أدوات السلامة

KOC_747

بـترولـي نشيط
مرحباً للكل

أدوات السلامة علنا نعرفها أو سمعنا عنها أو حتى إذا تمادينا في الأحلام نقول نستعملها كل يوم

ودي أعرف منكم إخواني :

هل تم توزيعها عليكم بالكامل ؟

هل قمتم بشرائها من حسابكم الخاص ؟

شنو تجاربكم معاها ؟ منها فائدة ولا لا ؟

علما ً بأننا مطالبين بها في أوقات العمل رسمياً و إلا ...............








كوشن:eek::eek:
 

HUMMER

بـترولـي خـاص
مرحبا فيك اخوي انا اللي اعرفها واللي وزعوه علينا الاتي
طبعا البلسوت والهلمت والسيفتي شوز والكمام
هذا اللي اعرف انه وزعوه علينا
 

جونم جقرم

بـترولـي خـاص
أعضاء الشرف
الصرااااحه انا واحد من النااس شااري البيلسووت والسيفتي شوز والهلمت من حسااابي الخاااص لان ادوات السلاامه الي توزعه الشركه نوعيتها رديئه وتعيسه وتدبل الكبد



وتقبلو تحيااتي
 

م.محمد

بـترولـي خـاص
اغلب الموظفين الي بالشركه
شاريه ادوات السيفتي من
حسابها الخاص لأنه النوعيه
الي توزعه الشركه تعبان
 

KOC_747

بـترولـي نشيط
شكراً على تفاعلكم إخواني


أضيف على كلام الأخ الراقي همر إنه في بعد أدوات إحنا مطالبين فيها مثل ال h2s dedictor

والنظارات والسماعات

ومثل ما ذكر بعض الأخوان جودة ملابس السلامة حقت الشركة ولا ببيزة

والأحسن الواحد يريح باله ويشتري من بره أريح
 

HUMMER

بـترولـي خـاص
اخواني سؤال في موظف بالشركة يلبس او يستخدم اغراضها كلنا نشتري من بره البلسون من ديكز اللي بالمثنى او رد ووينج من الاحمدي والسيفتي هم من هناك والباقي حتى لو يعطونا مانستخدمهم
 

BG. 1

موقوف


بالنسبة لدائرة الإنتاج

القفاز او الجلفز وسدادة الإذن والنظارات والواقي المطري والربر شوز حق المطر والبلسوت

والسيفتي شوز والهلمت

وموجودة وسهل الحصول عليها

ولكن نوعية البلسوت لك عليها والسيفتي شوز نوعيته عادية


هل قمتم بشرائها من حسابكم الخاص ؟

يوجد بعض الموظفين بالدائرة يشترون علي حسابهم وخاصة البلسوت والسيفتي شوز

شنو تجاربكم معاها ؟ منها فائدة ولا لا ؟

البلسوت مو شي والسيفتي من ارخص الانواع


مشكور اخي علي طرح الموضوع
 

KOC_747

بـترولـي نشيط
كأنه صار لازم الموظف يتحمل ملابس الشغل من جيسه

مو مشكله ، بس ياريت لو يعجب بعض المسؤولين ، يعني تلبس لك بلسوت من ديكيز ولا رد وينج ولا حتى مال شركة البترول وهم يطلع لك واحد ويقولك وين شعار الكي أو سي ، انا صار معاي هالشي ،

مرة لابس بلسوت ديكيز ولا التيم ليدر داش علينا ويوم ما لقى شي قام يسأل ليس مو لابس بلسوت الشركة ؟

لما قلت له المهم السيفتي ولا الشعار ؟ ما رد علي بس قام يتفلسف وعلى أيام الفليج وايام اللي قبله وايام الديناصورات كنا نلبس شعار الشركة .

شتقوله بالله ؟ لما قلت له ايام اللي ذكرتهم كان اللبس من إنجلترا والحين من سوق واجف ، طلع ولا شفته من ذاك اليوم .
 

KOC_747

بـترولـي نشيط
الأخ العزيز والكبير بي جي 1

كلامك عدل والأبريشن محد يقدر يتفلسف على روسهم لأنه ماشاء الله كلمتهم وحده ،

بس تعال أطلب راين كوت ولا ربر شوز حق بعض الأقسام وشوف الأعذار ، ما تحتاجون ، ماكو في الستور ، أخذ من الأبريشن ،سلك أمورك ،...........................

وإلا السيفتي شوز وانتم بكرامة ،،،،،،،،،،،،،،،،،، حدوته وحياتك ، في النوع اللي بدون خيوط سوى بريولي أكزيما والسبة بخل الشركة عل الموظفين
 

الفيصل

بـترولـي خـاص
أعضاء الشرف
السلام عليكم


أخي KOC 747

أغلب موظفين الشركة شاري من حسابة الخاص البلسوت والسيفتي شوز وحتى القلفز وذلك لنوعية الرديئه التي يتم صرفها لنا الله يخلي ((Red Wing )) والسبب لعدم صرفها لنا سعرها غالي

ما قول لهم غير (( من استرخص اللحمة خانته المرقة ))


مع التحية
 
أعلى