الكلاب الظاله عزكم الله

[frfosha]

يا جماعه أنا أول ما انتقلت الى الاحمدي شفت أشياء غريبه عجيبه من ضمنها جلاب داخل المصافي وخارجها
والمشكله تكرمون الجلب يتمشى يم المواقف اللي فيها سيارتك والله انه مره حكرني جلب وافتشلت لا اقدر اصرخ وخايفه وجلي مو أي جلب (جلب سكيك) ويولي رجال التفتيش وكشوه يزاهم الله كل خير والثاني يتمخطر داخل المصفاة وغير طبعا لضبوبه اللي كل واحد تقول تمساح بالصيف يا ناس ياللي مسؤولين عن السيفتي حاولو تلقون حل في هالظاهره اللي تفشل

 

[بوعبدالعزيز.كوم]

كلامج صحيح أختي ، وصارت معاي مواقف مع هالكلاب عزكم الله ، أذكر مرة عند المواقف مامداني ركبت السيارة إلا ذاك الجلب المسعور حده قام يناطح سيارتي جنه ثور عيده

الله يحفظنا بحفظه ويشوفون لنا حل الأخوان ، ياريت يفتحون حديقة حيوانات يمنا

 

[سالم الخالدي]

جلاب .. بالمصفاة ...


بس اشلون دشت من السور ...المكهرب ..؟؟؟


أما اللي في المصافط فهذي أعتقد اختصاص البلدية ..أظن فيه قسم مخصوص للحيوانات الضالة


والله يعينكم

 

[frfosha]

والله يا خوي يا الوسام انه جلاب بره المصفاة وداخلها وفي تكلم جلب اسود داخل المصفاة كلله يحوس عند الساحه اللي يم البوابه وفي احد خير يقرب يمه والله بلوه

 

[سالم الخالدي]

طيب هل تم الاتصال


على الجهات المختصة أعتقد لو اتصلتي بيقومون بالواجب

 

[frfosha]

يا عزيزي انا اتصل ليش وشحقه اذا أمن المنشآت والسكورتي اللي بره كلهم يشوفونهم وبصراحه انا ما عندي خلفيه حتى لو بتصل على منو بالضبط وتدري هاتفيا انسى تحل شي بالتيلفون والاولي انه اللي يتصل اللي ما عندهم غير ذابحينا بالمخالفات والتبلغ بالتفتيش على هويات البنات

 

[كنبس]

حتى عندنا بميناء عبدااله مو بس جلاب
ضبوبه وحصنيه ولا عايله بعد من الحصني
وعتاويه وفيران
تخرع المصفاة بالليل من الجلاب تنابح
واكثر الشباب يشتكون الى بالترمنال من الخوف مايسون شغل عند التوانكى ملوتهم من كثرهم
الله يعينكم يا اخت فرفوشه

 

[algharib]

اي ولاه مره سته لاحقيني بالينت وانا رايح الدخانيه وبلغنا عنهم ومادري عاد صادوهم ولا لا

 

[MAB12]

افهم من كلامكم انا معانا حق لما طالبنا بزيادة بدل الخطر

 

[HUMMER]

لووووووووول / جنه ثور عيد

الله يكون بعونكم المفروض يعطونكم شوزن ويدخلونكم دورة رمايه

اللهم لا شماته

 

[frfosha]

لوووووووووووووووووووووول همر انت قاعد تتطنز صح بس انشالله وانت داخل يوم بمكتبك تلقى فار قاعد على الكرسي مالك علشان صج نضحك عدل

 

[engineera]

اي شي !!من صجكم انتو فيران وجلاب !!!انزين شسوي اذا طلعلي شي من اللي قلتوه!!!والمباني فيها فيران اللي بالمصافي قصدي المكاتب!!!

 

[كنبس]

اى المباني فيها بريعصيه بعد
الحين اسمحو لام صجمه يبيها معاج الدوام وخليها بالمكتب ستاندباي واذا طلع لج اى شي اكفخيه بالصجمه
هههههههههههههههههههههه
تحياتي

 

[ali_85]

جلاب .. بالمصفاة ...


بس اشلون دشت من السور ...المكهرب ..؟؟؟


أما اللي في المصافط فهذي أعتقد اختصاص البلدية ..أظن فيه قسم مخصوص للحيوانات الضالة


والله يعينكم

اخوي مو اهي عايشه يالمصفاة من زمان وتاكثرت وباقيلهم سنتين ويسون حضاره بعد ويمكن يوضفون عيالهم بالشركه بعد

 

[محمد الشيباني]

المفروض يقولون للكوريين اللي يبنون الوحدات الجديده ياخذونهم و عليهم بالعافيه ( قصدي ياكلونهم )

 

[هامور كبر]

ابشرك قبل يومين وانا طالع من الدوام شفت جلب واحد على خط السريع بين اكويت وميناء عبد الله مدعوم

[

 

[فنطاسي]

الله يعطيج العافيه على الموضوع انا في ميناء عبدالله
بس مو مصفاة حديقة حيوان كل شي موجود من الحيوانات المسعوره
الكلاب يتمشون في الوحدات والحصانيه يدورون الاكل عند المكاتب
انا موافق لو يعطوني تصريح اخلص عليهم كلهم وما ابي منهم شي
مشكووووووووووووووووووووره

 

[frfosha]

مشكور ين على التواصل بس بالدول الاوروبيه اللي يكونون عايشين بالمناطق الريفيه يحطون لازم شوزن حق الفوسات اللي تاكل الارانبواحنا اهي بدواماتنا ضبوبه وجلاب مسعوره يعني واله يعضك تنام شهر بالمستشفى بعدين نقول اصابة عمل ولا اشرايكم ؟؟؟

 

[المكسيكي]

ياجماعه لازم نطالب الشركه بصرف لكل موظف شوزن لدفاع عن النفس........لان الأخت فرفوشه حركت مشاعري لما قالت حكرها الجلب ابن الجلب وهي موو قادره حتى تصرخ آآآآآآخ ياجماعه لو اشوفه..على كل حال لاااااااااااااازم نطالب بشوووووووووزن او rpg[

 

[موظف متفائل]

لتنويه فقط

يا جماعه يوجد باالعقد لدى دائره الخدمات العامه لمكافحه الحيوانات الضاله ومكافحه الحشرات"تحياتى

متابعة اشرافية : الله يهديك نقول لاترفع مواضيع قديمة .. ماكو فايدة : )