سؤال وجيه؟

[HUMMER]

السلام عليكم ورحمة الله

اخواني ابي رد وجيه على سؤالي وانا ادري ان فيكم البركه

واتمنى من البعض ان لايفهم موقفي موقف دفاع او مصلحه بس بالعكس من اللي قاعد اشوفه

انا وانتو بعد وكلمة الحق تنقال .

انا لاحظت الهجوم المباشر على رئيس النقابه تقريبا باغلب المواضيع

وماني عارف يعني بالنقابه بس دليهي موجود وعنده الصلاحيات بالقيام بكل شي

هذا صار سوبرمان عيل وين باقي اعضاء النقابه اللي موقاعد نسمع لهم لاصوت ولا حس

انا هذا سؤالي
وكل اقتراحات والشكاوي اتمنى من جميع اعضاء النقابه بدون استثناء معالجتها وانهم يقومون باصدار

عدد دوري شهري يكون او اسبوعي بانجازاتهم

 

[op2]

انا بسالك نفس السؤال


شفت لوحه بالاحمدي تنحط شكر للنقابه ؟ ولا بس لدليهي


شفت احد يترزز بكل مكان من النقابه غير دليهي ؟؟


دليهي موظف مسجل انه يداوم في دائره شمال الكويت


بس اسال الي معاه متى اخر مره فيها داوم هناك


وهو كله بالاحمدي موجود ومعطينه سياره وينحسب له بدل طريق وكل المميزات للموظفين هناك ؟؟


بعدين هو رئيس النقابه واي نقد للنقابه هو الي يتحمله


واي غلطه لاي عضو في النقابه هو بعد يتحملها ومن واجبه يواجهها

 

[جونم جقرم]

بااقي مجمووعه النقاابه مجرد اسم فقط لاغييير لاعندهم صلااحياات تغيير او تصريييح او مطاالبه مجرد تكمله عدد وتقدر تقوول النقاابه بكبرهاا مجرد شخص واحد وانتو عاارفين منوووو

 

[المشاكس]

أي نعم نقابة دليهي الهاجري ... عفواً اقصد نقابة نفط الكويت يديرها شخص واحد فقط ... دليهي ... ألي يبيه يصير وألي مايبيه مايصير .... شكثر شكاوي راحت بدرج دليهي وماتم تقديمها ... لأنها تتعارض مع مصالحه الشخصية ... في من يمدح دليهي ... قولن بالمثل المعروف .... مايمدح السوق إلا من ربح فيه .....
أخواني قلنا ونقول وسنضل نقول ... نقابتنا الحالية .. أضعف نقابة ومثل ماقال op2 كل الشكر ينزل بأسم دليهي ليش وين باقي أعضاء النقابة ؟؟؟؟؟؟؟؟؟؟؟؟؟
عمركم شفتو واحد يروح يسوي عملية .. جيوب أنفيه .... في ألمانيا على حساب الشركة ... هذا واحد من أخوان دليهي ... لو م إداراة الشركة راضيه عنه ماخلته على راحته .......
أصحو يا عالم أصحو ...............

 

[HUMMER]

يعطيك العافيه اخوي مشاكس مع اوبريتر2 على المعلومات وانا قلت ان موضوعي مودفاع بالعكس الا وهو استفسار
واتمنى ان محد يفهمني غلط ومدام الكلام اللي قاعد تقولونه صحيح وعلى قولتكم عيل الشره على باقي الاعضاء اللي ساكتين
عن حقهم الانتخابي والنيابي في النقابه..وانا حبيبت اعرف لاني صج موفاهم شنو دورهم ولا اهم مبينين الا بالتصويت ايام الانتخابات
وعلى الشكر حق دليهي انت قاعد تشوف ان اكثر اللي قاعد يشكرونه من قبيله وحده وتقدر تتاكد اول ماتدش الاحمدي وبالاشخاص
اما الباجي انا ماادري عنهم

 

[kuwaity001]

شدعوه ياجمااعه الهجوووم الشرس على دليهي الهاجري تراه مايستاهل كل هذا الهجوووم بعدين دليهي له ايادي بيضاااء مع العماال ومافيه داعي نقوول اسامي من انفصلوا من الشركه وبفضل من الله ثم دليهي وحمد شافي رجعواا انا معاكم فيه قصوور بس يتعاالج وانا ادري غن اللي ورااء الحملات الشرسه هذي ناس كانوا مع قائمة دليهي ونطردواا وبعدين سالفه الشكر لدليهي يستااهل حق مجهوووده وفك ظيقة الناااس فياجمااعه سيبكم من الحملات الفاشله

 

[k.p.c]

الله يعطيك العافيه اخي الكريم همر

ومشكور على طرحك الجميل

وبالنسبه للموضوع انا اقول دليهي انفتح له المجال من العضو المنتدب فاروق الزنكي

والحين راح فاروق الزنكي وجا مكانه سامي الرشيد اللي ماعنده يما ارحميني

فا 100/100 راح يتسكر المجال على دليهي

ولا شك ان دليهي مو قاعد يشتغل عشان سواد عيونكم

الرجال ماخذها مصلحه يشتغل على الهواجر فقط ((ليضمن الاول بفرعي الهواجر))

واتوقع من لوحات الشكر غريبه كلها نفس الشكل والفرق الوحيد اسم اللي شاكره

وانا قسم بالله ليس بيني وبينه اي علاقه او مشاكل

ولا اذم الهواجر عشان دليهي بالعكس الهواجر اخوانا وجيرانا وعزيزين وغاليين ولهم مكانه في قلبي

لكن هذا الرجل قاعد يشوه سمعت قبيله بأكملها والله حرام

ولكن الحقيقه لا بد ان تقال ياجماعه هذي نقابه يعني شغلها الشاغل اخذ حقوق الموظفين وتخليص امورهم

ليس تنفيع البعض وتسفير وتوظيف الاقربون والمقابل التصويت له بالفرعي لأنتخابات مجلس الامه

وتقبلوا فائق احترامي وتقديري للجميع

 

[KOC_747]

أخوي النشط همر

تسائلك منطقي ، وانا وياك واحد ابي أفهم .

دليهي الهاجري كشخص والنعم فيه ، كافي ردوده ردود رجال ، كرئيس نقابة ..... أعتقد أنه قدر بأسلوبه الذكي إنه يكون أهوا بس في الصورة والنقابة بكل أعضائها ما تشك خيط بأبرة إلا بأمره ، وهذا شي منطقي إذا فكرنا شوي .

شلووووووووووووون ؟؟؟

السالفة إن ربعه في النقابة معاه في كل طموحاته وكل همهم شلون يتحقق الحلم بدخول مجلس الأمه . ( لأن الحلم مشترك للمجموعه ككل ) .

ما ننكر إنه أكثر رئيس نقابة نعرفه له إتصالات مع الموظفين واللي يبي أي شي يدق عليه وما يقصر

من شفت لشف ، ما كو بلسوتات ، ارفع تقريري شوي ، شيل عني هاف تريب ، كلم السوبر فايزر يرخصنا بالليل

نبي سيارات ، نبي نقل .................. إلى آخره .

بس شسويت هالنقابة لكل العمال ؟ اللي ما يتصلون وما يحبون الواسطات ونظام تحميل الجمايل ؟
ولكي لا يحسب كلامي على إنه لطرف ضد طرف

شسوت جميع النقابات للعمال من أول نقابة إلى هالحين ؟

ياليت أحد يعلمنا

 

[مختبرجي]

ياجماعه انا اقول المشكله فينا احنا, احنا اللي ننجح ونسقط اي قائمه
والانتخابات جايه وشدوا حيلكم .

 

[ali salem]

أخوي النشط همر

تسائلك منطقي ، وانا وياك واحد ابي أفهم .

دليهي الهاجري كشخص والنعم فيه ، كافي ردوده ردود رجال ، كرئيس نقابة ..... أعتقد أنه قدر بأسلوبه الذكي إنه يكون أهوا بس في الصورة والنقابة بكل أعضائها ما تشك خيط بأبرة إلا بأمره ، وهذا شي منطقي إذا فكرنا شوي .

شلووووووووووووون ؟؟؟

السالفة إن ربعه في النقابة معاه في كل طموحاته وكل همهم شلون يتحقق الحلم بدخول مجلس الأمه . ( لأن الحلم مشترك للمجموعه ككل ) .

ما ننكر إنه أكثر رئيس نقابة نعرفه له إتصالات مع الموظفين واللي يبي أي شي يدق عليه وما يقصر

من شفت لشف ، ما كو بلسوتات ، ارفع تقريري شوي ، شيل عني هاف تريب ، كلم السوبر فايزر يرخصنا بالليل

نبي سيارات ، نبي نقل .................. إلى آخره .

بس شسويت هالنقابة لكل العمال ؟ اللي ما يتصلون وما يحبون الواسطات ونظام تحميل الجمايل ؟
ولكي لا يحسب كلامي على إنه لطرف ضد طرف

شسوت جميع النقابات للعمال من أول نقابة إلى هالحين ؟

ياليت أحد يعلمنا

اللي ما تدرون عنه
ان دليهي درجته الوظيفية 16 ويوم المفاوضات الأخيرة كان يطالب وبشدة هو و محمد مساعد أنه أكثر زياده على الراتب الأساسي تكون للدرجات اللي يشغلها أكثر نسبة موظفين ( درجة 10 و 11 )
هذا اللي سواه بو سعد حق العمال
والافتات غيره خلص ميزانية إتحاد بأكمله على صوره بالجرايد بس ما شفنا أحد يتكلم

 

[ALHAJRIE]

ياااا جماااعه ابو سعد دليهي انساااان طموووح ولا احد يقدر يمنعه وإنسااان قياادي

ومتكلم
ولا تحملووون الدليهي كل الاخطاااء النقاابه تراا معااه 14 عضوو والشهاده لله ماقصر مع بدوي او حضري شيعي ام

سني كاافي هذا التحامل على الرجااال يسعى لخدمة أكبر شريحه من النااااس وأنا عاارف إن اللي متحاملين ضده

ويكيدوون له المكااايد

اما سااالفة لوحااات الشكر في الأحمدي وغيرهاا من المناطق بالعكس انا اتنووومس فيهاا ويستااهل ويشرف القبيله

إن الدليهي من أبنائهااا وراااح يووووصل بتكاااتف ربعه ومنتكم ؟؟؟؟؟؟؟؟ تكرم الرجاال والدلال


ونطبق عليه بيت بن جدلان

ودناا بالطيب بس الدهر جحاااد طيب كل ماتخلص مع الناااس كنك تغشهاااا


يدك لو مدت وفااا لا تحرا وش تجيب إن كان جاتك ساالمه حب يدك وخشهااا


ولعنبووو شهاااده ماتنفع الرفيـــــــــــــــــــــــــــــــــــــــــــــــــــــــــــــــــــــــــــــق

 

[HUMMER]

اخوي الهاجري انا والاخوان نقصد ان الشخص الوحيد اللي بارز بالنقابه اهو دليهي وين ماتروح تشوف اسمه واو لوحة شكر حقه وانا معاك ان الرجل يستاهل بس وين باقي اعضاء النقابه...؟؟ ماسالت نفسك هالسؤال واذا دليهي قاعد يجهز نفسه حق انتخابات مجلس الامه الله يوفقه وان شاء الله يكون احسن من غيره..
مادام النقابه بس فيها دليهي عيل بالانتخابات بس نعطي دليهي وباقي القائمه نختار من غير المعتدله على الاقل نبي ناس تشتغل ويظهر اسمها

 

[kuwaity001]

مشكووور اخووي همر

الدليهي إنسااان نشط والله يوفقه بعدين ربعه في النقااابه واقفين معااه وسالفة إنه باااارز !!انا أقربلك الأمر هذا بمثاال صغير
كل واحد منا عنده عياال ولله الحمد بس تشووف واحد فيهم ناادر وأهو اللي يبادر وشخصيته قويه عشااان كذا تلقى الانسااان بطيعة الحاال يميل معاااه

يكفي هذاا الهجوووم على الشخص لانه اعتبرهاا أمووور عدااائيه