هل أنت مجتهد ؟؟ أذا لماذا لا تأخذ حقك ؟؟

[Winchester]

الصراحة فتحت هذا الموضوع المهم لكل موظف مجتهد ويحب عمله وينجزه بأخلاص ودقه ..

لماذا المجتهد ما ياخذ حقه بالكامل ( مثل الدرجات العليا في التقرير السنوي - الأعمال الممتازة - الخ )

هل هي الواسطة أو المحسوبية أو أو .....

وبأنتظار مداخلاتكم

 

[nawaf52]

والله ياخوي إذا عندك واسطة حطوك بمكان وخلوك تقعد بالبيت ومعاشك ماشي / تقرير سنوي جيد جيد + / وأنستف سنويآ بعد وأخر شي يقولك بنكافأ الشخص اللي ماياخذ طبيات طبعا بكافؤون هالنوعية لأن ماعنده ولا يوم طبيه لأنه من الأساس مايداوم ، وتقولي الشخص المجتهد أكيد ماله نصيب لأن النوعية هذي من الموظفين تاخذ نصيب المجتهد بحكم الواسطة .

 

[الفيصل]

السلام عليكم


بالنسبة للمحسوبية نراها كثير بالاقسام ولكن بالاقسام الاخري والله انا اشوف انها اللي يستحق يأخذ (( الله لا يغير عليهم ))


والحين الواسطة تدخل بكل شيء حتي في الشفت روستر


والله المستعان

 

[عبدالله العصيمي]

لماذا المجتهد ما ياخذ حقه بالكامل ( مثل الدرجات العليا في التقرير السنوي - الأعمال الممتازة - الخ )

هل هي الواسطة أو المحسوبية أو أو .....

أخوي وينشيستر ..

في اختبار قيادة السيارة لابد من نسبة سقوط ترفع في التقرير اليومي للإدارة العليا في المرور ، تبين أن هناك نسبة سقوط ، وليس الجميع ناجح في الإختبار ، وإلا صار في الموضوع شبهة ..

هذا بالضبط ينطبق على تساؤلك .. فما يصير كل الموظفين جيدين وماخذين علاوات زينة ومناصب عليا ، لابد أن يكون هناك موظفين ضعيفين ولايأخذون علاوات ولا يترقون .. فإذا كان الموظف الضعيف مقرب من المسؤول .. فمن برأيك سيكون الحلقة الأضعف ؟؟!! طبعاً الموظف الجيد .. وهذه هي الإجابة على سؤالك ..

تحياتي​

 

[Winchester]

السلام عليكم


بالنسبة للمحسوبية نراها كثير بالاقسام ولكن بالاقسام الاخري والله انا اشوف انها اللي يستحق يأخذ (( الله لا يغير عليهم ))


والحين الواسطة تدخل بكل شيء حتي في الشفت روستر


والله المستعان

اما بالشفت روستر اي والله انك صدقت

أخوي وينشيستر ..

في اختبار قيادة السيارة لابد من نسبة سقوط ترفع في التقرير اليومي للإدارة العليا في المرور ، تبين أن هناك نسبة سقوط ، وليس الجميع ناجح في الإختبار ، وإلا صار في الموضوع شبهة ..

هذا بالضبط ينطبق على تساؤلك .. فما يصير كل الموظفين جيدين وماخذين علاوات زينة ومناصب عليا ، لابد أن يكون هناك موظفين ضعيفين ولايأخذون علاوات ولا يترقون .. فإذا كان الموظف الضعيف مقرب من المسؤول .. فمن برأيك سيكون الحلقة الأضعف ؟؟!! طبعاً الموظف الجيد .. وهذه هي الإجابة على سؤالك ..

تحياتي​

اي والله بس الواحد شقول غير الله كريم

 

[op-2]

السلام عليكم

الواسطه ابوي صارت شي ضروري والكل صار يجهز الواسطه اذا يبي ينتقل او يغير الشفت ماله او يترقى

السالفه ما صارت كفاءه ومجهود بالشركه

الله المستعان

 

[المشاكس]

الواسطة الواسطة ثم الواسطة

 

[SMART_BOY]

اي والله صدقتوا

في هالبلد اللي يمشوي واسطة وبس

لكن في نفط الكويت اخف شوي مع انها موجودة بكثرة

يعني تخيل انك تيم ليدر

وولد اخوك عندك والا ولد خالك ؟! شبتسوي ؟؟

انا مثلا بصكه بوووووووور <<<<<<<< خخخخخخخخ صج نذل

لكن اللي بيصير بتعطيه فيري جود + وانت ما تدل الدرب

 

[HUMMER]

والله الواسطات والمحسوبيات والقبليه اهي تاثر على طموح الموظف الجديد
ووين الاجتهاد وهالديناصورات موجودين وموراضين يتقاعدون

 

[SMART_BOY]

شدراك يا همر

يمكن يجي نيزك مثل النيزك اللي انهى حياة الدينصورات... ويشيل دينصورات القطاع النفطي