتى يروح السناتر والكورسات كل سنتين مره

أفضل قسم تطوير الحقول و قسم الحفر وقسم الأستكشاف أقلها سفرات كثيره والترقيه مضمونه
 

Phox

بـترولـي نشيط جدا

Process Engineer أكثر موظف مظلوم بالأنتاج لا أوفر تايم و لا سياره حتى يروح السناتر والكورسات كل سنتين مره

أفضل قسم تطوير الحقول و قسم الحفر وقسم الأستكشاف أقلها سفرات كثيره والترقيه مضمونه


يقدر يتم كونترولر اذا يبى الفلوس ... واذا كان Process Eng ابشرك انه من الدرجه 13 عنده سياره ومن " لجنة تقييم النقل" ودوامك بالحقول يعنى ترافيل تايمك ماشى واوفر تايمك حلو (بس مو نفس اذا صرت كنترولر)

لكن مشكله الانتاج او العمليات عموما ما فيها مهمات Duties بس اسرع مكان يوصل تيم ليدر منه للأمانه..


تطوير الحقول مافيه سياره ودوامك بالاحمدى ماكو ترافيل تايم ولا اوفر تايم الا ناااااااادر .. ومو شرط انك تسافر بكثره وترقياتك عاديه اذا مو متأخره خصوصا ان كل اللى حواليك نفس تخصصك ... بس يمكن بيئة العمل والخبره حلوه

اسأل وانت حر :)
 

Phox

بـترولـي نشيط جدا
و شلون ال Planning?
بالنسبه لل Planning Engineer
هذا شى نادر بالعالم ... والشركه تبي من هالنوعية مو لاقيه .. وكل اللى يتدربون يطلعون من الشركه بعد فتره سواء كويتيين والا اجانب ... الكويتيين يروحون لشركات الاستثمار .. والاجانب تجيهم عروض اقوى بالخليج او باوروبا

شغل البلاننق صخر اذا صار نابغه فيه واجتماعاته كله مع الاداره وينشهر بالشركه بقطاع المشاريع بسرعه (مثال م. ريما - صويلح- على المطيرى- ... ) .. وترقياته تكون ابدا من ربعه ... ويعطونه انسنتف والبونص واوفرتايمه مفتووح وتلفونه بايده ويدزونه مهمات وشغله عال العال ... يمكن يبتلشون بسالفة السياره ما يقدرون يعطونه الا اذا غيروا كوده (وغالبا يسوون جذى)

دوامه يكون بالمكتب الرئيسى .. او بفريق التخطيط الموجود في مجموعة الخدمات المسانده وباقسام المشاريع بالتعمير

اذا يبى الشهره هذا خوش مجال ويكون بالاحمدي ... واذا يبى الماده يروح التخطيط اللى تحت الخدمات المساندة دوامه بالحقول
 

Hopeless

بـترولـي جـديـد
واذا كان تخصصه مهندس ميكانيك هذا وين يقدر يروح اي قسم بالشركة ويفيده اكثر من ناحية الخبرة والمنصب

وشلون يا خوي يا فوكس

اذا يبي الميجر بروجيكت شنو يقدر يسوي
 
التعديل الأخير:

Q8_oil

بـترولـي خـاص
إذا تبين راحة روحي إف دي أو البرودكشن أما إذا تبين تعب و كراف روحي ويل سيرفيلنس أو الدريلنغ أو إكسيبلوريشن
 

Phox

بـترولـي نشيط جدا
واذا كان تخصصه مهندس ميكانيك هذا وين يقدر يروح اي قسم بالشركة ويفيده اكثر من ناحية الخبرة والمنصب

وشلون يا خوي يا فوكس

اذا يبي الميجر بروجيكت شنو يقدر يسوي


المهندس الميكانيكى كل مكان يلقم معاه واكثر ترقيات السينير انجنير تكون من نصيبهم ...

اذا يبى الخبره وشوية سفرات يروح للتصاميم وعقبها الانشاءات (اقل سفرات) ... او فريق ادارة المشاريع (هالفريق بالذات الغلطه محسوبه عليك طول عمرك بس مميزات حلوه اذا شلت الشغل صح) وعندك فريق المشاريع العامة

اذا يبى يرفع سعره بالقطاع الخاص او بالشركات الاستثماريه ... يروح التخطيط او قطاع ميزانيات المشاريع

اذا يبى الاوفر تايم والفلوس ومعاهم فهامية (بس ترقياتهم بطيئه) ... يروح الصيانة او الحفر او معاينة الآبار

اذا يبى الهدوء والشغل الخفيف يروح التطوير الوظيفى او HR او HSE وفيها ترافيل تايم لان دوامه بالحقول

اما شغل المراجل والسنع واللى يشمل اللى فوق كله ... المشاريع الكبرى ... بس ما يدششون احد الا على درجه 16 ... ومحسوب .. وغلطتها بالف طراق يمكن تقضى على مستقبلك المهنى والعكس صحيح

قطاع التصدير توه جديد وبادى ينمو مثل قطاع الغاز ... حلو انك تنيشن على مكان هناك ولو انى ما انصح لان رؤساء الفرق لك عليهم شوى

قطاع الاستكشاف صراحه ما اعرف فيها شى ...

 
التعديل الأخير:

المهندس

بـترولـي خـاص
اللي يبي يوصل يروح الميجر بروجكتس ويكون هدفه الاساسي - يعني يضبط نفسه من الحين :) وترا ماكو شغل - شغل بي أم سي - يعني اجتماعات ومافي اوت بت والدوام عالساعه تسع ونص هذا غير الكورسات والديوتيز - ونص مدراء الشركه طالعين من هاذا القسم -

وشكرا
 

Phox

بـترولـي نشيط جدا
اللي يبي يوصل يروح الميجر بروجكتس ويكون هدفه الاساسي - يعني يضبط نفسه من الحين :) وترا ماكو شغل - شغل بي أم سي - يعني اجتماعات ومافي اوت بت والدوام عالساعه تسع ونص هذا غير الكورسات والديوتيز - ونص مدراء الشركه طالعين من هاذا القسم -

وشكرا

مشكور على هالمعلومات بس ترا الواقع عندك مغلوط ... روح شوف دوامهم حبوب بعدين تكلم ... ناس دوامها من صباحية ربنا ويطلعون متأخرين بعد وانجازاتهم تتكلم GC17, GC-18, GC-15, GC-23, B-131 غير محطات الكهرباء وGC-24, GC26,B132 بالدرب... غير التناتيف اللى منى ومناك EPFs و Flowlines

اذا ميزانيه الشركه للمشاريع 500 مليون دينار ... ترا لهم 400 مليون مسئولين عنها والباجي موزع على ادارة المشاريع ... جروب المشاريع الكبرى في 2 مدرا و 7 تيم ليدر ... فلا تقولي ان ماكو اوت بوت والا يداومون 9 الصبح!!

هذا اذا ما تدرى عن الاوت بت (على قولتك) ... وبعدين شغل البي ام سى اللى تسولف عنه شغل متعب خصوصا اذا المقاول مو محترم معاك او يلعب بذيله وايد .. تأخير المشروع مو من صالحك انت يا مهندس وتصير بويهك اذا ما تعرف تتصرف.

وبعدين الشغل هناك اهو محك الخبره بالنسبه للمهندسين ويبين الزلم من الردي .. وطبعا اذا كان زلم وقيادى ومشاريعه ماتعطل ويعرف يتصرف بمشاكلها وعنده ميزانيه بالمشروع تنصرف ... اكيد راح يصعد

بس للعلم ما صعد منهم الا مدير الا 2 او3 (مو نص مدراء الشركه منهم) ... والباجي في الغالب من الفيلد
 
أعلى