سواها وصارت الاوبريتر

نفط وغار

بـترولـي جـديـد
السلام عليكم


ياجماعه في احد سمع عن ابريتر تو صار مهندس الحين عندنا بالانتاج ...... اذا كان صج ياجماعه هذا شلون سواها

وشلون خلص وشلون صار مهندس تتوقعون انه عنده واسطه بالشركه اللي صار مهندس هذا ز

وبعدين ياجماعه اذا كان صج انا متوقع بعد جم سنه يصير علينا سوبرفايز ويتفلسف علينا ولاجنه كان اوبريتر بالسنتر انا متوقع جذي لانه كلهم جذي اللي كان قبل


انا سنعت هالخبر من شخص بس لي الحين مو متاكد واذا كان صج هذا بدايه جيده لنا علشان انكمل
 

Q8y

بـترولـي جـديـد
نعم موجود اول حرف من اسمه بدر :D ويستاهل خوش ولد وانشالله نشوفه وزير على النفط بعد :eek:

والسنة الجاية نص الابريتر 2 اللي معاهم دبلوم يخلصون هندسه من مصر وسلوفاكيا والهند

ويصير المهندس في الشركه من نوع الكود بربع :)

دراسهة سنتين بره على الدبلوم اللي عندك وتصير مهندس وانت على راس عملك يعني مجرد تعديل وضع

انشالله نلحق نحجز كرسي وياهم :rolleyes:
 

Shoomy

بـترولـي خـاص
كااااااااااااااااااااااااااااااااااااااااااااااااااااك كويتي

ايي وناسه سنتين ولا انا مهندسه
:)

الله يوفق كل اللي يدرسون ويشتغلون بنفس الوقت

اقول كويتي ... احجزلي الكرسي اللي يمك ;)
 

المشاكس

بـترولـي خـاص
أعضاء الشرف
منو ألي عدل وضعة هاذي تكون سابقة انا خابرهم يستقيلون من الشركة وبردون مره ثانية كامهندسيين بس يتعدل وضعه بدون أستقاله .... !
 

البرقان

بـترولـي نشيط
منو ألي عدل وضعة هاذي تكون سابقة انا خابرهم يستقيلون من الشركة وبردون مره ثانية كامهندسيين بس يتعدل وضعه بدون أستقاله .... !


ليست سابقة ايها الزميل

فاحدهم كان من حملة الدبلوم ... ثم انتدب كسكرتير لأحد اعضاء مجلس الامة ... وعاد مهندس

وهو الآن رئيس فريق


واخر حصل على شهادته الجامعية من مصر بنظام الانتساب عندما كان مشغل في دائرة الانتاج

وهو الان رئيس فريق


المشكلة هذه الطفرات على النظام المعمول به في الشركة تم التغاضي عنها من قبل مجلس الادارة

و من النقابة التي لها عيون في كل مكان و من المؤسسة


حتي الصحافة لم تثير هذه الطفرات

ولكن.. ان عرف السبب بطل العجب

تحياتي فقط لا غير
 

dehen_3ood

بـترولـي خـاص
أعضاء الشرف
الله يوفقه ويوفق الكل والجميع

في كثير من الموظفين قاعدين يدرسون بالانتساب في مصر والبحرين وبالكويت في الجامعة العربية المفتوحة
دام إن الدراسة ما تتعارض مع الدوام الرسمي وساعات العمل !!

درسوا وهاتوا الشهادة والشركة تعدل وضعكم واترقون إن شاء الله ;)
 

Winchester

المـراقب الـعـام
السلام عليكم


ياجماعه في احد سمع عن ابريتر تو صار مهندس الحين عندنا بالانتاج ...... اذا كان صج ياجماعه هذا شلون سواها

وشلون خلص وشلون صار مهندس تتوقعون انه عنده واسطه بالشركه اللي صار مهندس هذا ز

وبعدين ياجماعه اذا كان صج انا متوقع بعد جم سنه يصير علينا سوبرفايز ويتفلسف علينا ولاجنه كان اوبريتر بالسنتر انا متوقع جذي لانه كلهم جذي اللي كان قبل


انا سنعت هالخبر من شخص بس لي الحين مو متاكد واذا كان صج هذا بدايه جيده لنا علشان انكمل

أخي العزيز شنو المشكلة بالموضوع

مدام دراستك ما تعارض دوامك عادي يقدر اي واحد يدرس والشركة اصلا تعطيك أجازة أختبارات

والله يوفق الجميع ان شاء الله
 

الكويت

بـترولـي جـديـد
والله عليه بالعافيه والله يوفقه ان شاء الله ويوفق الجميع :)

دهن عود انا اقول اشرايج نقعد بالصف الي وراى شومي و كويتي ههههههههههههههههههههه

جوووود باجر نقعد مكان الي عندنا داخل
ههههههههههههههههههههههههههههههههههههه
 

HUMMER

بـترولـي خـاص
اي اخوي في واللي تتكلم عنه اعرفه وصج سواها
الله يخلي الواسطه وعضو مجلس الامه
لووووووول
 

جاسم79

بـترولـي جـديـد
يستاهل بو ناصر احسن من غيره وليش الحسد عيييييييييييييييييييييب عليك يا حسود
 

جاسم79

بـترولـي جـديـد
يستاهل بو ناصر احسن من غيره وليش الحسد عيييييييييييييييييييييب عليك يا حسود سو نفسه بس قاعد تحسد الناس بس هياط على فكره ترى الولد هذا نظيف واسال عنه يا حسودي ولا واسطه ولا شي توفيق من الله سبحانه والله سبحانه كاتبله هالشي اما انتى فا موووووووووووووووووووووووووووووت في غيضك
 

brilliant

المـراقب الـعـام
الاوبريتر الي يكمل ويصير مهندس ينفع الشركة اكثر من المهندس ولا عنده خبره

خبره + شهاده > شهاده
 

jajs04

بـترولـي نشيط جدا
الاوبريتر الي يكمل ويصير مهندس ينفع الشركة اكثر من المهندس ولا عنده خبره

خبره + شهاده > شهاده

أنا معاك والله
لأنه راح يعرف كل خبايا الشغل

بس عندي سؤال : إذا كانت الدراسة تتعارض مع الدوام ساعة وحدة بس يجوز ولا ما يجوز؟
 

brilliant

المـراقب الـعـام
اذا يزرق من الدوام ومقصر مايصير هالشي

بس اذا مظبط شغله ومافيه اي تقصير وربعه يساعدونه ويتمنون له التوفيق فهالشي طيب منه ومن ربعه ويصير مهندس احسن من الاجنبي
 
أعلى