السلام عليكم .. يعطيكم العافيه على هالمنتدى الراقي .. يا جماعة أنا سمع اليوم بالدوام طراطيش حجي ان في آب قريد ... حق جميع الموظفين .. و قالوا ان شاء الله آب قريد في طريقة إلى الإقرار .. بس اب اعرف صحة هالكلام من ذوي الخبرة .. يعطيكم العافية ..
السلام عليكم ورحمة الله وبركاته وحياك الله اخي الكريم في منتداك وبالنسبه للكلام اللي قلته لا نعلم صحته ولكن نتمنى هذا الشي ان شاءالله
اخوي الاب قريد اللى تتكلم عنه بالبترول هذا صار من زمان اما بالنسبه الى شركه النفط هو ينطبق على اربع دوائر وهي دائره الانتاج, الغاز , الماي, والتصدير
نعم صحيح وراح يا خذون جريداتهم في شهر نوفمبر هذا والدوائر المذكورة دائره الانتاج, الغاز , الماي, والتصدير عبارة عن المرحلة الأولى فقط والصيانة وغيرها من الدوائر في المرحلة الثانية تحياتي وتقبل مروري
الجريدات راح تصير جق الكل حتى في اتيم ليدرز ليفيل والسينيورز ليفيل - هاذي اللي سمعته - يعني بيصكرون كل شي - بالاضافه للي قلتوه فوق
هذى صارت حق المهندسين اللى خدموا سنه كامله على الدرجه 14 بال KNPC وبعض الوظائف اللى كان عليها مطالبات قديمه على درجات اقل مثل 11-12-13 عدل كلامك .. بس الترفيع ليلحين قيد الدراسه من قبل لجنه مشكلينها لتقييم الوظائف وليلحين ما خلصت اللجنه واتوقع على اخر السنه (قبل الانتخابات) راح تصير باذن الله ... بعض الوظائف راح يترفع والبعض لا .. حاليا موافقين على 72 وظيفه من اصل 103 وظائف ... الصبر زين صاير وايد ذرب ... ترا مو مستوعب انك سمارت لا تروج اشاعات .. دايما اخبارك وتحليلاتك عجيبه
السلام عليكم ورحمة الله وبركاته تقبل تحياتي اخي الكريم صاحب الموضوع اما بخصوص الترقيات نعم انا هذا الي سمعته انه راح يكون على دفعتين وانا سبق وكلمني اخ عزيز لي في التصدير ويشكي الحال وقال مو كل الي في التصدير خذو ابقريد في قسم في التصدير وهم قسم الماي تابع للتصدير ما جاهم شي ولا لهم ابقريد الله يكون في عونهم وهم حاليا في مراسلات مع الاداره للاستفسار وان شاء الله احنا في المنتدى راح انقدم لهعم كل المساعده لتوصيل صوتهم الىالمسؤولين
جزاك خير طويل العمر .. انا حضرت اعتصام الصيانه الي صار بالنقابة قبل فتره و الأخ العزيز \ دليهي الهاجري قال انها راح نقدمها على مرحلتين بس ما ادري شنو اللي صار بالضبط بعدها .. يمكن ما كو شي رسمي *** بس الخبر اللي سمعته انا بعد ان راح تصير حق كل الشركة .. بدون استثناء ... ( لا تقولون يروج اشاعات ) ترا هذا اللي سمعته الله يوفق ان شاء و يكتب اللي فيه الخير و الصلاح و الصراحه يستاهلون القطاع النفطي و ان شاء الله يكون الكلام صحيح ..
صبحك الله بالخير يا محمد كلامك عدل .. الكل يقول ان الترفيع للكل .. وانا ما اقول .. انا شايف بعينى ان لجنه تقييم الوظايف رافضة وايد مسميات بعد اعادة التقييم ترا الترفيع مو عميانى ... الجنة تقيم المهام اللى على الوظيفه اذا تستحق درجتها الحاليه والا لا ... اذا تستحق يحاولون يضيفون عليها مهام ثانيه بحيث يرفعون مجموع نقاطها ويدخلونها بالدرجه اللى اعلى منها ... وعشان جذى اللجنه موافقه على 72 من اصل 103 وظايف بالشركه ... اتمنى ان المعلومه وصلت؟ بعدين قصدى " لا تروج اشاعات" عن الاخ/ المهندس ... جزاه الله خير اخباره مادرى منين يجيبهم ... ودي بخبر واحد تكانه بمشاركاته
يمكن البعض مايدري عن أمور قاعده تصير يحسبون النقابة أهي صاحبة الفضل فيها من عهد الشيخ ناصر لما كان وزير النفط صار أتفاق على أن توحد درجات الموظفين بالقطاعات النفطيه كلها .. وبعدين يتم تطبيق النضم الأخرى يعني يشوفون مثلاً نضام الإجازات في أي شركة أحسن يتم تعميمه على باقي الشركات وطبعاً كانت هناك أنظمة جيده في البترول الوطنية لكن شركة النفط قاعده تأخر هذه الأنظمه .... والأب جريد ألي صابر عندنا بالشركه كان المفروض يصير من زمان والدليل على أن النقابة مالها شغل .. النقابة قالت إن الجريد راح يطبق في بداية شهر 9 وبعدين تأخر وقالوا في نهاية شهر 9 وأعتقد لين ألحين ماصار شي ... والنقابة ماصدرت أي تعميم على هالتأخير .... وبعدين ليش يسون تقييم للوظائف ألي بيرفعونها أعتقد الإداراة عارفه طبيعة عمل كل وظيفة
لا يبه هذا إنجاز نقابي والكل عارف وشاهد ومقدر و راضي إلا الثلة القليلة المعروفة بأن لا يعجبها إلا العجب ولا الصيام في نوفمبر وبيض الله وجيه نقابتنا .. وما قصروا والله يعطيهم العافية وترا ملينا من هالسوالف انجازات قدام العيون ... وبعدين يقولون مو النقابة ومشاكل في إقليم دارفور .. وقطاع غزة ... مو ناقص الا النقابة تصير وراها بعد وأنا سمعت إن التشكيل الوزاري الجديد داشه فيه النقابة بعد تقبل مروري
