ماهي مميزات شركات البترول؟

engineera

بـترولـي مميز
السلام عليكم

انا عضوه يديده معاكم في المنتدى وعندي سؤال مهم :
شنو تتميز فيه شركة البترول الوطنية من مميزات وهل جميع شركات البترول تحتوي على نفس المميزات ولا في افضلية؟وشنو احسن شركه؟وهل صحيح انه شركة koc هي الافضل؟ولا knpc احسن منها اذا كان عند الشخص طموح؟
مادري لاني اسمع كلام وايد وكل شخص يقولي كلام هذا احسن وهذاك احسن وانا ضايعه بطوشه!!:confused:

وشكرا لحسن تعاونكم
 

engineera

بـترولـي مميز
اي ليش افضل ومن اي ناحيه ؟؟؟
ابي كلام موثوق منه لاني ضعت في هالسوالف
 

سالم الخالدي

رئيس اللجنة الإعلامية
فريق الإعلام
شوفي

كراتب الكل سواء


الراحة والاحترام والتقدير والنظافة al KOC

المحسوبية والواسطات والطائفية والقبلية في al KNPC

الطموح ..,, أظن ولا وحدة

هذا رأيي طبعا
 

بوعبدالعزيز.كوم

بـترولـي نشيط جدا
طبعا بالنسبة للأجور والعلاوات فهي جميعا موحدة حسب سلم وراتب مؤسسة البترول الكويتية
لكن كل شركة تختص في بعض المميزات والإمتيازات للعاملين لديها أثناء الخدمة وعند التقاعد وأيضا في شركات إلى مابعد التقاعد أيضا
المشكلة وين تلقى ابن الحلال اللي يعطيك ويقولك عن هالإمتيازات
 

Nevada

بـترولـي جـديـد
عفواً أختي ترا الفرق بين الشركاتين كبير جدا.
أولاً: Knpc تعتبر مصفاة أي مصنع لتكرير البترول.وأما Koc تعبر مراكز تجميع النفط ومن ثم ظخها للمصافي.
وثانيا: تعتبر بيئة العمل في كل من الشركتين مختلف ونوعية المخاطر كذالك مختلفة.
وتعتبر هذي الفروق بين الشركتين.
وثالثا: من ناحية الطموح في يوم من الأيام الأنسان كان على الأرض بس من خلال المثابرة وصل القمر ما فكر في فلوس أو طائفية أو محاباة.
 

الفخـــر

بـترولـي جـديـد
السلام عليكم ،،،

حياج الله اختي engineera بالمنتدى ونورتي

اختي بكل مكان بالعالم وللاسف ينظرون للشيء الذي بيد غيرهم وما يشوفون الخير الي اهم فيه

يعني على سبيل المثال يقولون حقوق الانسان عند الغرب وانا شفت وعشت بنفسي وكل ما اروح ديرة اقول الله يعز الكويت بكل شي بالكويت ما شفت هومليس ما شفت شخص يحتاج علاج وسالوه عن التامين الصحي ماشفت شخص يروح الملاجئ عشان ياكل الحمد لله والشكر

نرجع لموضوعنا

الشركات كلهم نفس الشي !!!!!!
الراتب ، ساعات العمل ، مكان العمل


شركة KOC من وجهة نظري للاخوات افضل!!!! ليش

1- نسبة تواجد البنات بشركة نفط الكويت اكثر منها بالبترول خصوصاً المهندسات

وبشكل عام شركة النفط فيها نادي متكامل بعكس شركة البترول
شاكرلكم مرة ثانية واسف على الاطالة

اخوكم الفخر
 

engineera

بـترولـي مميز
اي بس انا سمعت العكس انه ال kocهي اللي وسطات وقبليات ومينينهم
وانه الknpc اهي اللي تقدر توصل فيها بذراعك
والله مادري حيرتوني معاكم
وعلى طاري المميزات سبحان الله اليوم بطلت دليل الموظف وقعدت اقراه واقرا امتيازاتنا والعطل ونظامهم والمنح كل شي مكتوب فيه
فاللي مايعرف وغشيم مثلي خل يقراه وايد ينفعكم وخصوصا اللي مومتزوجين توني ادري يعطون منحه عباره عن قيمه راتبين للي يتزوج وهو في الشركه وايد شغلات عرفتها والله

بس شي واحد ودي اعرفه ومالقيته انا ادري يعطونا بدل ايجار بس مايعطونا بيت في الاحمدي؟؟
واخت نيفادا انا اعرف الفرق بين شركات من ناحيه العمليه بس ماكنت مضيعه بالمميزات وهالسوالف والافضليه

مادري واذا في اي احد يعرف عن اكمال الدراسه في الكويت او الخارج على حسابهم ؟؟ممكن يفيدنا ويقولنا شي
 

كنبس

بـترولـي مميز
حياج الله اخت انجنيرا بالمنتدى
الفرق شاسع بين الشركتين طبعا والافضل koc والسبب عندهم مميزات اكثر منها البيت حتى لو عزوبي وبدلات وعلاوات مو عندنا
واهم شي الراتب الاساسي عندهم كبيررررررر . يعنى الزياده السنويه تفرق عندهم على الاساسي
بعدين الترفيه عندهم اكثر من نوادى - ومخيم الربيع - رحلات - دورات خارجيه و و و و
وبعدين الاهتمام بالمهندس افضل والسبب مساعد المهندس يعطونه سياره شفر حقه
وبعدين التقدير للمهندس خصوصا لمكانته وانتاجيته من شركتنا الى تعرف بس الهنود كمهندسين
اعطيج مثل لمهندس كان عندنا بقسم العمليات بميناء عبدالله بالواسطه طبعا انتقل الى koc ويوم من الايام شفته
راكب سياره ومعطينه مكتب وشغلته ممتازه بقسمه (الله يوفقه ) . تصدقين عندنا كان ضايع ماله شغله معينه
اما الدراسه والتكمله للخارج هذى يبيلها اكيد واااااسطه وعندنا بالشركه يعلنون عن الدورات للخارج للدراسه بس تلقينهم خالصين ومختارينهم ومجهزين اوراقهم وبعدها ينزلون التعميم للى يبي !!!
الخلاصه يبا روحى koc ابرك واحسن لج
تحياااااااااااااااااتي
 

نسناس

بـترولـي جـديـد
الاخ تقول طموحه والله يوفقها

بس في مقوله تقول اذا ضمتك عيني ماضامك الدهر ولو انج بالبلديه موظفه ورضوا عنج راح توصلين فوق

والشركات صارت متقاربه من ناحية الرواتب ولكن كل شركة لها اداره خاصه وفيه شركات اداراتها ممتازه وفيه شركات رديئه اداريا
 

النقابي

بـترولـي جـديـد
السلام عليكم ورحمة الله وبركاته

بالنسبة للأخت التي تسأل عن أفضل الشركات أقول لها لو تأخذين من كل الشركات كتيب يشرح لكِ الأمتيازات بوجهة نظري أفضل لكِ وذلك لكي تعلمين من هي الشركة التي في نظرك تشجع للإنضمام إليها وذلك بحسب المميزات المناسبة في نظركِ تقبلي أختي الكريمة تحية أخوكِ.
 

سالم الخالدي

رئيس اللجنة الإعلامية
فريق الإعلام
مشكور أخوي الغالي النقابي على التوضيح


وننتظر منك المزيد من المشاركات الفعالة

وأهلا بك معنا في المنتدى
 

Phox

بـترولـي نشيط جدا
السلام عليكم

انا عضوه يديده معاكم في المنتدى وعندي سؤال مهم :
شنو تتميز فيه شركة البترول الوطنية من مميزات وهل جميع شركات البترول تحتوي على نفس المميزات ولا في افضلية؟وشنو احسن شركه؟وهل صحيح انه شركة koc هي الافضل؟ولا knpc احسن منها اذا كان عند الشخص طموح؟
مادري لاني اسمع كلام وايد وكل شخص يقولي كلام هذا احسن وهذاك احسن وانا ضايعه بطوشه!!:confused:

وشكرا لحسن تعاونكم


انتى وين قابلينج ؟؟؟
 

Neilz

بـترولـي نشيط جدا
حياج الله مهندستنا بالمنتدى اول شي حبيت اقولج انه هالشركتين مثل ما قالو الشباب تقريبا نفس الراتب او كل شركه فيها طائفيه وقبليه او واسطات كل مكان مو بس بالشركه حلو او اي واحد عنده طموووووح راااح يوصله اذا كان عنده عزيمه او قوة اراده بتعبه وجهده بدون واسطه يوصل يوصل هذا بالنسبه للشركات....اما بخصوووووص الدراسه فانصحج لاتفكرين لانه هذي ام الواسطه صج واحد من ربعي مهندس او عنده شهادات ماشالله عليه او افتحو عندنا بعثه او سجل ما اقبلو قبلو واحد مهندس بس لا شهادات ولاشي ...

بس بغيت اعرف قريت بمجلة الوطنيه اذا واحد يبي يكمل على حسااااابه في شروووط تعجيزيه او ما اعتقد احد يوافق عليها؟؟ راح اوافيكم بالشروووووط انشالله قريبا

تحــــــياتي
 

engineera

بـترولـي مميز
انا الحين مقبوله في الknpc ومادري داومت وحسيت الكل نايس وطيبين ويراعوني وايد ...مادري هذا انطباعي الشخصي ..ويعطيكم العافيه كلكم على الردود الحلوه
 

Phox

بـترولـي نشيط جدا
انا الحين مقبوله في الknpc ومادري داومت وحسيت الكل نايس وطيبين ويراعوني وايد ...مادري هذا انطباعي الشخصي ..ويعطيكم العافيه كلكم على الردود الحلوه



مبروك ان شاء الله
 

frfosha

بـترولـي مميز
انجنيرا حبوبه بالواسطه كل شي يصير سواء بنفط لكويت أو بالبترول حتى يمكن باجر توصلين لي رئيس مجلس الاداره كلشي يصير اذا عندج وااااااااااااااااااااااااااااااااااااااااااااااسطه ذبحونا بهالواسطات الله لا يسلط علينا من لا يكون لديه ضمير قولو آمين
 

engineera

بـترولـي مميز
ماعندي واسطة من الناس بس الحمدالله عندي اكبر وساطه وفوق الكل واسطتي ربي وسبحانه الله معتمده عليه وربي موفقيني بكل شي والحمدالله واللهم لا اعتراض ..لانه كل شي اي من ربي فيه خير:)الحمدالله والف شكر
 
أعلى