رصيد الاجازات

[الساحوت]

السلام عليكم
كنت اتمنا من نقابتنا انهم يطالبون بزياده رصيد الاجازات شنو 35 يوم في السنه ولا 50 يوم اندوام شفتات و8 ساعات في 6ايام بعد الاوف اللي محسوب علينا 48 ساعه بالضبط يعني اغلب وقتك في دوامك وفي الاخر نطلع بالعدد الضئيل هذا ؟؟
اذا شفت غيرنا صح راح تلقا رصيد اجازاته السنويه نفسنا تقريبا مابين ال35 الى 55 بس عنده طرق اخرى مثل العرضيه للي في الوزارات والمنحه الاميريه للي في الحرس الوطني وغيره وغيره
انا اراهن انهم لو يرفعون رصيد الاجازات راح تقل المرضيات اللي ياخذونها الموظفين... مو هذا مطلب من مطالب الشركه ؟
وشاكر لكم

 

[فيصل العجمي]

اعتقد ان رصيدك يعتمد على درجتك الوظيفيه
يمكن انت في بداية حياتك المهنيه
ولكن ان شاءالله بعد ماتاخذ درجة 10 او 11 يصير رصيدك 42 يوم

 

[زهرة التوليب]

فعلا رصيد الأجازه يعتمد على الدرجه

وبعد اذا صار لك 5 سنوات خدمه حتى لو درجتك اقل راح يطلع لك 42 يوم

 

[كنبس]

قول زين مايقصرونها ويسون لنا حمله ترشيد ويخصمون من الرصيد
اخوى هذا سبب من هجره عمال القطاع النفطي الى الوزرارات والشركات المحليه
وفعلا اقتراح مادام فيه الحين تمييز بين القطاع النفطي وباقى القطاعات من زياده رواتب وتذاكر سفر فرصه يزيدون رصيد الاجازه او استحداث ايام شهريه او اجازه خاصه عند الطلب وتكون بدون حسابها من الرصيد يعنى مقطوعه
مثلا يومين بالشهر عرضى او اى مسمى
تحياتي

 

[الساحوت]

يعني الحين 42 يوم مقنعه برايكم .؟؟ حتى 50 غير مقنعه
خلاص نبي حالنا حال هالعالم اجازه سنويه واجازه اداريه

 

[سالم الخالدي]

يعني الحين 42 يوم مقنعه برايكم .؟؟ حتى 50 غير مقنعه
خلاص نبي حالنا حال هالعالم اجازه سنويه واجازه اداريه

بالضبط



على فكرة هذا الموضوع لابد له موضوع منفرد


وأعدكم عن قريب ان شاء الله بنفتحه ونتناقش

أما عن رصيد الاجازات فعلا فهو محتاج لنظر حتى لو زيادة 10 أيام لأن الرصيد بهذه الطريقة لا يكفي والموظف طوال فترة العمل لا يتمتع الا بيوم ونص

لأن نص اليوم الأول في الأوف نايم ..والأوف الثاني نايم بدري استعداد لعمل الصباح يعني 1ST morrning


لذا يجب أن ينظر في رصيد الاجازة

 

[frfosha]

أنا برايي أنه موضوع رصيد الاجازات جيد ولا يحتاج تعديل ويعطى للموظف على حسب الدرجه وايضا بعد مرور 4 سنوات من التعيين تلقائيا يكون لك 42 يوم نقس كلام الاخت زهرة لوليت وشكرا

 

[بوعبدالعزيز.كوم]

ياجماعة ماافرقت هالـ 3 أيام بين الدرجات وسنين الخدمة ( نبي يغيرون الرصيد من 45 إلى 60 )

تقريبا إحنا أطول دوامات وإجازاتنا أقل من إجازة الوزارات اللي عكسنا ،،،،

 

[زهرة التوليب]

زين ليش ما يعطونا ايام عرضي حالنا حال باجي الوزارات ؟؟

يعني على الأقل بالسنه يكون لنا 6 ايام عرضي الواحد يقدر يستفيد منها

خاصه عندنا في البترول الوطنيه لما يكون عندك ظروف وما تقدر تداوم تضطر انك تكتبها أجازه

او احد من عيالكم مريض (بعيد الشر) وتكون يايب ورقه من المستشفى او المستوصف انه تعبان ما يعطونك اجازه يخصمونها من رصيدك
ولما تكلمهم يقولون لك والله لازم ينام بالمستشفى !!!
مع ان في ورقه من المستشفى تثبت انه الولد تعبان وراجع المستشفى للعلاج ؟؟ يعني ليش هالتعقيد ؟