Kpc موظفة يديدة خايفه =(

[Green Tea]

السلام عليكم ورحمة الله وبركاته يا أعضاء المنتدى الكرام

انا موظفه تم قبولي في KPC في قسم التسويق

ودي اعرف شلون الشغل ، هل انتو مرتاحين في وظايفكم ؟ متى تنامون ومتى تقعدون ؟ و متى تاكلون ؟ اشنو الكافتيريا الموجوده عندكم ؟
شلون بيئه العمل والموظفين ؟ سمحين ولا ؟ قولولي كل اللي تعرفونه عن الشغل هني ولي يعافيكم
ترا حدي خايفه

 

[HUMMER]

الله يكون بعونج

 

[Green Tea]

Hummer خرعتني زياده ، لهدرجة المكان مو زين ؟؟؟

 

[HUMMER]

مو المكان موزين بس انا سامع ان الاداره موزينه وبعدين انتي بمؤسسه اللي بالديره؟؟

خلي اسالج

 

[Winchester]

والله للأسف ما اعرف المكان

بس نصيحتي لج صلي أستخارة

وبالتوفيق

 

[brilliant]

التسويق هو عصب القطاع النفطي وهو العين للكويت بالخارج فهو الي يشوف طلبات الزباين وهو الي يشوف انتاج الكويت

اذا كنتي في المبيعات فانتي الان تمثلين الكويت في الخارج فالكل ينظر فيك الكويت

واذا كنتي في التزويد فانتي قائده تامرين بالبيع وتنهين عن البيع فانتي من يرا انتاج الكويت وانتي من يرا الطلب فالطلب والامداد بيدك

واذا كنتي بالبحريه فالله يعينج

اما اذا كنتي في التخطيط فانتي بيدك مستقبل الكويت

اما اذا كنتي في البحوث التسويقيه فسترين انكي مازلتي بالجامعه

اما اذا كنتي في ادارة المبيعات فانصحك باصطحاب مخدتك معك

والله ولي التوفيق

 

[المهندس]

ماكو شغل ترا وكبري المخده

ترا الشغل هناك معطينه حق جم واحد من ربعهم يامرون وينهون والموظفين الباجين بس قاعدين يطالعون

 

[HUMMER]

مشكور اخوي برلنت على التوضيح والشرح
بس ليش بالعربيه الفصحى
حركااااااااااااات

 

[brilliant]

حركااااااااااات يالهمر


الله يسامحك يالمهندس ليش الكل ماخذ هالفكره ترا الشغل في كل مكان وكلنا 8 ساعات باي مكان بالقطاع النفطي ,,, تدري مرات نقعد بالتسويق الى الساعه 4 ونص اذا كان فيه مشاكل اما بالمصافي او بالسفن.
لا تحكم على شي وانت ما شفته وانا اخوك

 

[Green Tea]

HUMMER
المؤسسه ماغيرهااللي عالبحر (شويخ)
ومشكور اخوي

Winchester
صليت استخاره والحين قاعده استشير الناس عشان بعدين اتخط قرار واتوكل على الله

brilliant
مشكور اخوي ماقصرت
يعني انا أمثل الكويت في الخارج ؟ يعني الشغل حده حساس لازم ما اغلط ولا غلطه
انت ذكرت المبيعات وإدارة المبيعات ! شالفرق بينهم ؟
ياريت لو تذكري مميزات ومساؤى الادارات اللي تندرج تحت التسويق العالمي


المهندس
والله كل من يقوللي كراف ، هل انت موظف في Kpc او سامع الكلام من ناس ؟
ومشكور اخوي

 

[Phox]

لا يخاف

سهود و مهود

خلي ايمانج بالله قوي ودشى المبنى ولا تخافين كككككككككللللللللللل المبنى بنات وشويه شباب
كل شى عندهم كووول حتى نقابتهم كول اعضائها شباب وبنات ... قبل لما كانوا بالصالحيه كان عندهم ستارباكس والحين مادرى اذا نقل والا بعد بس صراحه يبيله ستارباكس بالدوام

اهم شى ان في الدوام الحضور (من 7 ليما ال7ونص) والانصراف (من 3 ليما 3:30) لازم تطبقين 8 ساعات وبينهم احلى حياه .. كيوبيكال على البحر ودوام يفتح النفس وكل الويووه سمحه ... انا صارلى 4 سنين اداوم بالحقول عمرى ما شفت بنيه حتى لو بالغلط ​

 

[الفيصل]

التسويق هو عصب القطاع النفطي وهو العين للكويت بالخارج فهو الي يشوف طلبات الزباين وهو الي يشوف انتاج الكويت

اذا كنتي في المبيعات فانتي الان تمثلين الكويت في الخارج فالكل ينظر فيك الكويت

واذا كنتي في التزويد فانتي قائده تامرين بالبيع وتنهين عن البيع فانتي من يرا انتاج الكويت وانتي من يرا الطلب فالطلب والامداد بيدك

واذا كنتي بالبحريه فالله يعينج

اما اذا كنتي في التخطيط فانتي بيدك مستقبل الكويت

اما اذا كنتي في البحوث التسويقيه فسترين انكي مازلتي بالجامعه

اما اذا كنتي في ادارة المبيعات فانصحك باصطحاب مخدتك معك

والله ولي التوفيق

اشكرك اخي بريلنت


على هذا الشرح والتوضيح



أختي Green Tea

مبروك على الوظيفة الجديده ونتمني لك التوفيق


مع التحية

 

[Green Tea]

سهود و مهود

خلي ايمانج بالله قوي ودشى المبنى ولا تخافين كككككككككللللللللللل المبنى بنات وشويه شباب
كل شى عندهم كووول حتى نقابتهم كول اعضائها شباب وبنات ... قبل لما كانوا بالصالحيه كان عندهم ستارباكس والحين مادرى اذا نقل والا بعد بس صراحه يبيله ستارباكس بالدوام

اهم شى ان في الدوام الحضور (من 7 ليما ال7ونص) والانصراف (من 3 ليما 3:30) لازم تطبقين 8 ساعات وبينهم احلى حياه .. كيوبيكال على البحر ودوام يفتح النفس وكل الويووه سمحه ... انا صارلى 4 سنين اداوم بالحقول عمرى ما شفت بنيه حتى لو بالغلط ​

ريحتني الله يريحك دنيا وآخره آمييييييين

 

[Green Tea]

اشكرك اخي بريلنت


على هذا الشرح والتوضيح



أختي Green Tea

مبروك على الوظيفة الجديده ونتمني لك التوفيق


مع التحية

الله يبارك فيك أخوي مشكوووور ، أجمعين ان شاء الله

 

[سالم الخالدي]

أولا أقول

ثانيا أبشرج أنتي في أفضل مكان في القطاع النفطي ومن أيسر الأعمال وأقلها جهد توكلي على الله

وهذا نعمة الله عليج انج كنتي في هالمكان الكثير يجيب أكبر الواسطات حتى ينتقل الى هذا القسم


فمبروك مقدما والى الأمام

 

[المتمكن]

باختصـــــار
الوظيفه فى القطـــاع النفطى
حلم لجميع الكويتيين وغير الكويتيييييين
واحمدى الله على هالنعمه وترا النعمه زواله
وقسم التسويق اعتقد انه مناسب والله يوفق الجميع

 

[MAB12]

اول شي بالتوفيق والله يكتب اللي فيه الخير وبعدين هذي بيئة عمل لازم تكتشفينها بنفسج وتتكيفين مع جو العمل

يمكن الناس اللي في الدوام خوش ناس بس العمل متعب ( والعكس صحيح ) .. مثل ماقالوا لج الاخوان صلي الاستخارة وتوكلي على الله وبالتوفيق


*ملاحظة / من اسئلتج توقعت انج راح تشترين KPC مو متوظفه هناك ؟

 

[Green Tea]

الوسام
المتمكن

مشكورين كلكم طمنتوني وايد صراحة

Mab12
الله يستر ان شاء الله يكونون الناس اللي هناك زينين
لووول لازم الواحد يسآل عن كل شي قبل لا يتوظف

 

[fireeccc]

الوسام
المتمكن

مشكورين كلكم طمنتوني وايد صراحة

Mab12
الله يستر ان شاء الله يكونون الناس اللي هناك زينين
لووول لازم الواحد يسآل عن كل شي قبل لا يتوظف

اول شي حياج اختي معنا في المنتدى وثاني شغله اذا الموظيفين اللي معاج زيينين ابشري بخير واذا لا اللع يعينج على النقل بس الوضع العام مثل ماقالوا الشباب حطي راسج ونامي

 

[frfosha]

أول شي مبروك على الوظيفه اليديده واتمنى لج التوفيق بس حبوبه خل اقولج شي حطيه في بالج زيييييييييييييييييين كثر ما راح تجتهدين باول سنينج راح تنحبطين اذا ما عندج واسطه ترفعج لي فوووووووووووووووووق وراح يندفن حلمج للطموح داخل درج المكتب والتجربه خير برهان بس نصيحه لج من اخت لج صارلها سنين طويله بالبترول على قد معاشج اشتغليلهم وبس لانه مهما انتجتي ما راح يبين وراح يحطمون طموحج وتمنياتي لك بالتوفيق