خصم الراتب في الاجازه

[hussain al]

السلام عليكم

في جميع شركات القطاع النفطي البدلات ما تخصم من الراتب في حال الاجازات

شمعنا في شركة البترول الوطنيه الكويتيه ؟

ياليت احد من النقابه يقدر يسوي شي ويساوينا بالقطاع النفطي

وجزاكم الله خير

 

[الفيصل]

أخي حسين


بالنسبة عندنا في بشركة نفط الكويت يخصم منا البدلات مثل الطريق وال 42 ساعه والخطر وبدل الانتقال في حال خروجنا في أجازة وحتي المرضية والكورسات ولازم نشوف حل في هذا الموضوع


شاكرك على هذا الطرح

مع التحية

 

[hussain al]

الاخ العزيز فيصل

اللي عرفته بعد ماسألت زملائك في شركة نفط الكويت ان بدل الخطر والنوبه لايخصم في حال تمتعكم باجازه.
ارجو ان تصححلي المعلومه اذا كنت مخطئ.

ولك كل الشكر والتقدير

 

[الفيصل]

السلام عليكم


أخي حسين


المعلومة غير صحيحة نحن يخصم منا جميع البدلات في حال خروجنا في اجازة فقط بدل الشفتية اللي هو 35 دينار اللي يمشي واما غيره يستقطع


وأيضا لموظفي شركة الخدمات النفطية OSSC للامن والاطفاء كذلك يستقطع


مع تحياتي لك

 

[MAB12]

على ماعتقد هذا قانون عالمي على مستوى جميع العمال في القطاع النفطي سواءً في الكويت او برى الكويت

ومومعقوله يعطيك بدل طريق وانت مسافر ويعطيك بدل شفت وانت نايم في بيتكم وبدل خطر وانت قاعد بالدوانية يعني معاهم حق في الخصم

لا تزعل هذا رايي بالموضوع ووجهة نظري

 

[فيصل العجمي]

اعتقد ان القانون مطبق على جميع الشركات
ولكن لماذا؟ فهذه الأجازه من حق الموظف بعد جهد وكد سنه كامله فلماذا تتم مكافئته بهذه الطريقه؟
في الجيش والشرطه والحرس الوطني لا يتم خصم اي علاوة في الاجازات السنويه
اما في الوزارات فماعندي خبر لكن اعتقد انه لا يوجد خصم ايضا للعلاوات خلال الاجازات

 

[Winchester]

اعتقد ان القانون مطبق على جميع الشركات
ولكن لماذا؟ فهذه الأجازه من حق الموظف بعد جهد وكد سنه كامله فلماذا تتم مكافئته بهذه الطريقه؟
في الجيش والشرطه والحرس الوطني لا يتم خصم اي علاوة في الاجازات السنويه
اما في الوزارات فماعندي خبر لكن اعتقد انه لا يوجد خصم ايضا للعلاوات خلال الاجازات

بخصوص هذا الموضوع الصراحة يبيلة وقفة جادة من الجميع

واتمنى من الأخوان النقابيين الأهتمام بهذا الموضوع

أنا عن نفسي راح أوصل الموضوع وراح اتكلم فيه بحكم معرفتي ببعض الخوان بس يا جماعه ايد وحده ما تصفق نبي همتكم معانا

 

[Operator]

النظام هذا نظام فاشل جدا جدا لاني مجاز ولست متوقف عن العمل او مستقيل

الاجازه من حق الموظف بروحها سبوعين ولا ثلاثه بالسنه ويرد وتاثر عليه ثلاث شهور قدام

لو ياخذها سك والله ارخص وارحم

 

[اطفائي طموح]

اشكرك اخوي على الموضوع المهم واتمنى من نقابتنا الالتفات له

 

[WaRiO]

لا وبعد لوو يعدلوون في مسمى بعض البدلات بعد أحسن (( علاوة السكن )) لو يغيروونها .... أحسن عشان نستفيد من بدل الاجار من الحكومه حالنا من حال اخوانه الي عندهم بدل اجار من الشركه قريد 13 وانت طالع (( او 14 ))

 

[Neilz]

يا جماعه اي واحد يطلع اجازه يخصم منه بدل الشفت او بدل خطر بالايام اللي طلعها مو كله يعني اسبوووع ينخصم من بدل الخطر يوميه هالاسبوع او بدل الطريق وانا اعتقد مافيها شي هذي حق والحق ما ينزعل منه عدل.