موظف من سنة 1981 يشكو للإتحاد ونقابة البترول

KuwaitBoy1

بـترولـي نشيط جدا
السلام عليكم ورحمة الله وبركاته

يا أخوان انا موظف في شركة البترول الوطنيه في مصفاة ميناء الأحمدي قسم العمليات المنطقه الأولى
وموظف من سنة 1981 ومازلت للحين على قريد 12
وعذر الإدارة هو كثرة الطبيات مع العلم ان معي مرض مزمن مما يظطرني لاخذ طبيات
ولو كان مرض عارض لقلت ماشي ولكن ان اكون مريض بمرض مزمن ويحصل لي هذا الظلم فهذه هي البلوى والله العظيم.
فللأسف المسؤلين عندنا في المنطقه الأولى لا يفرقون بين المرض المزمن والمرض العارض .


وعند طلب ترقيتي للدرجه 12 طلبو مني استلام وحده أخرى وتم تغطيتها واخذت الدرجه مع العلم اني مستلم 3 وحدات في نفس المنطقه ووحدتين في منطقه أخرى ومع ذلك يطلبون مني استلام المزيد

اليس هذا بظلم؟؟؟؟؟؟؟؟

كما انه تم ترقية شخصين وطلب منهم تغطيه وحدتين واحداهما وحده صغيره جدا لا تعتبر وحده ومع ذلك تم ترقيتهم ومساواتهم بي ,, بل انهم استلمو الأن قريد 13 و 14 وانا مازلت مكانك راوح

ارجوا ان يصل كلامي هذا للمسؤلين او اعضاء النقابه والاتحاد للمطالبه بحقي

ولكم جزيل الشكر والله الموفق

للأستفسار 7653533
 

فيصل العجمي

مؤسس المنتدى
أعضاء الشرف
وعليكم السلام ورحمة الله وبركاته

حياك الله اخي الكريم وبصراحه مشكله ان يتم هذا الأمر مع وجود نقابة البترول والاتحاد العام
واتمنى من اخواننا اعضاء نقابة البترول واعضاء الاتحاد ان يتبنوا مشكلتك ويطالبوا بإرجاع الحق
 

KuwaitBoy1

بـترولـي نشيط جدا
السلام عليكم

مشكورين يا اخوان على اهتمامكم
اخوي بترولي نعم قدمت شكوى رسميه للنقابه قبل اخذ قريد 12 وبعدين كنت مغطي بانال ابريتر اكثر من 100 يوم ولا عطوني قريد لين نقلوني لوحده جديده وطلبو اني اسلتمها مع العلم اني مستلم اكثر من وحده لكن كان عذر لتأخيري
وبعدين خذيت قريد 12
لكن المشكله الحين انهم يماطلون في قريدي الجاي ومأخرينه بالأسباب اللي ذكرتها فوق
 

بوعدول

بـترولـي جـديـد
الاخ ولد الكويت حسب اللوائح للحصول على الدرجة 13 في العمليات ان يمضي على حصولك للدرجة 12 ثلاث سنوات على الاقل مع الاخذ بعين الاعتبار للمرضيات لا تتعدى 21 والغياب لا يزيد عن 3 ايام وقد تم هذا الاتفاق مع النقابة الحالية للاسف لان المفاوض مع ادارة الشركة من قسم اللحام لا يعرف طبيعة عمل العمليات.
 

كويت العز

بـترولـي نشيط
السلام عليكم

الله يعينك اخوي لكن اقولك ان طاعك الزمان ولا طيعه
في وجود النقابه الحاليه اخذها مني لا تقدم شكوى ولا هم يحزنون لان عمك اصمخ والمجلس مو فاضي الحين مر عليهم بعد ثلاث سنوات والله كريم
 

المارد

بـترولـي جـديـد
فعلا اللي سوا الاتفاق مع ادارة الشركه بنشرجي والمفروض هالدرجه الانتقاليه تكون بالكثير سنتين ومادري شمعنى هالدرجه وبعد خدمه طويله وخبره يسوونها 3 سنين ..... منك لله يا مصلح التواير
:cool:
 

ثائر

بـترولـي جـديـد
[align=center]صراحه ظلم ولازم تقدم كتاب للنقابه
بس مهما تقدم طالما عندك مرضيات
(سواء مزمنه او عارضة) الجواب
بيكون هذا رجل مو ملتزم بالدوام[/align]
 

loard

بـترولـي نشيط جدا
موضوعك محير يااخوي........بس هذي المواضيع اعتقد المفروض تحالها نقابتك وليس الاتحاد .لان الاتحاد مختص بس بالمطالبات الجماعيه.........وعندي احساس ان نقابتك ماراح تسوي شي حسب ماعرفت وشفت ...زالله يرحم ايام ابوسعود تراحيب العجمي .............والله يعينك
 

فيصل العجمي

مؤسس المنتدى
أعضاء الشرف
السلام عليكم ورحمة الله وبركاته

اخي الكريم كاتب الموضوع لا تتوقع ان يتصل بك احد لحل مشكلتك
بل بادر انت مراسلة النقابه او توجيه كتاب رسمي لهم بشكواك
وان شاءالله تنحل مشكلتك
 

Operator

بـترولـي نشيط
اخوي ولد الكويت الله يكون بالعون اتمنى رسالتك وصلت للمسؤولين وانه يتبارك عليك هالشهر وتلين قلوبهم باذن الله ..

اما بالنسبه للشركه ماتعترف بشي اسمه مرض بصراحه وهذا اللي قاعدين نعانيه صدقني يقولون اذا طولت وانت

اطالب بحقك اذا كنت فعلا ً مصاب بمرض لسمح الله تقاعد طبي والله على الظالم
 

KuwaitBoy1

بـترولـي نشيط جدا
مشكوررررررررررررررررررررررر

اشكرك علي تسهيل المهمه لي لاكن هناك مثل يقول مايفك الحدبد ال الحديد احنا وراهم وراهم والله الموفق
 

ولد الفحيحيل

بـترولـي نشيط جدا
الله يعينك يابو ............... انت اشهر من نار على علم وتستاهل السوبر فايزر والله
بس دير بالك ترى المسؤولين يتحقطونلك عند الباب :) وسلملي على بوحدريه
 

fireeccc

بـترولـي نشيط جدا
السلام عليكم
اخوي ولد الكويت انا بفيدك بشي روح حق قسم التطوير التيم ليدر عاهد الخريف في المبنى الرئيسي الدور الاول واسال عن موضوع المرض المزمن وطبيات المرض المزمن (( عافاك الله )) اذا كان يدخل في الترقيات والدرجات وشوف شنو الرد اذا كان المرض المزمن ما يأثر لك حق ترفع قضيه محكمه عمال وتاخذ الدرجه بحكم محكمه
 
أعلى