رأي آخر

بـترولـي نشيط
استبعاد ميزانية «نفط الخليج» من مؤسسة البترول!!!

السلام عليكم و رحمة الله و بركاته,

جريدة الانباء اليوم بالصفحة الرئيسية حطت خبر استبعاد ميزانية شركة نفط الخليج KGOC من مؤسسة البترول و تحويلها لوزارة النفط..

طبعا ماكو اي تفاصيل عن الاسباب و شنو العواقب من هالقرار غير انها
"محاولة لعدم تحملها خسائر سنوية نتيجة وقف الانتاج من المنطقة المقسومة، مشيرة الى ان الميزانية سوف تتم احالتها الى وزارة النفط، مع ترجيح تأخير عودة الانتاج نحو عام من الان." !!

يعني المؤسسة ما تبي تتحمل الخساير بشركة نفط الخليج ولا تكاليف الموظفين بدون عائد من الانتاج و ميزانية 2017 - 2018 راح تتحول عالوزارة ..

استبعاد ميزانية نفط الخليج من مؤسسة البترول.png




- شنو مصير الموظفين بالشركة؟

- بيستمر صرف مميزاتهم و رواتبهم ولا بيعاملونهم معاملة موظفين الوزارة؟

- الى متى بتستمر الوزارة بتحمل فاتورة الرواتب؟

- هل هذا يعني انه الوزارة ممكن تفكك الشركة او تعطي الموظفين اجازة مفتوحة؟

- ليش الموظفين آخر من يعلم؟ وين الامان الوظيفي لموظفين القطاع النفطي؟



الواحد الحين بأي شركة نفطية عادي يقوم بكرة و يلقى نفسه يتبع الوزارة مو المؤسسة و يعرف الخبر من الجريدة !!

اليوم نفط الخليج و بكرة ممكن الناقلات ولا البتروكيماويات ولا غيرها !

وين دور النقابات و الاتحاد و الى متى يتم تهميش دورهم !

نطالب اتحاد البترول و النقابات بالوقوف صف واحد لحماية حقوق العاملين و تأكيد عدم المساس بها مثل ما اقسموا لنا و ان يتم توفير الضمانات للعاملين !
 

كلمة الحق

بـترولـي نشيط جدا
المصير مجهول
والامل مفقود
وزود على ذلك بيركبون بصمه علينا
يعني خربوها من كل صوب
والنقابه للاسف عندها خبر بكل شي
 
أعلى