مصفاة ميناء الاحمدي والكيربي

frfosha

بـترولـي مميز
زملائي الاعزاء السلام عليكم ورحمة الله وبركاته أحب ان أتحدث عن موضوع بصراحه وايد أستغرب منه داخل المصفاة الأحمدي وهو أن هناك في مباني داخل المصفاة مبنيه من الكيربي لا وتكون أدوار بعد (مثال المخازن + خارج المصفاة كيمز ) ، سؤالي ناقصنا فلوس علشان تبنون مباني مثل الاوادم داخل المصفاة والله مساكين هالموظفين اللي قاعدين داخل هالكيربيات تقول جنك داش الجبره والله عيب يجون لنا زوار من الخارج ويشوفون هالكيربي ولا بعد داخل الكيربي مكاتب والله شي يفشل ويضحك بنفس الوقت
 

سالم الخالدي

رئيس اللجنة الإعلامية
فريق الإعلام
بصراحة موضوع جميل لكن أنا أظن انه راح يتم البث في موضوع المباني اللي داخل المصفاةالكيربي ( طبعا اللي بعيدة عن أعين الناس )
لما يخلصون من مطالبات الموظفين بالمباني الخارجية


عندج مثلا مبنى مثل الناس لمستشفى عصب الدولة مستشفى القطاع النفطي

مبنى مثل الناس أو نادي مثل الناس أسوة بظباط الجيش أو الشرطة اللي على البحر مبنى ترفيهي

مبنى مثل الناس جمعية استهلاكية بسعر مدعوم للموظفين

ومدام الشركة تسلك مسلك التوفير في المواد


واختيار الأرخص بمقابل الجودة...... ان شاء الله بنشوف هذه الخدمات لما يتقاعد كل المسؤولين اللي موجودين حاليا


الله يولي علينا الأفضل والأصلح
drhjif3.gif
 
التعديل الأخير:

frfosha

بـترولـي مميز
يعني ننطر لما علما يتقاعد الكل ويأتى جيل جديد يمكن يلحق على بداية البناء ومشكور على الرد وأتمنى التواصل
 

كلامي فوق

بـترولـي جـديـد
أختي frfosha :

في هالوقت لاتستغربين لو يحطون بيوت شعر :D:D

يعني باجر مكتبج تحت بيت شعر :p


أخوي الوسام :

الديره بكبرها يبيلها تقاعد مو بس المسئولين :D:D
 

سالم الخالدي

رئيس اللجنة الإعلامية
فريق الإعلام
أختي frfosha :

في هالوقت لاتستغربين لو يحطون بيوت شعر :D:D

يعني باجر مكتبج تحت بيت شعر :p


أخوي الوسام :

الديره بكبرها يبيلها تقاعد مو بس المسئولين :D:D

والله ضحكتني


ههههههه


حلوة منك بيت شعر

وبدال السيارات بيحطون بعارين للموظفين بدال مطالبتهم بالسيارات

والموظفات بعير عليه صندوق مسكر

والسيكورتي ماسكين سيوف عند الباب


:)
 

الخبير

بـترولـي جـديـد
هل تعلم؟

هل تعلم انه في انفجار عام 2000 تطاير الكيربي حتى وصل مصفاة ميناء عبدالله؟
هل تعلم انه تم توجيه سؤال برلماني لشركة البترول الوطنية عن المعايير المستخدمة لبناء مباني آمنه؟
هل تعلم ان الشركة كلفت مستشار اجنبي لدراسة مدى الأضرار التي ستلحق في حين انفجار أحد الوحدات؟
هل تعلم ماذا كانت النتيجة؟

النتيجة كانت مرعبة تصل الى مدينة الفحيحيل!!!

هل تعلم بانه تم توقيف المشروع ولم يتم دراسة باقي الوحدات؟
هل تعلم بانه تم طي الموضوع ووضع الدراسة بالدرج؟
هل تعلم بانه تم تطنيش السؤال البرلماني؟

هل تعلم ان الشركة عادت من جديد لبناء مباني من كيربي؟


وإلي يدري يدري ....
 

frfosha

بـترولـي مميز
والله ندري بس نبي الحل وعندنا خبر بمخاطر هالكارثه ويقولي الاخ وسام قاعدين يخلصون اللي بره وبعدين يلتفتولنا يعني لي صار لا قدر الله انفجار ثاني يودونا المستشفى اليديد على أساس انه اهوا أئمن لا حول لله ولا قوة الا بالله العلي العظيم حالة هالشركه كلن على ليلاه يغني
 

فيصل العجمي

مؤسس المنتدى
أعضاء الشرف
موضوع مهم جدا

والأهم هو شلاتر المشغلين في الوحدات
كلها كيربي وبنص الوحده
يعني لا شافت السيفتي ولا سمعت عنه
ومع ذلك يقولون لك لازم تتبع شروط الأمن والسلامه في لبسك وفي عملك
زين وفرلي مكان أمن علشان اتبع شروط السلامه
 
أعلى