اقتراح تجمع بادارة التكويت

[Mslam]

السلام عليكم ورحمة الله وبركاته
يا رجال الحقوق تبي حلوق
والحقوق تنتزع لا تهب
من هذا المنطلق يجب علينا كعاملين في عقود المقاولين koc التجمع في مبني التكويت B4 يوم الاحد الساعة التاسعة صباحا لمواجهة مدير التكويت محمد جعفر لكي نطلع على اخر المستجدات لتطبيق اللائحة والوقوف على القرار اين وصل واخذ تعهد بوقت صرف الاثر الرجعي والتامين الصحي
ارجوا من الموافقين التواجد غدا الاحد التاسعة صباحا بالتكويت
والله الموفق

 

[Bati5tuta]

يعطيك العافية اخوي
اقتراح جميل جداً وهذا الشي المفروض انه يصير من زمان
بس ما ينفع نروح ٢ او ٣ أشخاص اقصد لازم اول شي انسق مع بعض
ونحط النقاط على الحروف... طبعا هذا الشي لازم تقوم فيه النقابه لاكن الحمدالله على كل حال..
اقتراح سديد اخوي مسلم وانا ان شاء الله اول المتواجدين

 

[almeer]

عيطيك العافيه اخوي على هذا الاقتراح
لازم احنى نتحرك ونعرف اللي لنى ولي علينا وهذي حقوقنى صارلنا اكثر من سنه ضايعه وماشفنا منها شي ولازم مانسكت وانا عن نفسي راح اروح ومعاي اكثر من 15 شخص من اللي معاي بالموقع بس ابي تحدود موعد نلتزم فيه كلنا عشان يكون التجمع فعال وانا بانتظار الرد النهائي لموعد التجمع

 

[Ali911]

واحنا 17 موظف من الكي او سي هم وياك
بس بشرط مايكون موجود ولا واحد من النقابه
لان راح يقولون ابشروا بالخير ياجماعه ويعطونا جم كلمه يسحرونا ونمشي
لا هذا حقنا احنا ناخذه بايدنا وسلامي على النقابه

 

[Oily-Man]

شباب انا عندي إقتراح ويمكن تكون نتيجته أفضل و إنتوا لكم الحرية في الإختيار :
1- حاولوا ان تتصلون بكل الشركات المقاولة مع koc وكل شركة يطلع من شبابها واحد يمثلهم
2- لازم تاخذون موعد مع التيم ليدر بالتكويت الخاص بـ koc ويكون الوقت متفق عليه مسبقاً
3- يجب الإتفاق على صيغة الأسئلة للقاء و تكون محددة بنقاط مهمة قبل اللقاء
4- علشان يكون لكم حضور حضاري ومنظم , لا يكون التجمع كبير وتعم الفوضي في المكتب
5- يفضل يكون عندكم كتاب بصيغة مرتبة و موقع من كل الموظفين و يحتوي على أكبر عدد من التواقيع
6- يكون واحد من الشباب هو همزة الوصل مع التكويت لمتابعة اَخر المستجدات في اللائحة

وبارك الله فيكم ويوفق مسعاكم إلى ما فيه الخير للجميع

 

[q8sniper]

خوش اقتراح و انا معاكم انشاء الله
بس نبي موعد منسق صح

 

[Mslam]

حلو شباب لقينا قبول للمساءلة لازم نقترح يوم محدد وانا عموما معاكم على اي خطوة تقدمون علية نبي نسمع يوم معين مع النظر لما تطرق له الاخ
Oily-man
بانتظاركم

 

[ثامر العنزي]

السلام عليكم يعطيكم العافيه اخواني ،،،


يفضل أن يكون التجمع يوم الثلاثاء حتى يتبين لنا ان كان هناك شيئ في يوم الأحد والأثنين أم لا
وأهم كل شي ان يكون هناك جمع من الموظفين وبالله التوفيق،،

 

[santafe]

انا اقترح ان نعطي مجال للنقابة لكي تضع النقاط على الحروف وايجاد حل لمشكلة المسمى الوظيفي بعد الاجتماع غدا اعتقد راح يكون هناك تصريح للنقابة

 

[نواف محسن المطيري]

السلام عليكم ورحمة الله وبركاته


أوافق على الفكره بشكل عام


واؤيد ماتفضل به الاخ ثامر العنزي


بأن يكون الاجتماع في إداره التكويت


يوم الثلاثاء صباحاً


.​

 

[sarey]

اذا الموعد انشالله يوم الثلاثاء

 

[Naser79]

ان شاءالله انكم صاملين يوم الثلاثاء

ارجو تحديد وقت معين يوم الثلاثاء عشان العدد يكون كبير وينجح التجمع بأيصال رساله واضحه للتكويت

اسأل الله التوفيق للجميع

 

[sultan86]

وانا كذلك مؤيد للفكرة
لما تقوم به النقابه من إخلال في المواعيد وتسفيه للموظفين
من جهه والتكويت من جهه أخرى.

لابد ان يكون هناك موقف حازم للموظفين إتجاه مايحصل
فنحن اصبحنا لعبه بين هؤلاء.

ونتائج هذا الإعتصام:
سيكون أقلها معرفة مايحصل بينهم أو ماهو مصيرنا
من هذا القانون.

ولا أعتقد ان هناك أمور سلبيه إتجاه هذا الإعتصام
بل بالعكس سيعرفون النقابة والمؤسسة أننا جادين
في مطالبنا
وأن الأمر ليس مقتصر على النقابة لتأتي بحقوقنا

 

[mohamed alajmi]

مع احترامي للكل . شباب الفتره هذي بالذات الاضرابات والتجمعات تضر ماتنفع لانها صارت حساسه ، نصيحتي اصبرو شوي لان النقابه قاعده تشتغل على الموضوع وإن شاءالله متفائلين خير

 

[hanter]

نصيحه ياجماعه نطرو شوي احتمال اتصير عكسيه عليكم مابقا شي هانت نطرو

 

[diver1120]

ان الله مع الصابرين

 

[Ali911]

الحمدالله ندري ان الله مع الصابرين ،،
بس مايصير الواحد يدعي ان الله يرزقه بدون لايشتغل مايصير يدعي ينجح واهو مايدرس ،،
فنفس هالمثال عندنه لازم نتحرك لان النقابه لو قاعده تتحرك ترد علينا اقل شي قبل عالاقل يعطونه وعود تصبرنا ،،

الحين ماكو شي

 

[محسن السويدي]

ياجماعة الوعد يوم الثلاثاء الساعة كم

 

[ahmed_1]

سلام عليكم جميعا اقتراحكم حلو بس اتمنى عدم الاستعجال النقابه تاخرت بالتطبيق عشان مصلحتكم ياجماعة الخير عطوهم لي الاسبوع الجاي بعدها انا معاكم اروح ماعندي مشكله ومالكم شغل بالكلام الفاضي الي ينقال والاحباطات اللائحة بتطبق صبرنا سنين طويله من الظلم والعذاب عيزانين ننطر شوي بعد

 

[Oily-Man]

سلام عليكم جميعا اقتراحكم حلو بس اتمنى عدم الاستعجال النقابه تاخرت بالتطبيق عشان مصلحتكم ياجماعة الخير عطوهم لي الاسبوع الجاي بعدها انا معاكم اروح ماعندي مشكله ومالكم شغل بالكلام الفاضي الي ينقال والاحباطات اللائحة بتطبق صبرنا سنين طويله من الظلم والعذاب عيزانين ننطر شوي بعد

تقصدني يا سيد أحمد ....؟ يعني حضرتك كاتب شي جديد ...!
إنت الظاهر للحين ما تدري شنو قاعد يصير ..؟ إسأل عن مفاجأة
اليوم بالذات و بعدين تعال طقطق بالمنتدى ... تابع مقالتي بكرة
و بعدين تعال حاسبني علي كلامي , او أحسن خليك متفائل