السلام عليكم يا اخوان انا عندي موضوع ودي اطرحه وارجوا من الكل يتشارك فيه وهو العلاقه بين المسؤل و الموظفين اللي يعملون تحت امرته ( قيادته ) . انا من جم يوم قعدت مع واحد من ربعي بالدوام ( Panel Operator ) وقعدنا نتكلم عن احوال الشركه وشدني موضوع عن ال ( Shift Controller ) .. يا جماعه والله في ناس من هالفئه الله يعين الموظفين عليهم . جنهم شعب الله المختار والعياذ بالله اول شيء كله يكلمك من ورا خشمه .. يعني اذا بغيت تستاذن تروح العياده بالشركه ، يسويلك تحقيق ويسألك انته بتاخذ مرضيه ولا ليش رايح . و و و و يعني ماتاخذ الاذن الا وانته طالعه روحك وكل هذا علشان تاخذ توقيعه على نموذج العلاج . و الحين طالعين لنا طلعه كل يوم والثاني مطرشلك سؤال بالوحده يسالك عن ال ( Emergency ) على حسب ال Objective اللي حاطه واهوا بالذات مايعرف عن هالاشياء اصلا . ولو اهوا ياخذ هالاسئله من كتاب تشغيل الوحده (Operating Manual ) جان زين يسأل المسؤل المباشر عنها لا ياخذها من الهنود بالوحده على انهم فاهمين. وانا من رايي انه يدرس عن الوحده علشان اهوا اللي يفهم مو يسأل المشغل عنها واهيه من صلب عمله وكل يوم يسويها بالاساس . وماعندهم الحين اي سلطه او تاثير على الاداره ، يعني لطلبت اجازه قالك انا اطرشها لل Admin ونشوف الرد يعني مايحاول انه ياثر عليهم او يساعد الموظف على حل مشكلته . بس اللهم يقعدلي مترزز بالفورد الله يهنيه فيها جان هذا اللي يبيه ، وللاسف احنا مانعرف شنو وصفه الوظيفي هل هو مراسل سريع او مراسل متكتم او مراسل اطرش بالزفه . وليعذرني الكثير من هم بهذا الوضع لان مااهجم عليهم بس انا بغيت اوصل لهم كلمه . ترا الوحدات ما تمشيء الا ب الله اولا وب Panel Operator ثانيا وب Shift Supervisor ثالثا . والمفروض انهم يعينون ال Operators على الاداره مو يكونون معاها . يعني لهذا الموضوع وايد تشعبات انا حبيت اقتنص مادار بيني وبين صديقي . وسلامتكم والمسؤليه تعامل اولا واخيرا
اخوى الماص ماعرفنا باى مصفاة انت ؟؟؟ احنا فى ميناء عبدالله وثانيا اخوى المفروض يوقع مرضيتك السوبرفايزر ومو الشفت كنترول اما الاسئله وشغله هو حر وكيفه يسال الى يبي مالنا شغل فيه اما بالشغل قايمين بشغلهم تمام واكثر من قبل اشوفهم وامسكو الشغل الى كان شايله الليدر ومايصير تقول عنهم مراسلين و و و وبعدين تقول ما اتهجم عليهم وهذا تناقض بكلامك والظاهر ان فى مشكله بينك وبينهم يمكن ولعلمك هم دايما معانا تمام وحسب الاصول الا اللهم اذا كانت عندك مشاكل او موقف معاك او انك مو ملتزم او شي ما واخر الكلام الله لايغيرهم علينا ... اميييييييييييييييييييييييييييييييييييييييييييييين تحياتي
هاي اشكر مرورك اخي الكريم بس انا اللي ابي اقوله اني ماعندي ولا مشكله معاهم بالعكس انا مادي شغلي على اكمل وجه اوكيه انه يسال بس انه يسال اسئله ويعطيك ورقه ويقولك هذا امتحان وترد عليه بالورقه يقولك هذا الرد عيل ليش انا معطيك امتحان ، ويرد عليه رفيجي يقوله هذا من صلب شغلي وانا اعرفه . ويقوله انته تعرف الجواب علشان تسألني يرد الحبيب ( cont) لا بس راح اعرف الاجابه دامك انته ماتعرف الاجابه ولا تسال السؤال على انك تبي تفهم الشغل ليش مضايق الناس عيل
شكرا يا كرام على مروركم اهلا يا بو نايف واهلا فيك يا كنبس لو اليونت اللي انا شغال فيها يشغلها فراش الميس روم جان ماحطونا بنيل ولا هالخساير بس الظاهر كل من يرى الناس بعين طبعه واهم شيء عندي اني احط في بالي انه الله يراني قبل كل شيء وانته عارف يا بونايف شنو قصدي ههههههه واخوي كنبس انا من مصفاة الاحمدي وانته تعال وشوف واحكم الحكم العسكري عندنا مطبق بحذافيره عموما اللي ايده بالنار مو مثل ايده بالماي
انا معاك بالنسبة لميناء عبدالله والله كلهم خير وبركة وودي اذكر اسماء بس خاف انسى احد واظلمه ومثل ماقلت الله لا يغير علينا
أخوي الماص .. أولاً : الناس .. أجناس ، وكلِ له طبعه في التعامل مع الآخرين ، وسلوكه السلبي أو الإيجابي ... ثانياً : أنا شخصياً سمعت عن النظام " شبه العسكري " اللي عندكم ثالثاً : في نظام التقارير السنوي الجديد تم وضع أهداف عديدة لــ " مراقبي ورديات المصفاة " لتحميلهم أعباء وظيفية إضافية " لغرضِ في نفس يعقوب " ومن ضمن هذه الأهداف متابعة أمور السلامة والطواريء في الوحدة ومع المشغلين .. رابعاً : الله يهديهم جميعاً ويهدينا إلى الصواب ، وليعلم الجميع أنه مهما طال بنا الزمن في العمل والمسؤولية ، فمآلنا إلى التقاعد وترك ذلك العمل ، ولا نأخذ معنا سوى الذكر إن كان طيب أو سيء .. جعلنا الله من أصحاب الذكر الطيب .. تحياتي
كلامك صحيح اخوى صقر عين العقل الى يتقاعد و الناس تحبه يكون ذكره طيب , اما الردي محد راح يعرفه ولا له ذكر مع الايام يعنى اهم شي الواحد يحسن من تصرفه مع الاخرين حتى يذكرونه بالخير بس انا اعرف ناس بالاحمدى مستانسين منهم وعلاقاتهم ممتازه يمكن البعض منهم يكون تصرفه عسكرى لضعف فى شخصيته ولكن 90% منهم فوق الممتاز ... طبعا لو خليت خربت على العموم الله يساعدهم على شغلهم ويساعدنا على شغلنا وفى السلام الختام
انا من وجهة نظري ان الكنترولر ماله داعي ولا له اي اهميه مع احترامي الشديد لهم انا اتكلم عن عملهم مالهم اي عمل حتى الصلاحيات اللي عندهم انتقلت الى المهندس وبعدين واجد الكنترولريه ماشكين كم ينت مايعروفون عنها ولا شي معلومات عامه والدليل عند الاستلام ما يسئل ولا شي واسئلته بدائيه حيل وبعدين الاوب جكتف على قولتهم لو الواحد يجاوب على كل شي ما يعطونه حقه ومخلينه عذر وممكس على الاوبريتر ولا فيه بنل مايعرف الاميرجنسي ؟ وحتى لو ما يعرف راح يواجه المشكله في يومن ما واكيد راح يتعلمها ويحسب لها حساب الكنترولر عباره عن قريد فقط وبعدين انا ابي اعرف وياليت تردون علي شنو وظيفة الكنترولر ؟؟ وهل محد يقدر يقوم فيها ؟ مثلا الاوت سايد ما يقدر يغطي بنل والبنل ما يقدر يغطي سوبر فايزر اما الكنترولر شنو شغله بالله ؟؟؟؟؟؟؟؟ وهــــــــــم فــــــــــــوق هذا ما يتعاملون من الاوبريتر ليش بالله وبالشغل بالبركه يمشيها الينت مو عليه واقفه الينت على السوبر فايزر والبنل والاوت سايد لو لو واحد فيهم ضعيف ياثر على الكل اما الكنترولر لو يغيب ماوقف الشغل
لا اخوى غلطان اسمحلى انا اقولك اولا- زادت صلاحياتهم بعد الدرجه الى خذوها وزاد شغلهم اكثر من قبل والليدر قط شغله عليهم وخلا كل كنترولر يمسك منطقته عدل مع اعطائهم كل الصلاحيات كامله وللعلم لاتوجد اى صله مع المهندس كما تقول !!! ثانيا- وملاحظينها ان السوبرفايزر ماياخذ قراره الا بعد مناقشة الكنترولر وهو صاحب القرار وصحيح يمكن مايعرف كل الوحدات الى فيها لانها شامله الا من المعلومات العامه وهذا مو غريبه لو تقارنها مع رئيس القسم او الاعلى منه الى مايعرفون شي عن الوحده الا ما ندر وثالثا - محد يقدر يغطى مكانه الا كنترولر ثانى ونلاحظ بدى الافرتايم عندهم لو مثل ماقلت مالهم اهميه جان ما اشتغلو افرتايم رابعا - الكنترولر يقوم حتى بشغل السكشن هد ويكلم البلانق التخطيط ويمررها الى السوبرفايزر وممشي اليونت على حسب الاصول بس ما نبخس شغل الاوبريتر والعمود الفقرى لليونت وهو الكنترول بانل مع السوبرفايزر ويكمل معهم الكنترولر كل من يقوم بعمله من ناحيته وااسف لتطويل كلامى مو دفاعا عنهم ولكن كلمه حق تقال عنهم كما نلاحظهم ولكم تحياتي
