جراحات الليزك (( مستشفي الشركة ))

[الفيصل]

السلام عليكم


دار حديث قبل 6 اشهر تقريبا عن طلب تزويد مستشفى الشركة بأجهزة الليزك للعيون يتم إجراؤها للحصول على رؤية ممتازة دون الإعتماد على النظارة أو العدسات اللاصقة ولا سمعنا عنها .

فمن لدية اي خبر بالموضوع الرجاء تزويدنا عنها.


مع التحية

 

[سالم الخالدي]

للرفع

مع أخونا فيصل

 

[مختبرجي]

انا سمعت بس مو متأكد
انك تقدر تروح وتسجل بالدور علشان تسوي العمليه وتقدر تتأكد من المستشفى

 

[dehen_3ood]

أخوي فيصل تقدر في الوقت الحالي تروح تسوي فحص !!
وإن شافوا أنك تحتاج للعملية أنطر عاد متى إييك الدور !!
زحمة مواعيد مو طبيعية كعادة المستشفى !!
رفيجتي سوت الفحص شهر 8 وموعد عمليتها شهر 12

أسويها بأي مستشفى خاص او عيادة على حسابي أرحم !!

 

[KOC_747]

تو الناااااااااااااااس

الحين جابوا الجهاز ؟؟؟

والله شي المستشفى العسكري صار له سنين وهذيلا توهم يجيبونه ؟؟؟؟

والله أنصحك ما تنطر روح عيادات العيون شكثرها ،أنا سويتها ب 300 دينار وفكيت عمري بدال النطره والدوخة على الفاضي .

 

[HUMMER]

اخوي فيصل الجهاز موجود بالمستشفى من فتره بس نفس ماقالوا الاخوان انطر دور وهذي المشكله اللي نعاني منها الزحمه
بس الله يكون بعونهم عليهم كل شركات القطاع النفطي والكل بيسوي العلمليه

 

[الفيصل]

والله توني ادري ليش هالكتمان من المفروض يعلمونا حتى لو يطرشون بال Postmaster

شاكركم على هذه المعلومه


مع تحياتي

 

[م.محمد]

هم نرد ونقول الشركه في تطور
والشركه تاخذبأقتراحات الموظفين
والي عنده اقتراح خل يقوله
بس اقتراح معقول يعني

 

[op2]

السلام عليكم


اول شي الجهاز موجود في مستشفى الشركه له شهرين او اكثر


وكان في خبير روسي موجود وللعلم اول من سوو العمليه على الجهاز امير البلاد الشيخ صباح الاحمد


وباشراف من الدكتور غسان الي الحين صار كويتي الجنسيه


وكان الموضوع بسريه والامير قعد في مستشفى الشركه تقريبا اسبوع دون علم احد


وبخصوص العمليه انا سجلت اسمي وناطر الدور مثل الباقي


الي اتوقع بيكون بعد سنه دوري لان اكيد في واسطات وناس تدش قبل ناس


وتوني كاشخ بنضارتي الجديده

فمو مستعجل عليها لو عندك واسطه هناك روح وخل يسبقك بالدور

 

[Sukar-ENG]

سلام عليكم ...
انا كنت بسوي العملية بالكويت بس قالولي اكو برفسور اردني وايد شاطر بالأردن فلتة فشكلي بروح هناك اخاف اسوي بالشركة وما يندرى شيصير بعيوني اكو أحد مجرب؟؟؟