ساعات الانتر نت

التخلف هههههههه حلوه التخلف

أصلا التخلف برأسه يستحي لما يشوف هالديناصورات

أنا سمعت من ديوانية عروقها بالنفط إنهم يفكرون يفتحون كوفي نت لا والأسعار راح تكون ببلاش

الساعة 232 فلس والدفع كاش

المهم لاتنسون تخردون فلسات حق النت

 

والله أختي فرفوشا كلامج عدل

 

أظنهم يقولون الموظف كافي عليه ساعتين فقط لأن لو عطيناه أكثر

بيضيع وقت العمل كله في الانترنت

وأنا بصراحة أوافقهم في هذه النقطة لأن معظم أقسام المصافي لهم كمبيوتر مشترك يعني ممكن أقسام فيها كل عشرة أشخاص على جهاز


يعني تصوري لو كل واحد بنعطيه ثمان ساعات اللي بيستخدم الجهاز واحد من العشرة أشخاص


لذلك حطوا ساعتين فقط لكل موظف ...هذه هي الحالى اللي أنا أقصدها



أما الحالة الثانية فهي لأصحاب المكاتب يعني كمبيوتر شخصي كل موظف عمله مرتبط بمكتب أو مكان واحد هذا هو اللي أعتقد تقصدينه

ففي هذه الحالة أنا معك ان الموظف اللي على مكتبه وعنده حاسب شخصي وشغله مكتبي

فما المانع أن يكون الانترنت مفتوح ..وهذا من صالح الشركة ..لان هناك شيء يمسك الموظف للجلوس على مكتبه

لأن اذا خلص شغله .. وما عنده شيء يسليه على مكتبه بيروح يفر على المكاتب الثانية وبتتصل عليه أو اذا بغيته في شغل

ماراح تلقاه على المكتب

اذن فالأفضل لهذا أن تفتح له الانترنت


هذا رأيي

 

قولي الحمدلله عندج ساعتين هههههههههههههههههههههههه
احنا يالمشغلين ماعندنا ولا دقيقه قاعدين نظبط السوبر فايزر عشان ناخذ الساعتين اللي عنده لا والساعتين تتوزع على الشباب بالشفت
يعني يااااااااااااادوووووووووووبك الواحد يطلع له اربع دقايق و32 ثانيه بسسس :

 

ياجماعه ترى صج كلام الاخت هالشركه حزززره على موظفينها والهنود بالمكاتب طايحين له جرايد هنديه
ولا بعد بورصات اجنبيه وتبادل ايميلات وصور وافلام وما يندرى شنو بعد !!!
شوفو موظف النفط koc كل واحد له يوزر نيم ومفتوح بس مشكلتهم ماكو اجهزه متوفره كثير ومشاكل الخطوط عندهم تعبانه
اما احنا خلفله علينا تدور النت غصب حتى الساعتين طراره ونطر بعد جهاز فاضى
وغيرنا يلعب لعب بالانترنت
ولا بعد يتحكمون بكل شي لا مواقع ولا شي ولا برامج ولا العاب غثه في غثه
ما قول الا الديره صااارت طبقات. طبقات فوق طبقات. اميييييييييييييه طبقات ههههههههههههههه
الله يخلى لابتوب البيت ابرك منهم ويخلى wifi والقهاوى والايقو ل mtc
تحياتي

 

اشوف النت ما يأخر المسؤولين عن شغلهم ؟؟
اغلبهم شابكين 24 ساعه على صفحه البورصه

واحنا وعليه علينا ساعتين وعلينا بالحسره
لا وفوق هذا مواقع وايد قافلينها من غير سبب

 

والله انا اطقطق مرات مني ومناك شويه هنى وشويه هناك
يعنى شويه من الشفت كنترول وشويه من السوبرفايزر وشويه بره بالمواقف بالابتوب والمسنجر والسكاي بي
يالله قاااااااااااااااااازره

 

انا برايي انه ساعتين كافي تدرون ليش اهمه معطينا الساعتين عشان نجيك ترا على ايميل الشركه او على الاوفر تايم او على السيك والاجازات مو حق مواقع او تنزيل اغاني او افلام انا اعتقد انها كافيه صج انه السوبر فايزريه 8 ساعات مفتوووووحه طوووول الشفت بس الحمدالله شي احسن من ولا شي لاتنسون انه قبل ماكان في شي لا نت و لاكمبيوتر عدل الحمدالله تطور شوي شوي

قولو الحمدالله

 

يه عادي الناس طبقات ايل عامل يسير مميزاته مثل المدير وش هل حجي لا يبه المدير هم انترنت البيت على الشركه وتوصله جرايد يومبه للبيت

 

والله أختي فرفوشا كلامج عدل

 

احمدو ربكم كل شي تبون مثل المسؤلين قولو نبي سيارات بعد
درسو وصيرو مسؤلين واخذو مثلهم ........انا عندي ثمن ساعات والحمدلله
واللي يبي اعطيه منهم كم يدفعلي ههههههههههههههه

 

للعلم أصدقائي في ال Koc يقولون الإنترنت مفتوح والمسنجر مسموح , انا لي ساعتين تكفيني, ولكن هل تقليص المدة إلى ساعتين باليوم عادل ام لا. ياترى ما القصد وراء ذلك؟

 

حقدت عليك فنطاسي ..

واللهي ماني عارفه شالقصد من ورا ساعتين بس ؟!

يعني موظفين ال knpc احسن اداء من ال koc وال kpc مثلا !!

افتكر ان الواحد قعدته بمكتبه مع انترنت طول اليوم ارز له وابركله من انه يرز عمره بمكاتب الناس و التجمعات اللي مالها داعي

عالاقل لا صار بمكتبه يصير يم شغله و تلفونه و اذا احتاجوه يلقونه

السالفه يبيلها شوية تمعن و شوية منطق

يا ليت النقابه تطالب فيها او الاداره العليا توفرها بدون وجع راس و اسوه بباقي الشركات

اول عادي انطوف بس الحين مع منتداكم صعبه

 

فعلا تخلف

السلام عليكم
اول ما يابوا لنا الكمبيوتر احنا مجموعه من المراقبين كنا ما نعرف اي شي بالكمبيوتر
عقب جم يوم قالوا لنا لكم دوره بالكمبيوترخاصه بإدخال البيانات الخاصه بالعمل ا لمتعلق بالصيانه
طبعا كل اللي كانوا معانا بالدوره لا يفقهون شيئا بالكمبيوتر و الادهى و الامر بعضهم لا يفقه شيئا باللغه الانجليزيه و المحاضر المسكين كلامه كله بالانجليزي و المصطلحات كلها بالانجليزي
المهم مرت الايام والاشهر و احنا نطقق بالكمبيوتر و نسأل عيالنا عن بعض الاشياء في الكمبيوتر ياللله قمنا نمشي حالنا فيه و بالنسبه لادخال طلب العمل للصيانه احيانا كان يصتصعب علينا
و في احد الاجتماعات مع مدير العمليات قال لنا منو عنده اي استفسار او اي طلب يومها كان فيه خبر اضراب المشرفين و المراقبين اقصد shift control & shift supervisors و الاجتماع كان بوقت مو طبيعي الساعه 3 الفجر بدون ذكر المكان المهم سأل احد الأخوه قال له بالنسبه للكمبيوتر و ادخال طلب العمل للصيانه اللي هو ال maximo فيه صعوبه شويه
تخيل شنو كانت اجابته و رده مادري كان يبي يستظرف دمه او كان يتطنز والله مادري طبعا المهم قال لو كان رسيفر و مطلوب منكم فك الشفره عشان تطلعون القنوات الاباحيه جان عرفتوا لها بس عشان الموضوع يتعلق بالشغل تقولون انه صعب... بذمتكطم هذا رد مدير عمليات ؟؟؟ على فكره دائما المسئولين يحطون ببالهم سوء الظن و مستحيل يحسنون الظن يعني اللي ابي اوصل له انه لو واحد طلب من احد المسئولين زيادة ساعات الانترنت يقول لك شتبون في الانترنت اكيد تبون تدخلون مواقع ..... و ترى بالنسبه للساعتين نص الوقت يضيع في النتقال من موقع الى موقع و اكثر المواقع مسكره blocked from knpc ناهيك عن المسنجر المقطوع و الايميل اذا انترس ما يستقبل رسائل و الله مثل ما قلتوا بالبدايه تخلف و بدائيه

 

من منكم جرب بروكسي لفتح النت .. مرات اشبك النت عن طريق البروكسي اذا خلص رصيد الساعتين . لكن هذه الطريقة لازم تكون بحذر وحتراف وفي اوقات معينه فقط ..

 

مواق دشلي برايفت و علمني ضروري