خصم البدلات وقت الاجازة

جونم جقرم

بـترولـي خـاص
أعضاء الشرف
الســــــلام عليــــــكم جميـعا فردا فردا ونكا نكا :)
يا جماعه في موضووع حاب تشاركوني فيه الا وهوو كل ما طلعناا أجازة خصموو نص الرااتب وخصمووو بدل الطريق معا الشفتيه معا الخميس والجمعه ليش
معا انه موظفين الشركات النفطية الثانيه الموظف يطلع اجازة راتبه كامل ما ينخصم منه ولا بيزه وكذلك الوزارات والمؤسسات الحكومية
يا جماعه احنا مؤمن علينااا داخل نطاق العمل وخارجه اذا طلعنا اجازه ليش يخصموون كل ها البدلاات
وتخيل من ترد من اجازه يبيلك ثلاث شهور وخمس اساابيع و17 يوم يالله يتعدل رااتبك وطبعاا يكوون مطووف اقصااد ومتحمل ديوون وبلااوي



وتقبلوو تحيااتي
 

الفيصل

بـترولـي خـاص
أعضاء الشرف
وعليكم السلام

أخي ft-50

جعلك أتحكم :)

مو تطلع اجازه حتى اذا انت بكورس او طبية ينخصم منك

انا افضل بدل الخطر وال 42 ساعة يكونون ماشية لنا حتى ولو بأجازه تكون ثابته نفس بدل الانتقال

على ما اظن ان knpc نفس الطريقه يخصم منهم البدلات اثتاء خروج الموظف لاجازة



مع التحية
 

الفيصل

بـترولـي خـاص
أعضاء الشرف
قانونيا حضور الدورة التدريبية لا يخصم منها البدلات : لأنها الموظف يكون نفس حضوره على رأس عمله

العضو المنتدب


أقصد الدورات الخارجية وحتي الداخلية اللي تكون في الفنادق وغيرها ينخصم منا البدلات

ولك جزيل الشكر على المعلومة
 

Winchester

المـراقب الـعـام
العضو المنتدب


أقصد الدورات الخارجية وحتي الداخلية اللي تكون في الفنادق وغيرها ينخصم منا البدلات

ولك جزيل الشكر على المعلومة


أي والله اخوي فيصل ذبحونا عمر المعاش ما صار كامل

الله كريم
 

العضو المنتدب

بـترولـي نشيط جدا
الحل: مراجعة وضع الدورات التدريبية سواءا خارجية أو داخلية مع الشؤون القانونية بما نص عليه قانون القطاع النفطي
أو نقول إخصم ونص
 

operation

بـترولـي جـديـد
ft-50 كلامك كله عدل انا طلعت إجازه شهر 8 الي طاف 20يوم ولي يومك مومترقع بالمعاش وحضرة الادمن حاطلي الاجازة WITH PAY الله يسامحه واخوك بعد ماقصر صرف المعاش كلة , واتمنى انه يعدلون القانون هذا وتدري بعد البرميل صاعد هاليومين :) :)
 

Phox

بـترولـي نشيط جدا
منح بدل الخطر له سبب مثل بدل الطريق ينتفى اذا انتفى السبب

انت مداوم بفندق مادرى بكورس او بمهمة شى طبيعى انه ينخصم منك لانك قاعد بالبراد مو قاعد بخطر :) والقرار هذا مطبق بجميع جهات الدوله وحتى الوزارات اللى يستلمون كوادر مثل المهندسين والمحاسبين .. وقت الاجازه ينخصم منه بدل طبيعة عمل

مو غلط انه يتعدل بس منطق خصم العلاوه صحيح اذا فهمت سببها
 

HUMMER

بـترولـي خـاص
اي والله اخوي صدقت

صج حرام عليهم اذا ماتبي تطلع اجازه عشان تسدد اقساطك وديونك طلعوك اجازه

واذا تبي ترقي وتطور من نفسك طلعوك دوره لا وعلى حسابك بعد
 

جونم جقرم

بـترولـي خـاص
أعضاء الشرف
يعطيكم العافية علي مشاركاتكم وتعليقااتكم الرائعة واتمني فعلا قانون خصم الراتب اثناء الاجازة يتعدل او ع الاقل يعطونا يخصمون ربع العلاوات مو خصم كامل

وتقبلوو تحياتي
 

ولد الفحيحيل

بـترولـي نشيط جدا
عندنا بالبترول الوطنيه اذا تطلع اجازه معاشك ومعاش السايق واحد
ينشفونك تنشيييييييييييييف
عندنا وعندكم خير لان معاشاتنا اللي مستانسين فيها كلها بدلات ههههههههههههههه
 

Phox

بـترولـي نشيط جدا

ما يطيح منك الا بدل طبيعة عمل ... مادرى ليش مأزمتكم هال75 مادرى ال100 دينار

الف حمد وشكر على النعمة معاشاتنا عاليه وجايتنا زياده قريبه واتحلطمون على بدل طبيعة عمل ليش ينقص بالاجازه !!


اجازاتنا 45 يوم بالسنه ومرات ما نطلع الا جم يوم وتنقسم هال100 دينار على عدد ايام الاجازه ... تطلع اجازه شهر ينخصم منك 100 .. تطلع اسبوع ينخصم منك 25 ... مبلغ ممكن نتحمله شهر بالسنه ...
 
التعديل الأخير:

LaRambla

بـترولـي خـاص
أعضاء الشرف
والله مشكله قامو الموظفين ما يحبون يطلعون اجازات شان لا ينخصم عليهم


والله اردى قطاع نفطي على وجه الارض
 

al-khaldi

بـترولـي نشيط
نعم الكلام صح وانا معاك بالنسبه للناس الي عندهم ديون وفوووق كل هذا الاجازه اجباري تاخذها بالعربي تطلع اجازه وشكرا
 

op2

بـترولـي نشيط
اول شي يعطيك العافيه اخوي اف تي ففتي على الموضوع


بصراحه هالبدلات الي تقول عنهم تصرف للموظف مقابل عمل او شي


بدل الشفت للي يشتغل بالشفتات بالاجازه ما تشتغل شفت :)

بدل انتقال تصرف لطلعتك مبجر وردتك متاخر بيتكم بسبب بعد مكان عملك وبالاجازه ما تروح مكان بعيد بعيد :)


بدل مناوبه او 24 ساعه مالت قلبه الشفت هذي بعد نفس الشي

بدل الخطر تصرف لانك تشتغل بمنشاه معرضه للخطر طول فتره وجودك فيها


يعني قانونيا مو من حقك هالبدلات وانت في اجازتك


بس سو نفسي اشتغل اوفر تايم قبل لا تطلع اجازه يومين ولا ثلاث وتعوض الفلوس الي بتنخصم منك وقت الاجازه

:)
 

hassankoc

بـترولـي خـاص
اول شي يعطيك العافيه اخوي اف تي ففتي على الموضوع


بصراحه هالبدلات الي تقول عنهم تصرف للموظف مقابل عمل او شي


بدل الشفت للي يشتغل بالشفتات بالاجازه ما تشتغل شفت :)

بدل انتقال تصرف لطلعتك مبجر وردتك متاخر بيتكم بسبب بعد مكان عملك وبالاجازه ما تروح مكان بعيد بعيد :)


بدل مناوبه او 24 ساعه مالت قلبه الشفت هذي بعد نفس الشي

بدل الخطر تصرف لانك تشتغل بمنشاه معرضه للخطر طول فتره وجودك فيها


يعني قانونيا مو من حقك هالبدلات وانت في اجازتك


بس سو نفسي اشتغل اوفر تايم قبل لا تطلع اجازه يومين ولا ثلاث وتعوض الفلوس الي بتنخصم منك وقت الاجازه

:)

هل في شي اسمه بدل انتقال وبدل طريق وشالفرق بينهم وكم؟
 

باش دبلوم

بـترولـي نشيط جدا
هل في شي اسمه بدل انتقال وبدل طريق وشالفرق بينهم وكم؟



بدل الانتقال او التنقل تصرف لجميع موظفى القطاع النفطى 54 دينار

وبدل الطريق تصرف لمن عملهم خارج منطقة الاحمدى وهو المقر الرئيسى لشركة نفط الكويت وسكن موظفيها ولها حسبه تعتمد على بعد المكان والوقت.
 
التعديل الأخير:
أعلى