التوظيف عن طريق الشركات

[حنان]

السلام عليكم ورحمة الله وبركاتة
شلونكم اخواني, انا عندي استفسار حبيت انكم تساعدوني فية , استفساري اهو بخصوص توظيف غير الكويتين" البدون" في قطاع النفط يعني يكون شغلهم بالعقود مع الشركات, اذا ابي اقدم طلب وين اروح وعند منو, ليشني صار لي اكثر من خمس سنوات مقدمة في المستشفى ولا ردوا علي خبر؟ هل لازم يكون عندي واسطة؟ زين واذا ماعندي واسطة ما اتوظف؟

مشكورين

 

[الفيصل]

السلام عليكم

بالنسبة للتوظيف بالقطاع الخاص في شركات كثيره يتم التوظيف فيها وليس منحصرة على مستشفى الشركة فقط.

هناك شركه لم يحضرني اسمها فأنها تقوم بتوظيف في مجال الخدمات او الاستقبال او الامن للعناصر الرجالية او النسائية.

ودمتم بود

 

[طموح]

نفس سؤال الأخت (حنان) عندي

هل يتم توظيف (البدون) في شركات النفط
وتحديداً في الــــ K.O.C ؟؟؟

 

[سالم الخالدي]

من الصعب جدا

توظيف غير الكويتيين في القطاع النفطي

لأن أول شرط من شروط أي وظيفة أن يكون كويتي الجنسية

لذا على حسب اللوائح والقوانيين فالتوظيف فقط للكويتيين

 

[طموح]

الوسام

يعطيك العافية على التفاعل
لكن بعرف كلامك .. توقع أم معلومة أكيـدة ؟

 

[فهد شموه]

الوسام

يعطيك العافية على التفاعل
لكن بعرف كلامك .. توقع أم معلومة أكيـدة ؟

نعم كلام أخونا الفاضل الوسام صحيح...
حيث كان توظيف البدون مباشرة في نفط الكويت وباقي الشركات النفطية , كان ذلك في السابق أو ما قبل الغزو....

أما حالياً فالغير كويتي من فئة غير محددي الجنسية, أخوة وأخوات بإمكانهم التوظيف بعد إجتياز المقابلة والإختبار, فقط مع شركات العقود الخاصة بمناقصات لشركة نفط الكويت وشركات القطاع النفطي عموماً...

 

[طموح]

أخ Q8 Oiler حضرتك تقصد
يتم توظيفهم من خلال العقود الملتزمة بها
الشركات النفطية مع الشركات الأخرى ؟
أي .. الأساس تكون تبعية الموظف للشركة (أياً كانت)
ولكن مكان توظيفه بالشركة النفطية ؟

 

[فهد شموه]

نعم صحيح أخوي "طموح" وأنا أذكر زملاء لي كانوا من فئة غير محددي الجنسية وموظفين نفسنا في شركة نفط الكويت... لكن هذا كان في السابق قبل الغزو عزيزي الفاضل... أما الآن فشرط قبول التوظيف أن يكون كويتي الجنسية... أو من حملة الجنسيات الأخرى للتخصصات النادرة فقط.

 

[طموح]

Q8 Oiler

يعطيك العافية
وآخر سؤال إذا تكرمت ..

ياريت تعطيني فكرة عن طبيعة المقابلات الشخصية
في الــ koc
الأسئلة اللي تنطرح ؟
بالعربي أو الإنجليزي ؟
الأمور اللي المفروض يحرص عليها المتقدم؟
وغيرها من الامور.. ؟

 

[فهد شموه]

الله يعافيك أخوي "طموح"
الأسئلة تكون على حسب طبيعة الوظيفة اللي متقدم لها(فني أو إداري)...
وغلباً ما تكون أسئلة سهلة مابين العربي والإنجليزي مع وجود الخبرة إن أمكن كعامل مساعد للقبول

وإن شاء الله بالتوفيق وتكون طموح يا "طموح"

 

[طموح]

شـــــكـــــــــراً Q8 Oiler

الطموح موجود
لكـن الـظروف ماتساعد
يا خسارة التفوق الدراسي

الله يصلح الحال


Q8 Oiler
جزاك الله خيراً
ورزقنا وإياكم

 

[فهد شموه]

آمين والله يرزق الجميع أخوي "طموح"
وربك يسكر باب ويفتح باب, ولكل مجتهدٍ نصيب
والشُكر لله
وإن شاء الله تتحقق أمانيك وتفرِّح أهلك

 

[طموح]

وياك إن شاءالله

الله كريم

 

[Q8_KOC]

نعم كلام أخونا الفاضل الوسام صحيح...
حيث كان توظيف البدون مباشرة في نفط الكويت وباقي الشركات النفطية , كان ذلك في السابق أو ما قبل الغزو....

أما حالياً فالغير كويتي من فئة غير محددي الجنسية, أخوة وأخوات بإمكانهم التوظيف بعد إجتياز المقابلة والإختبار, فقط مع شركات العقود الخاصة بمناقصات لشركة نفط الكويت وشركات القطاع النفطي عموماً...

السلام عليكم

تصحيح معلومة أخي الفاضل

التوظيف مع شركات العقود الخاصه بشركة نفط الكويت للكويتيين فقط

مع الشكر

 

[حنان]

نفس سؤال الأخت (حنان) عندي

هل يتم توظيف (البدون) في شركات النفط
وتحديداً في الــــ K.O.C ؟؟؟

اية اهوا هذا سؤالي بخصوص البدون

 

[حنان]

من الصعب جدا

توظيف غير الكويتيين في القطاع النفطي

لأن أول شرط من شروط أي وظيفة أن يكون كويتي الجنسية

لذا على حسب اللوائح والقوانيين فالتوظيف فقط للكويتيين

لا الوسام يوظفون حتن بدون في الشركة
بس مو نكون على الشركة نفسها لا على مقاول يعني جذية فهمتني؟

 

[حنان]

نعم كلام أخونا الفاضل الوسام صحيح...
حيث كان توظيف البدون مباشرة في نفط الكويت وباقي الشركات النفطية , كان ذلك في السابق أو ما قبل الغزو....

أما حالياً فالغير كويتي من فئة غير محددي الجنسية, أخوة وأخوات بإمكانهم التوظيف بعد إجتياز المقابلة والإختبار, فقط مع شركات العقود الخاصة بمناقصات لشركة نفط الكويت وشركات القطاع النفطي عموماً...

اية هذا اللي بقولة بس ما قدرت اوصل المعلومة عدل

 

[حنان]

السلام عليكم

تصحيح معلومة أخي الفاضل

التوظيف مع شركات العقود الخاصه بشركة نفط الكويت للكويتيين فقط

مع الشكر

امبلا اخوي حتن احنا فية لنا بعد

 

[طموح]

ياريت إذا أحد موظفي الـ KOC
يسأل لنا في قسم التوظيف أو الموارد البشرية عندهم
حتى نقطع الشك باليقيـن .,؟

 

[Q8_KOC]

امبلا اخوي حتن احنا فية لنا بعد

اختي الكريمة

التوظيف على العقود بين شركة نفط الكويت والشركات المتعاقده معها .. للكويتيين فقط