احنا شعب

MR HANDSOME

بـترولـي نشيط
احنا شعب يحب التشيحط والتميلح .. ويوم كنا صغار كان رقم السيارة قضية مصير لدى بعض الناس .. قضية أكون أو لا أكون.. فتجد سيارة كحيانه ما تسوى فلس رقمها (1).. والغريب أن رقم السيارة أحيانا يكون أغلى من سعر السيارة نفسها.. فقامت حكومتنا الرشيدة بالغاء جميع اللوحات السابقة واستبدالها بلوحات بالكمبيوتر اللي ما فيها واسطه وصار أقل رقم فيها اربع ارقام .. مما جعل الخفير يشفط على الوزير


ا انتهينا من أزمة أرقام السيارات جاءت أزمة أرقام التلفونات وصار عندنا رقم ذهبي وفضي وبرونزي ونحاسي

Vip
.. والكل غصب يبي يصير في أي بي .. فيزا في اي بي .. حملة في اي بي .. حلاق في اي بي .. خباز في اي بي .. يا جماعة الفي أي بي لرجال الاعمال مو لكم
حتى البنوك عندهم حسابات
Vip , Ip, P
وعلى قولة المثل "اذا أنا أمير وانت أمير .. من يقود الحمير"ـ
فاذا انا في اي بي وانت في اي بي منو الاي بي والبي
وبعدها طلعتنا سالفة التشيحط بالدرجات الاكاديمية .. واللي غصب بيكون اكاديمي ومهندس ورايح شاري الشهاده من الدول اللي خبري خبرك وتلقاه مهندس وحالته حاله وما يعرف الفرق بين التوصيل بالتوالي والتوصيل بالتوازي
حتى الماجستير والدكتواراه صارت بفلوس .. وفي مكتب بالديره تقوله الشهاده اللي تبيها ويأتي بها اليك قبل أن يرتد اليك طرفك من بلغاريا أو الدول اللي لك عليها
 

dehen_3ood

بـترولـي خـاص
أعضاء الشرف
كلام واقعي .. وصدقت يا الوسيم !!
كلش ما نحب الفشخره والمنظرة
فلان عنده !! لازم يصير عندي أحسن من إللي عنده
هذه سوت !! شمعنى اهي انا بعد أسوي
ومادري لين وين بنوصل
العالم سبقونا واحنا للحين انتشيحط وانتميلح :)

يسلمووو ويا مال العافية
 
أعلى