أنا المواطن المثالي

MR HANDSOME

بـترولـي نشيط
مونّس عيالي
اودي هذا واجيبه
وأسوّيلهم حليبه
بأنصاص الليالي
أنا المواطن المثالي

محافظ على سيارتي وبيتي
مخفف صرفي صاك ليتي
مؤدّب ومسدّد كل فواتيري
ماأوكل عيالي جبن كيري
ولازيت العلالي
أنا المواطن المثالي

ماعندي مخالفة مرورية
ماأحب اللويه والأذيه
ولا الكلام الزايد
أصلا ماأقرا جرايد
ولاحاط شي ببالي
أنا المواطن المثالي

شايف فوضى وساكت ولاكلمة
أعلّم عيالي نقاوة البسمة
وكيف الروح بصدقها تتجلّى
وأقولهم ياعيال باجر احلى
واذا مو باجر تالي
أنا المواطن المثالي

أشوف التخلّف بعينه
وأقول أحوالنا زينه
أبتعد من الشر ما أدني
مغمّض عيوني صاك إذني
عايش بحالي
أنا المواطن المثالي
 

dehen_3ood

بـترولـي خـاص
أعضاء الشرف
وينه هالمواطن المثالي؟ في منه هالأيام؟

تسلم وماتقصر على هالمشاركة ويا مال العافية
 

الفيصل

بـترولـي خـاص
أعضاء الشرف
أخي هاندسوم

مواطن صدق مثالي

لاهنت على هذه المشاركة



مع التحية
 

BG. 1

موقوف
عملة نادرة هالمواطن

لكن جبن الكيري غالي في ارخص من

مشكورة علي الابيات الحلوة
 
أعلى