نظام السفر في المهمات الرسمية للعاملين بالقطاع النفطي 2016

المحرر النفطي

فريق الإعلام
نظام السفر في المهمات الرسمية للعاملين بالقطاع النفطي 2016

2b3cb880c0.jpg


2586466eb0.jpg


0c60cdd9bc.jpg


1520bd7c2e.jpg
 

مغربي

بـترولـي نشيط جدا
ليش يتم الالغاء الدورات لشهر ٣

باقي شهر على نهاية السنه الماليه

هل شهر راح يأثر يعني

المطلوب من نزار والوزير تطبيق القانون الجديد تاريخ ١-٤

وعندي استفسار كورسات دبي تعتبر من ضمن المهام ولا المهام المقصد بها بزنس ترب يرجى التوضيح
 

مغربي

بـترولـي نشيط جدا
اذا كان القصد بس البزنس ترب معناه نزار العدساني فصل قانون جديد يخدم الاداره العليا


والمطلوب من النقابات مواجهه الاداره العليا بهذا الخصوص لان السكوت راح يسحب بعده عدة مميزات



لازم كل موظفين القطاع النفطي يدرون انه التقشف عليهم بس اما القياديين خدعونا بسالفه السيارات اما احنا كل شي تقشف

باقي الوزارات التقشف بلش بالقياديين بس عندنا بلش على الموظفين والعمال كله بمباركه الاداره العليا و سكوت النقابات والوزير
 

AD-01

بـترولـي خـاص
مغربي
حسستني بالامان الصراحة وانت تطلب فزعة النقابه

حنا نقابتنا نزلت بيان بالايميل قالوا فيه انهم قعدوا مع رئيس الشركه وشربهم شاي وسولف معاهم وركبهم الباص بس الصراحه حسيت انهم مستانسين .. عسي دوم السعادة

صار لهم قريب شهرين ناجحين والدنيا قص وهم طرمان ..

الكورسات باح .. المؤتمرات باح .. تذاكر السفر تخفضت .. مخصصات السفر تخفضت .. مخصصات العلاج بالخارج طاحت .. التقييم السنوي راح .. البونص باح .. المشاركه بالنجاح انلغت رسمي تو .. السيارات باح .. الادارة قامت تستهبل علينا ونزلت تعميم عن ضوابط ملابس العمل وقالوا الجينز مع تي شيرت بدون ياقه ممنوع لكن البولو مسموح لكن الحمدلله حققوا انجاز فطحلي جبار وهو احتجاجهم علي ترقيات المطافي ومع هذا مشت الترقيات

كنا ننقد علي النقابه السابقه انها مع الادارة ومتخاذله وضيعت المخيم الربيعي وهدايا التقاعد .. اليوم تمنيتها موجوده علي الاقل كانت توقف وتمنع وتأجل وتكسب .. النقابه الحاليه ماكو حس .. راح كل شي كل شي كل شي وناطرين منهم تحرك ؟؟ .. خلنا نرقع لهم وانقول عنهم مساكين والدوله تقشف اما النقابه السابقه متخاذلين

ما الوم نزار وانس الصالح دام ما شاف رد .. واتوقع البديل الاستراتجي مسألة وقت ويتطبق علينا
 

مغربي

بـترولـي نشيط جدا
طال عمرك انا مو سالفه احسس بالامان انا متاكد انه الاداره ناوية علينا بنسف المميزات الي قلت عنها

وهذا الي تكلمت عنه انه نزار و انس صالح بسبب السكوت قاعدين ينسفون المميزات مع العلم انه الاداره العليا ما تضررت

بطولة جولف كورسات ما تخفضت مخصصات تذاكر سفر

انا قاعد اتكلم يا الاخ الكريم انه شلون لعب بالقرارات على اساس التقشف والضرب فينا واهما دراسه انه يخفض عليهم مجرد دراسه واحنا الطق من كل مكان لازم تعرف جميع النقابات القطاع النفطي بجميع اقسامه انه مو راضين على القرارات الي اتخذت سواء الكورسات وغيره ويجب الغاء القرارات وانه اذا في الغاء للكورسات نفس الشي ينطبق عليهم

بسهم لعب بدون حسيب ورقيب
 

مغربي

بـترولـي نشيط جدا
سياسه التطفيش والقرارات الظالمه للموظفين لازم توقف عند حدها كل الوزارات عندها مخيمات اعمال ممتازه وعروض للموظفين

واحنا قاصين علينا بجم عرض والباقي كله نسف فاهمين الترشيد على هواهم وعلى فئة معينه واهما كأنهم منزلين من السماء

بس فالحين بالتعاميم الي تسد النفس خل يشوفون شركات البترول العالميه الخليجيه كلها متضرره بس ما سوت جذي عندنا اداره حرام فيها الكرسي
 

وبعدين

بـترولـي جـديـد
بصراحه شيء يحز بالخاطر خصوصاً ان درجات 15 الى 17 يسافر بالدرجه السياحيه. بصراحه النقابه المفروض يكون لها دور بالموضوع وبعد 90 يوم تقل المصاريف الى النص يعني 90 دينار. الواحد رايح يشتغل للبلد والا يطر؟ المفروض يكون الموضوع مجزي والا يقعد عند اهله احسن. نتمنى من الاداره انها تهتم بهالامر لانه يأثر على نتائج الإنجازات للمسافرين وهذا يضر المشاريع اللي تهم البلد.
 

مغربي

بـترولـي نشيط جدا
حبيبي غير الادارة العليا محد راح يروح

التقشف بس علينا على الاداره العليا لا

لانهم علية القوم واحنا غير


هذا الواقع الي يحز بالخاطر لنا الله

عظم الله اجركم في مميزاتكم
 
أعلى