الســــــلام عليــــــكم جميـعا فردا فردا ونكا نكا يا جماعه في موضووع حاب تشاركوني فيه الا وهوو كل ما طلعناا أجازة خصموو نص الرااتب وخصمووو بدل الطريق معا الشفتيه معا الخميس والجمعه ليش معا انه موظفين الشركات النفطية الثانيه الموظف يطلع اجازة راتبه كامل ما ينخصم منه ولا بيزه وكذلك الوزارات والمؤسسات الحكومية يا جماعه احنا مؤمن علينااا داخل نطاق العمل وخارجه اذا طلعنا اجازه ليش يخصموون كل ها البدلاات وتخيل من ترد من اجازه يبيلك ثلاث شهور وخمس اساابيع و17 يوم يالله يتعدل رااتبك وطبعاا يكوون مطووف اقصااد ومتحمل ديوون وبلااوي وتقبلوو تحيااتي
وعليكم السلام أخي ft-50 جعلك أتحكم مو تطلع اجازه حتى اذا انت بكورس او طبية ينخصم منك انا افضل بدل الخطر وال 42 ساعة يكونون ماشية لنا حتى ولو بأجازه تكون ثابته نفس بدل الانتقال على ما اظن ان knpc نفس الطريقه يخصم منهم البدلات اثتاء خروج الموظف لاجازة مع التحية
هذي كانت مداخلتي مع الشباب في منتدى شركة البترول الوطنيه http://www.q8ow.com/vb/showpost.php?p=5399&postcount=7
العضو المنتدب أقصد الدورات الخارجية وحتي الداخلية اللي تكون في الفنادق وغيرها ينخصم منا البدلات ولك جزيل الشكر على المعلومة
الحل: مراجعة وضع الدورات التدريبية سواءا خارجية أو داخلية مع الشؤون القانونية بما نص عليه قانون القطاع النفطي أو نقول إخصم ونص
ft-50 كلامك كله عدل انا طلعت إجازه شهر 8 الي طاف 20يوم ولي يومك مومترقع بالمعاش وحضرة الادمن حاطلي الاجازة WITH PAY الله يسامحه واخوك بعد ماقصر صرف المعاش كلة , واتمنى انه يعدلون القانون هذا وتدري بعد البرميل صاعد هاليومين
منح بدل الخطر له سبب مثل بدل الطريق ينتفى اذا انتفى السبب انت مداوم بفندق مادرى بكورس او بمهمة شى طبيعى انه ينخصم منك لانك قاعد بالبراد مو قاعد بخطر والقرار هذا مطبق بجميع جهات الدوله وحتى الوزارات اللى يستلمون كوادر مثل المهندسين والمحاسبين .. وقت الاجازه ينخصم منه بدل طبيعة عمل مو غلط انه يتعدل بس منطق خصم العلاوه صحيح اذا فهمت سببها
اي والله اخوي صدقت صج حرام عليهم اذا ماتبي تطلع اجازه عشان تسدد اقساطك وديونك طلعوك اجازه واذا تبي ترقي وتطور من نفسك طلعوك دوره لا وعلى حسابك بعد
يعطيكم العافية علي مشاركاتكم وتعليقااتكم الرائعة واتمني فعلا قانون خصم الراتب اثناء الاجازة يتعدل او ع الاقل يعطونا يخصمون ربع العلاوات مو خصم كامل وتقبلوو تحياتي
عندنا بالبترول الوطنيه اذا تطلع اجازه معاشك ومعاش السايق واحد ينشفونك تنشيييييييييييييف عندنا وعندكم خير لان معاشاتنا اللي مستانسين فيها كلها بدلات ههههههههههههههه
ما يطيح منك الا بدل طبيعة عمل ... مادرى ليش مأزمتكم هال75 مادرى ال100 دينار الف حمد وشكر على النعمة معاشاتنا عاليه وجايتنا زياده قريبه واتحلطمون على بدل طبيعة عمل ليش ينقص بالاجازه !! اجازاتنا 45 يوم بالسنه ومرات ما نطلع الا جم يوم وتنقسم هال100 دينار على عدد ايام الاجازه ... تطلع اجازه شهر ينخصم منك 100 .. تطلع اسبوع ينخصم منك 25 ... مبلغ ممكن نتحمله شهر بالسنه ...
والله مشكله قامو الموظفين ما يحبون يطلعون اجازات شان لا ينخصم عليهم والله اردى قطاع نفطي على وجه الارض
نعم الكلام صح وانا معاك بالنسبه للناس الي عندهم ديون وفوووق كل هذا الاجازه اجباري تاخذها بالعربي تطلع اجازه وشكرا
اول شي يعطيك العافيه اخوي اف تي ففتي على الموضوع بصراحه هالبدلات الي تقول عنهم تصرف للموظف مقابل عمل او شي بدل الشفت للي يشتغل بالشفتات بالاجازه ما تشتغل شفت بدل انتقال تصرف لطلعتك مبجر وردتك متاخر بيتكم بسبب بعد مكان عملك وبالاجازه ما تروح مكان بعيد بعيد بدل مناوبه او 24 ساعه مالت قلبه الشفت هذي بعد نفس الشي بدل الخطر تصرف لانك تشتغل بمنشاه معرضه للخطر طول فتره وجودك فيها يعني قانونيا مو من حقك هالبدلات وانت في اجازتك بس سو نفسي اشتغل اوفر تايم قبل لا تطلع اجازه يومين ولا ثلاث وتعوض الفلوس الي بتنخصم منك وقت الاجازه
بدل الانتقال او التنقل تصرف لجميع موظفى القطاع النفطى 54 دينار وبدل الطريق تصرف لمن عملهم خارج منطقة الاحمدى وهو المقر الرئيسى لشركة نفط الكويت وسكن موظفيها ولها حسبه تعتمد على بعد المكان والوقت.
