تجاوزات ماليه واداريه في مركز التدريب البترولى

Phox

بـترولـي نشيط جدا

صباح الخير يا شباب


طبعا ما يزال التحقيق مستمر مع اثنين من مسئولين مركز التدريب البترولي ، واحد بمركز "رئيس فريق" والثانى بمركز "مدير" والسبب ان ديوان المحاسبه اكتشف انهم مدخلين شركات تدريب باساميهم وصابين الكورسات على شركتهم ... اللى بمركز رئيس فريق "خايرها" بالكلام و"مهبب" فالظاهر السالفه فيها فضيحه يايه بالدرب​
 

فيصل العجمي

مؤسس المنتدى
أعضاء الشرف
صباح النور والسرور
وحياك الله اخي الكريم في منتداك
وان كان هذا الخبر صحيح فهذه مصيبه والله
مع انني اتمنى ان لا يكون صحيح
 

Winchester

المـراقب الـعـام
للأسف ان نسمع هل كلام والصراحة ما ودنا يصير جذي

بس الصراحه في هذا الزمن كل من يهمه الماده والفلوس صاروا الناس عميان وما يخافون ربهم
 

Phox

بـترولـي نشيط جدا
صباح النور والسرور
وحياك الله اخي الكريم في منتداك
وان كان هذا الخبر صحيح فهذه مصيبه والله
مع انني اتمنى ان لا يكون صحيح



مشكور اخوى على الرد ولو ان اسمك مو غريب :confused:

تعال انت رقمك 1 اسم المنتدى عليك .. ما شاء الله :D

ما تبادل وازيدك ههههه

مشكور مره ثانية ولو انى بديت اشك انك رد آلي يرحب بكل عضو يشارك اول مشاركه بس ما شاء الله مشاركتك مضبوطه ... الساعه 5 وشكلى صج فاصل :) اعذرنى اذا خرتها
 

k.p.c

بـترولـي نشيط جدا
هالكلام صحيح ومتأكد منه الف بالميه

وحسب ماسمعت من الاخوان بعد

في تجاوزات غيرها طاحوا عليهم ابشركم غير هذا التجاوز

وكلها طايحه فبطونهم الله لا يوفقهم لا دنيا ولا اخره
 

SaRoOoNa

بـترولـي جـديـد
الكل يتحجى ويقول بس ما شفنا دليل لازم في أدله وبراهين بصراحه ولا اذا عالحجي فالحجي فبلاش كل واحد يتحجى على كيفه
 

الكبير

بـترولـي نشيط جدا
كل اللي نسمعه كلام في كلام

هذه إشاعات يبون فيها الإساءة بسمعة بعض المسؤولين في مركز التدريب
 

Element_X

بـترولـي نشيط جدا
يا جماعه فى ناس قاعده تدز ايميلات حق الموظفين بالمؤسسه تتكلم عن الفساد فى اداره التدريب ويتكلم عن ناس مستفيده وسوه الريال هذه هيصه وفى ايميلاته يذكر انه عنده الادله اللى تثبت التلاعب اللى صاير انزين اذا نفرض انه كلامه صحيح وين اثباتاتك على الاقل حط اثبات واحد ويا الايميل مو تتكلم وتتكلم وكله يطلع كلام فاضي .... احني ترى محد خلانا متخلفين واخر شعب بالخليج الا هالاشاعات بس رحمونا تكلمو بالواقع
 

Future man

بـترولـي نشيط جدا
كلام ببلاش

اللي دزوا إيميلات مجهول مصدرها قالوا كلام وبس ولو كلامهم صج كان حطوا صور للمستندات اللي على قولتهم عندهم

بعدين إسلوبهم في التشهير رخيص وواطي لأنه لو إفترضنا جدلا صدق ماقالوه وان هناك تجاوزات مالية في المركز المفروض عليهم يذهبون للعضو المنتدب للتدريب او الرئيس التنفيذي للمؤسسة ويعلمونه باللي يعرفونه اما انهم يدزون إيميلات لمجموعة كبيرة من الموظفين هذا مو صحيح لأنه الله أمر بالستر
 

بنت المحاسبه المظلومه

بـترولـي جـديـد
ليش جذيه شالسالفه احنه ما سوينه لا إضراب ولا إحتجينه ليش جذيه (مظلووووووووووووووووووومين والله) حرام إلي قاعدين يسونه وايد ناس خذو كوادرهم إشمعنه غحنه حطو علينا حطه
 

بنت المحاسبه المظلومه

بـترولـي جـديـد
قولولي في وحده صارلها 15 سنه تشتغل وليلحين على جريد 10 مو حرام لا وبعد ما في كادر وبعد 8 ساعات نشتغل وما نستأذن وهادين بيوتنا وعيالنا علشانهم ( حرام الي صار والله)
 
أعلى