أول بشائر الخير

ali salem

بـترولـي نشيط جدا
أخواني أحب أن أزف لكم هذا الخبر وهو صحيح 100%
تم اليوم الطلب من :)تقديم إستقالاتهم بعد إجتماع بين الخشتي والعواد والعباسي وبن ضيدان
نسأل المولى عز وجل أن تكون هذه أول عمليات الإصلاح
 

حاطب ليل

بـترولـي نشيط جدا
السلام عليكم

ممكن نعرف شنو مناصبهم ولليش انتو فرحانين:)

مع كل تقديري للإخوة اللي فرحانين باستقالة من استقال في الإدارة
أقول وبشكل شخصي
آنا لله الحمد ماني محسوب على أحد
كويتي وتهمني مثل الكل مصلحة الكويت
ولا أتكلم عن أشخاص بذاتهم
وراح أقول وجهة نظري في الوضع في الشركة من وقت ما عرفناها
من صالحنا أن يمسك الإدارة أصحاب قرار فاهمين
أو على الأقل يقدرون يبررون قراراتهم بشكل مقنع
راح أضرب مثال
مجلس الوزراء أقر من مدة طويلة مكافأة شهرية لموظفي الخفجي
ميزانيتها مالها شغل بميزانية الشركات النفطية
أول ما استلم الجانب الكويتي موظفي الزيت سابقاً
وقف عنهم هذي المكافأة
ليش وقفتوها يا جماعة
مافي إجابة واضحة
لكن كأنهم استبدلوها بالزوجية والأولاد
اللي تصرفها الشركة ولا زالت
تمشي بأي صفة ماني عارف
مو لأني كاره إنها تمشي
بس كموظف لابد إن لي راتب أساسي على الشركة الكويتية لنفط الخليج تحسب على أساسه البدلات وغيرها
ما احنا عارفين شي
وللعلم ما احنا عارفين إلى الآن صفة تحدد وضعنا الحالي
هل احنا موظفي شركة كويتية تعمل خارج الكويت
والا داخل الكويت
ما علينا
نرجع للموضوع
المكافأة من مجلس الوزراء تم توقيفها
و تمت تدخل ميزانية وزارة النفط على نفس أساسها السابق واللي ما تغير فيه شي
مازلنا كويتيين ونعمل في الخفجي
وبعد قضايا ومحاكم رجعت تصرف وبأثر رجعي
هذا التلخبط والارتجال في قرارات كان لابد تاخذ حظها من الدراسة
شي غير مقبول من شركة تمت تدرس أوضاع الكويتيين في شركة الزيت مدة سنتين
وطلعت بشي بكل أسف
يفشّل
وقيس على هالمثال كل قرارت الشركة
على شان تعرف معنى التراكم الأرعن والتخبط في مراكز صنع القرار في الشركة أقصد نفط الخليج
وكلما جت إدارة جديدة زادت الطين بلة
أتصور هذا السبب اللي يخلينا نأمل
مع كل تغيير في إدارة الشركة
إنها تحل هالقضايا
ولما تستلم
تسوي مثل اللي قبلهم وتزيد شوي
لأنا ما زلنا ننتظر أصحاب قرار
فاهمين
أعتذر عن الإطالة
 
أعلى