تلاعب اخر بادارتنا فهل من مجيب

KuwaitBoy1

بـترولـي نشيط جدا
اخواني بالاتحاد والنقابة ان ادارتنا تتلاعب بنا علي مزاجها فهل من محاسب الموضوع هو ان في حالة اي عامل ياخذ راحه طبية يمنع من العمل الاضافي وعند الحاجة الماسة له ولم يجدوا اي احد يتم استدعائه وباليوم الثاني كان هناك عمل اضافي ويكون الحق لنفس العامل الي تم استدعائه يقولون لا هو ممنوع من العمل الاضافي فالي اين هذاالتلاعب واين المحاسب اجيبونا جزاكم الف خير ولكم جزيل الشكر------للاستفسار ---7653533
 
التعديل الأخير:

كويت العز

بـترولـي نشيط
السلام عليكم

تبي الصراحه المسأله احيانا مزاجيه

بالقسم اللي انا فيه داوم الصبح اوفر تايم والعصر اخذ طبيه وعادي محد له شغل فيك.

والله عــــــــــــــــــجــــــــــــــــــــــب
 

Operator

بـترولـي نشيط
والله الصراحه تصير وياي في وحدتي احيانا ً واذا راعي طبيات ولا متهاوش ويا المسؤول قالك لا تدق عليه

واكثر الاوفر تايم عندنا على الاجانب وهذا شي يشهد له ابناء وحدتي وهذا شي يخلي الكويتي يهمل مدام انه ما يعتمد عليه باستثناء الا اذا كنت حبيب المسؤول
 

bo6elly44

بـترولـي جـديـد
والله الصراحه يا خوي هم مايصير اتداوم اوفرتايم اوثاني يوم سك وإلا ماخذ الاسبوع كلة سك تبي اتداوم او في ناس احق اب هل دوام مع احترامي لك
 

محمد الشيباني

بـترولـي نشيط جدا
تيم ليدر والله ظحكتني اي نقابه اي بطيخ

المهم صاحب المشكله شوف منو منعك وقابله هذا حقك والرزق من الله مو من حلالهم واذا ما طلعت بنتيجه اطلب منه انك تبي تقابل الي اعلى منه لين تاخذ حقك حتى لو توصل الى سامي الرشيد والي يقول لك هذا قانون قول له عطني صوره من القانون وما راح يعطيق اي صوره لان ما فيه قانون يمنعك من العمل الاضافي
 

أطفائي مشاغب

بـترولـي نشيط
الحل بسيط العلاقات الصناعية

حبيبي وعزيزي

لا تدوخل نفسك فهي عصابات وأحزاب وطوائف وفرق

تجاوزهم جميع وأذهب للعلاقات الصناعية ((( التي هي بمثابة النيابة العامة)) وبإذن الله حتي بونص تأخذ.:rolleyes::rolleyes::rolleyes::rolleyes:
 

KuwaitBoy1

بـترولـي نشيط جدا
الي الاخ العزيز محمد الشيباني تحية طيبة وبعد ------------------- الي منعني هو التم ليدر والمشكلة ان كل شي بيدة ويوم نادوني طلبت منهم يكلمونه قبل ماجي حتي لا يضيع حقي ولكن عندما عرف ان بس انا الموجود قبل اني اعمل وثاني يوم كان هناك اضافي وصادف يوم راحتي واولي لي تفاجئة ان التم ليدر طلب منهم عدم تشغيلي ولاكن shift /c ماقصر والح علية ان يخليني اعمل وخلاني اعمل ولكن بشرط اني ما ينادوني بعد هذي المرة
 
التعديل الأخير:

بترولي

بـترولـي نشيط
سؤال؟؟

هل قابلت التيم ليدر ؟واذا قابلته شنو قالك؟ وشنو كان ردك؟ اذا كان لك حق لازم تطالب فيه وبشكل مباشر مو مثل ما يقولون تفش خلقك بالمنتدى وبس.
 

KuwaitBoy1

بـترولـي نشيط جدا
الاخ---------------- الحق------------------------العنوان هو -------------------تم ليدر المنطقة الاولي
 

KuwaitBoy1

بـترولـي نشيط جدا
الاخ البترولي ------ كيف اقابلة وهو عارف كل شي وحنا ناخذ موافقتة قبل مانشتقل الافر تايم
 

محمد الشيباني

بـترولـي نشيط جدا
حبيبي وباختصار

روح لمكتب التيم ليدر و انطره لين يفظى بس مو وقت دوامك ( بعد دوام الصبح او قبل دوام العصر) ولا بد انك تشوفه واذا كلمته وما عطاك وجه قوله بالحرف الواد ولا تنطر منه اي رد ( انا بروح لمدير العمليات يحل مشكلتي ) وبس واذا رحت للمدير اشرح له الموضوع واذا ما عجبك كلامه وما انصفك قول له ابي اقابل مدير المصفاة * ولا تتردد
 

بترولي

بـترولـي نشيط
السلام عليكم

الاخ الشيباني عطاك الراي اخذ فيه وعطنا علومك لو اني اشك في انك تتبع النصيحه
 

بترولي

بـترولـي نشيط
الى الاخ الحق

ممكن نعرف باي صفه راح تطالب بحق الاخ؟

احنا نعرف ان هذا منتدى مو نقابه؟

ولا انت شنو رايك؟
 

بترولي

بـترولـي نشيط
وين المشاكل؟

اذا ما تبي مشاكل ليش تعرض مشكلتك؟ اللي من المفروض تواجه اللي متسبب فيها . لانه يا اخي افضل حل للمشاكل هو المواجهه
 

KuwaitBoy1

بـترولـي نشيط جدا
الي الاخ البترولي انا قصدي مابي مشاكل بينكم انتم الاخ العزيز الحق طلب اين اعمل وانا عطيته ما طلب وانتظر الرد ان سوي شي جزاه الله الف خير اما المقابلة التي يقول عنها الاخ محمد الشيباني فماذا اقول له الرد معروف السكات واحنا مانشتغل الا بموافقته وانا اطلب حل فقط حتي لايتكرر هذا مع غيري وشكرا لمساعدة الجميع وارائهم وابي هذا الموضوع يصل مسامع اعضاء النقابة وردهم عليه --------------- وشكرا لكم
 
التعديل الأخير:
أعلى