كن حذر من التسمم (الماي)

ام ريما

بـترولـي مميز
السلام ياجماعه عندي لكم موضوووع مهم وانشالله راح تستفيدون منه لان ادري كلم كسولين تتصلون على البانترى وتطلبون شاي او ماي او قهوه قبل كل هذا انتوا رحتوا المطبخ وشفتوا الحنفيه والفلتر مال الماي ترى من سنة الطفحة مومغيرينه ومصدي والله احنا دخلنا المطبخ ولا الفلتر حده وصخ لسلامتكم روحوا شوفوا الفلتر قبل كل شي وبلا كسل يالله كل واحد يروح ويشوف والله جد اتكلم لاتتسممون اشوف انا كل مالي خلق اداوم الظاهر من الماي اللي اشربه ههههه عندي عذر
 

فيصل العجمي

مؤسس المنتدى
أعضاء الشرف
الله يكون بعونكم
بالعفل اهمال في اهم الأمور
قد ينظر اليها البعض على انها امور بسيطه
ولكن كل مايتعلق بصحة الموظف هو مهم بالنسبه لنا
 

SMART_BOY

بـترولـي نشيط جدا
أن اصار معاي ببيتي

تغير طعم الماي مو ليه

لما كشفنا المستور

آآآآآه من المستور يا أم ريما

اظهر وبان عليك الامان

بلاااااااااااااااااااوي


وتم ولله الحمد عمل اللازم


شكرا يا ام ريما
 

البرقان

بـترولـي نشيط
ان كانت العملية حسب الانظمة

فقسم صيانة المباني .. هم الموكل لهم القيام بهذه العملية

بعد تركيب الفلتر .. يتم تنظيفه مرتين و في الثالة يتم التبديل

و الفارق الزمني بين كل عملية يعتمد على عدد العمالة ....

ولكن

المشكلة .. الحقيقة انه يوجد في الشركة قوانين

و صلت الى قياس قوة الضوء لكل مكتب وهل هو مناسب ام اعلى من المعدل

ولكن اين هو من يفعل هذه القوانين ..............:cool:
 

SMART_BOY

بـترولـي نشيط جدا
شتقول يا برقان

القوانين ياخذونها خص نص من الشركات الأجنبية والمعايير العالمية (ستاندرد يعني)


كل شي بالشركة ماخوذ من برا

ولا يدرون هم شخذو اصلا


وبعدين يقولون لما تبي اي تغيير


ذس از كي او سي ستاندرد



يا هالاستاندرد اللي جانا بلوى
 

sanjar

بـترولـي نشيط
يا جماعة صلوا على النبي

لا تتجنون على الصيانه انا ما صادفني اللي تقولون عليه اذا فيه شئ معطل عندكم دقوا على الصيانة صحيح انكم لازم تكلمونه اكثر من مرة بس الصراحة يجون ويغيرون اللي تبون او اذا تبون تغيير الفلتر مثل ما تبي الاخت ام ريما يسوونه بدقايق .
 

SMART_BOY

بـترولـي نشيط جدا
ما نقول والله فيهم شي

جهودهم مشكورة

والله يعطيهم العافية

وهذا والله ما هو تجني ... ولا قصدنا والله نضر أحد


بس نذكر ما واجهنا

وهم والله ما يقصرون


يا شيخ شيلحقون عليه ... على ايه والا على ايه

الله يعطيهم العافية



وبعدين .. رضى الناس غاية لا تدرك


إذا نقابتنا الحالية على كل انجازاتها في ناس مو راضين عليها لا الحين

فما بالك بغيرهم

أرجو أن تتقبل مروري .. ووجهة نظري .. تحياتي
تحياتي
 

ام ريما

بـترولـي مميز
مشكورين عالمرور بس ماكو فايده من قسم الصيانه يعني تطلع روحك على مايووووون عندنا التكيف خربان نتصل عليهم وبعد سبوع ايون على مااحنا متنا من الحر خلها عالله حبيبي لاحياة لمن تنادي
 

محمد اليتامى

بـترولـي نشيط
شكرا ً لج ام ريما على هالنصايح ..


بالنسبة للبانتري الي اب سنترنا ,, الحمد الله الوضع مستتب :)


توني مجيك عليه :)




تحياتي ..
 

Mr. Engineer

بـترولـي مميز
و الله احنا بالـKOC ماشيين عالبركة و بحفظ الله،

آنا كنت أداوم في مكاتب برقان، و كنا نشرب الماي العادي من الحنفية و للـ Team Leaders يعطون ماي بطول الروضتين، و فجأة لقيناهم يييبون كراتين ماي الروضتين البطل الكبير، حاسبين حق كل موظف بطل في اليوم، استغربنا شالكرم الحاتمي ؟ :confused:

بعد الاستفسار و التدقيق من بعض موظفي الـ HSE ، درينا إن التانكي ماله غطا و أنه متروس حشرات و طيور ميتة، و أنه معرض للغازات و الأبخرة الصادرة من مراكز الانتاج في الحقول، :eek:

فخافوا أحد يصير فيه شي فقالوا لا تشربون إلا ماي بطول، و بعد شهر واحد توقف إمداد ماي البطول، و رجعنا للماي الملوث مرة ثانية!!! :mad:

خلوها على الله
 

ام ريما

بـترولـي مميز
شفتوا الحمدالله مو بس قسمنا اطلعت السالفه عند الكل واكبر دليل كلام مستر انجنير والله الواحد صار يخاف
بس تدري الظاهر اهم لاعبينها عدل ليش احنا مأمن علينا فقالوا عادي اذا تسمموا نعطيهم تعويض :)
 

HUMMER

بـترولـي خـاص
انا من النوع اللي اجيك حتى على قلاص الماي قبل لاييبه حقي

والله يستر
 

dehen_3ood

بـترولـي خـاص
أعضاء الشرف
تسلمين ام ريما على هالتنبيه المهم
ومشكوره وماقصرتي

والحذر واجب بكل شي !!
 
أعلى