ليش الباصات توقف ربع ساعه قبل الدوام وبس؟

[القحطاني]

السلام عليكم

ياجماعه في مصفاة ميناء الأحمدي الباصات توقف قبل الزام بربع ساعه وبعدها ماتشوفها عند الباب

يعني اللي جاء متأخر ولا بديله جاي بدري يتنقع على الباب

ليش مانكون نفس ميناء عبدالله على التلفون,,,, تدق على الباص يجيك في اي مكان تبيه

الحين لو تبي تروح للعياده انتظر السوبر فايزر يجيك من الكنترول روم عقب ساعه يودك ولا يعطيك السياره

لا وسواقين الباصات بس شاطرين يحملون عمال الصيانه اللي ريحتهم مخنزه الباصات

 

[fireeccc]

اتمنى الشي هذا

 

[سراب الصيف]

اخوي القحطاني مشكور على الموضوع اللي من زمان وحنا نعاني منه
بس وين تلقا اللي يسمعك بيقولون لك في مواضيع اهم من هذا

 

[HUMMER]

الله يكون بالعون اخوي

 

[فيصل العجمي]

مشكلة الباصات مشكلة تواجه الكثير من الموظفين
وللأسف انه لا يوجد حسيب او رقيب عليهم
ونتمنى ان تكون هناك رقابه على الباصات وتمديد فترة الانتظار عند البوابات ووجود رقم داخلي لطلب الباص في اي قسم
ولك كل الشكر اخي الكريم على طرح هذا الموضوع

 

[frfosha]

القحطاني يا خوي والله نتمنى أنه يقون فيه خطوط تيلفونات لهم لانه صج احنا متأذين من هالسالفه لا واذا بعد مرك وانت عندك شغل لاخر لحظه يمشي عنك ويخليك وتعال دورلك على سياره توصلك عاد شوف بنيه وتركب وانيت ولا بيكب

 

[القحطاني]

نتمنى يكون صوتنا مسموع ويلقون حل للمشكله


ترى حتى احنا ياشباب نحتاج حل لهذه المشكله


وكان الله في العون

 

[المكسيكي]

القحطاني مشكور على هذا الموضوع المهم

بس عندنا في المكسيك معطين كل موظف باص لحاله

 

[القحطاني]

المكسيكي الله يعطيك العافيه على المداخله الحلوه

بس الظاهر انك سواق الباص ههههههه

ترى حنا نقصد في الموضوع الموظفين مو سواقين الباصات ههههه

 

[ولد الفحيحيل]

يالقحطاني مشالله عليك لا اله الا الله ماني حاسدك عندك دودج تشارجر يعني المفروض انك ماتتأخر على الباصات
يعني عطها حد الدعسه وامورك طيبه انشالله
وتحياتي )

 

[ولد الفحيحيل]

رد على اخوي المكسيكي:
انا كنت مشغل بالمكسيك معاك بنفس المصفاة ولا تشلخ علينا اصلا ماكان في باصات كانو حاطين سيارات تشارجر حق اول 50 مشغل يوصلون والباقي حاطين خيول كديش تذكر ولا أذكرك

 

[هامور كبر]

يا شباب مينا الاحمدي فجو شوي عنا كله شوفو ميناء عبد الله يا اخي احنا مرتاحين ومتفاهمين وادارتنا حلوة وطيبه مو كل النواقص عندكم تقولو شوفو ميناء عبد الله اللهم لا حسد

 

[القحطاني]

الله لا يغير عليكم
اخوي هامور كبر حنا نتمنا يكون نظام الباصات عندكم يكون عندنا مثل الإتصال بالباص عند الحاجه
ولك تحياتي

 

[algharib]

مشكور اخوي علي الموضوع
بس اقول مو فالحين الا يحطون بيبان اوتماتك شحقه ما ادري

 

[ولد الفحيحيل]

لا وازيدك من الشعر بيت بيحطون ليتات زينون ورنجات 20 حق الباصات

 

[منطقي]

الله يلوم اللي يلومك!!!!!!!! يالقحطاني لاو بعد معك حق..........بس أنا مستغرب من الموظفين الكويتين اللي عندهم سيارات الشركة
أذا مرو على اى موظف كويتي واقف ينتظر الباص أو متعطل يحتاج إلى من يوصله إلى البوابة وخاصة في عز حرارة الصيف حبيبك اعمى ومطنش......عكس الموظفين الاجانب كل واحد يشيل و وصل أبن جنسيتة بكل رحابه ((((( ماعندهم كبــــــــر)))))

 

[yaqoub banyan]

شباب المشكلة مع الباصات مو مشكلة انة لمن تي اداوم متاخر دقيقة والباص مو موجود
ساعات تبي الباص وانت داخل المصفاة ماتحصل يمكن توقف بالشمس وطيح غشيان وماتحصل باص
ساعات تبي تستاذن من الدوام تبي باص وتكلم السوبر فايزر انك تبي تمشي وتقول انة مافي باص يقولك اوكي الحين ايلك وينقعك نص ساعة يمكن او اكثر ويذلك يمكن ويقط جم كلة معليك بس خلها على الله

 

[منطقي]

معك حق ((( يالقحطاني))) والله يلوم اللي يلومك..........لا ومع هذا إخوانا لكويتيّن أصحاب سيارات الشركة أذا مرو على اى موظف كويتي واقف ينتظر الباص او بحاجه لمن يوصله البوابة مر و حبيبك اعمى مطنش وكنه ما يشوف وهذا و أنا ناهيك أن درجة الحرارة عالية في الصيف.......... عكس جميع الموظفين الاجانب الواحد منهم أذا شاف أبن جلـدتة و من جنسيتة على طول وقف وركبة صدر عن المكيف تدري ليش !!! ((( يالقحطاني)))...........................{ ماعنــــدهم كبــــــر }