السلام عليكم جميعا الاخوه الاعضاء والزوار ارجو من الجميع الذين لديهم اي استفسار عن ايكويت ارجو ابلاغي وانشاءالله اجاوب عليكم باسرع وقت.
السلام عليكم يعطيك العافيه يافيصل على التعليق وانشاءالله مايكون عندنا مشاكل بايكويت كان عندنا مشكلة الرواتب والحمدالله حلينها مع الشركه وكانت ولله الحمد زياده قويه
السلام عليكم كيف حالك يامسلم معناة كلمة ايكويت ترمز الى الكويت وكون الشركه عالميه مايقدرون يسمونها الكويت فصارت ايكويت نفس ماصار مع شركةQ8.
السلام عليكم ورحمة الله وبركاته,,, أخوي مسلــــــــم حسب معلوماتي فان كلمة Equate الحرف الاول E اختصار لكلمة ايثيلين وهي الماده الاساسيه للصناعة في شركة ايكويت وباقي الكلمة يرمز للكويت.
سامحنا على التاخير بالرد طال عمرك محد راح ينفصل واول امس كنا باجتماع مع يعقوب الكندري وأكد الكلام واكبر دليل ترى الاخوان الي وقفو توقيع عقودهم بداو يوقعون بس بشرط انه يكون عارف المنطقه الي درسها واذا احد تعطل نتمنى ان تخبرونا عن طريق اي عضو من النقابه وانشاءالله مراح نقصر مع احد ولك جزيل الشكر.
طال عمرك تقدر تدخل على سايت الشركه وتشوف الوظائف المطلوبه بس توقعاتي ان الهندسه المدنيه مو مطلوبه عندنا وكل التوفيق لك.
السلام عليكم ويعطيكم العافية على الجهد انا توني متخرج من التكنلوجيا تخصصي قوى محركه ( ميكانيكية) بقيت اسألكم اذا قدمت عندكم جم يصير معاشي وشلون نظام الدوام شفتات ولا صباحي وجم يفرق المعاش بينهم واذا انا توظفت وكملت الهندسة على حسابي انتساب من جامعة الخليجية الي بالبحرين هل يعادلونها ويتم ترقيتي الى المهندس ويعطيكم العافية
اخويequate 1 عندي سؤالين ولا عليك امر قريت بالجرايد انا بيفتحون مشروع ايكويت 2 بشهر 9 هل راح يتيح مع المشروع ينزلون وظايف جديده ولا لا. سؤال ثاني تحصص علوم كمبيوتر computer science هل اتشوف انا مطلوب بالشركه ولا لا. وشكرا...
طال عمرك موظفين المشروع الجديد صارلهم اكثر من سنه وهم يأخذون تدريبات عشان وقت التشغيل يكونون جاهزين وبالنسبه حق تخصصك اتوقع انه محتاجينه بس ترى حط الواسطه قبل وتقدر تدخل على سايت الشركه وشوف شنو الوظائف المتوفره او اتصل على المكتب الرئيسي على رقم 4343666 وخل يحولونك على الموارد البشريه وكل التوفيق لكل وان شاءالله اكون جاوبت على اسئلتك.
