هل حل الاتــحاد ؟؟

عبدالله النيباري

بـترولـي نشيط
تلقيت اتصالا يفيد بأن جمعية عمومية غير عادية يقودها ( جناح محمد مساعد ) حصلوا على 45 توقيعا خلوا بموجبها اتحاد البترول برئاسة (عبدالله طالب ) ؟

الحقيقة .... أنني شخص خارج البلد شلون وقع وحضرا ؟؟؟ بربسه ؟؟

اللي عنده خبر يفيـــــــــــــــــــــــــدنا ؟؟؟
 

حبيب البترول

بـترولـي نشيط جدا
اخوي عبدالله لا تخاف الجماعة فاقدين النصاب لان نقابة الpic لم تدفع اشتراكها في الاتحاد فلا يحق لها التصويت وكذلك نقابة نفط الخليج برئاسة فيصل الجدي مطروح الثقة بها عن طريق الجمعية العمومية وموثقة في وزارة الشئون وهذا كله محاولة لتخفيف الضغط على نقابة البترول بقيادة محمد مساعد لان الجمعية العمومية تطالب بعقد جمعية عمومية غير عادية ويمكن ان يتم طرح الثقة بهم ايضا مثل حلفاؤهم نفط الخليج .وتابعنا على هذا الرابط http://www.q8ow.com/vb/showthread.php?t=818
 

ali

بـترولـي نشيط جدا
اللى عرفته الحضور 30 عضو وتم عقد الجمعيه العموميه الساعه 5 والعدد المطلوب45 وتم تجميع العدد الباقى بعد الجمعيه العموميه واللى اعرفه لازم حضورهم الجمعيه وتم جمع التواقيع 45 اشلون مادرى علما ان احد ا الاعضاء حضر الساعه 7 بعدها بساعتين والاعضاء راحوا مع والاتحاد العام اشلون وقع مادرى وباى لائحه تقول التوقيع بعد الجمعيه العموميه وهو محضر وترا الجمعيه مدتها دقيقتين بس السافه خربانه عند الربع يبونها تنعقد باى شى وانا اقول السكوت عن الحق شيطان اخرس والمشكله معهم مطاوعه من نقابه البترول الوطنيه وابشركم انهم من احياء التراث سلف والله عيب والمشكله ما لوم نقابه البترول خايفين على كراسيهم واقول من بنى على باطل فهو باطل
فديتك يالعماليه
 

المهندس

بـترولـي خـاص
صراحه ماني عارف شنو الفرق - ومنو اللي له حق ومنو اللي يبي يحل ومنو اللي حكمتله المحكمه ومنو اللي تعاونو عليه الرياجيل عشان يطيحون اسمه --
 

وفراوي

بـترولـي نشيط
صراحه ماني عارف شنو الفرق - ومنو اللي له حق ومنو اللي يبي يحل ومنو اللي حكمتله المحكمه ومنو اللي تعاونو عليه الرياجيل عشان يطيحون اسمه --

يا معود أحسن لك علشان لا تدوخ راسك
هذي كلها تصفية حسابات وتمسك بالكراسي فقط وتضييع مصلحة العمال وإضعاف العمل النقابي وصرفه عن المطالب العماليه
 

RISK MAN

بـترولـي نشيط
ياجماعة 4 نقابات ماتؤيد الأتحاد أكيد في خلل موجود خصوصا أنه يدعم منافسينهم لعقد جمعيات عمومية غير عادية لحل نقاباتهم وسبب بلبلة في وقت حرج في كل مكان الله يستر
 

العنيد

بـترولـي نشيط
والله يا اخوان الموضوع كله تصفية حسابات وعارفين كل اللي يدور وراء الكواليس والمخالفات الصريحه اللي قاعده تصير من اطراف معروفه ,,لكن اللي انا استغربه الى هالدرجه صااار القانون ماله هيبه ؟؟!!!
الى هالدرجه صارت سمعة الكويت ماتهم هالمتسلقين؟!!!!!!!!!!!
ياجماعه اقسم بالله لو بحلل لكم هالموضوع ماتكفيني عشرصفحات واطلع فضايحهم كلهم من ... الى...!!!
لكن اللي رادني انه بيقولون هذا محسوب على فلان ولا علان.. وانا غني عن هالمهاترات..
وعندي كلمه اخيره بلخص فيها اللي قاعد يصير(من أمن العقوبه أساء الأدب)..(واللي بالجدر يطلعه الملاس)..
وتحيا الحركه النقابيــــــــــــــــــــــــــــــــــــــــــه..
 

Ykarim

بـترولـي جـديـد
كان هناك تصور فيديو و فوتوغرافي علشان التاكد من العدد و كان الاجتماع في الخامسة و تمة طرح الثقة بالاتحاد
 

جابر

قــلــم بــتــرولــي
أعضاء الشرف
والله فوضى ، طيب مع منو راح يتفاوض الحميضى ومنو له الحق فى الدعوه للإعتصام أو حتى للإضراب ..:mad:
أيام شركة الزيت العربيه(الخفجى) ما كان عندنا نقابه رسميه لكن غطاءنا الشرعى كان إخوانا فى الإتحاد ، ما كنا أقوياء لكن الحالة كانت مستوره والموظفين كانوا خلف اللجنه المشكله . اليوم فى نفط الخليج عندنا نقابه أصليه ونقابة ظل ، الأصليه يدعمها محمد العجمى (رئيس الإتحاد !)ونقابة الظل يدعمها عبدالله طالب (رئيس الإتحاد ! برضه)
والله إبتلشنا والواحد إذا يبى يعرف منو صاحب الحق لازم تكون عنده شهاده فى القانون :eek:
 
أعلى