طريق المقوع

مع او ضد السماح للموظف بالمرور من طريق المقوع ؟


  • مجموع المصوتين
    36
  • الاستطلاع مغلق .

op2

بـترولـي نشيط
السلام عليكم جميعا


عندي اقتراح اتمنى لو في احد من المسؤولين يقراه او اعضاء النقابه يطالبون فيه (بالمشمش)


طريق المقوع ليش ما يسمحون لموظفين الشركه يدخلون بسياراتهم الخاصه يمرون من خلاله


لان هالشي بيختصر عليهم على الاقل ربع ساعه


خصوصا للي ساكنين في الديره او محافظه الفروانيه والجهرا


بدال ما نروح للنقطه وننتظر رحمه العسكري الي هناك


ونترجاه وتكفى وهالسوالف

يعني ما فيها شي بما اني موظف في الشركه اني اعبر من هالطريق واروح للاحمدي او العكس بسيارتي


بدال ما ادخل الاحمدي من طريق الملك فهد وزحمه المدارس وموظفين الشركات الي هناك

وبنفس الوقت تخفف الزحمه بالدشه والطلعه


ولا اشرايكم شباب ؟
 

KOC_747

بـترولـي نشيط
أخوي كل عام وانتا بخير
وشكرا على طرح الموضوع المهم جدا ، سبق إني كلمت رئيس النقابة مرة عن هالشي
وكان ردة إن الشركة مو موافقة على شان ما تصير زحمة في طرقها الجميلة ، مع إنه العسكر رايحيين رادين على هالطريق
وماله حاجة يمرون فيها كثر الموظف اللي جاي من الجهراء او المنطقة الرابعة او حتى الديرة
بس شنقول غير الله كريم

وشكرا على طرح الموضوع
 

فيصل العجمي

مؤسس المنتدى
أعضاء الشرف
بالفعل اخي الكريم هذا الطريق يختصر الكثير من الوقت

ونتمنى من الله عز وجل ان يكون للنقابة وقفة مع هذا المطلب

او على الاقل لو ماتجابوا معاكم يقدم الطلب من مجموعة كبيره من الزملاء علشان يكون له قوه عندهم
 

KOC FIRE

بـترولـي جـديـد
عــــــــيدكم مبــــــــــــــارك
وتقبـــــــل الله طاعتكـــــم

موضوعك صعب يتنفذ ليش انا اقولكم والسبب :

1_ مرور الجيش الامريكي من الطريق المختصر والأمن عشان مايتعرض لمواجهات ارهابية.
2_ صعب الشركة توافق علي مرور المواظفين ألا بتصريح لسيارة والسبب الاعمال الارهابية لسناتر وغيرها.
3_ اذا تعود العسكري لتدخيل المواضفين راح يدخل كل من مر على النقطة وهذا احنى عارفينه .
 

مختبرجي

بـترولـي نشيط جدا
:confused:انا سمعت ممنوع والسبب امني مثل ماتفضل اخوي اللي سابقني بالموضوع
انا اقول ان الخوف مو منه احنا والله الخوف من البنغال والهنود هذول لو تبخهم بملغ وقدره
والله يسوي البلاوي وهذول يدشون بسياييرهم واحنا لا ؟




وكل عام وانتم بألف خير
 

م.محمد

بـترولـي خـاص
انشاالله الله يسمع منك
ومو بس حق الناس الي
بيوتهم بالمنطقه العاشره
حتى الي بالديره ينفع
لهم
 

M7MD

بـترولـي نشيط جدا
لأني ساكن الأحمدي وما راح استفيد من هالطريق أكيد راح أصير ضد هالفكره ويبقى الوضع كما هو وما ودي يسمحون لكم بالمرور من هالطريق ...... (( اتغشمر )) معاكم :) واتمنى لكم كل خير واتمنى من المسئولين التجاوب مع هالاقتراح ويسهلون الامر على اخوانا اللي ساكنين بعيد تراهم يستاهلون .
 

الولدالذهبى

بـترولـي نشيط جدا
خووش فكره
وأشمعنى الجيش والشرطه يسمحون لهم
والله شووفهم بالخط سواااقه دايخه ويهااال
وحدهم بايعينها بالطريج
الله يهووون الامووور
:)






وبس
 

op2

بـترولـي نشيط
شكرا لكل من علق على الموضوع وشارك بالتصويت


بس حبيت اقول ترى طول الطريق من الاحمدي الى الدائري السابع 13 كيلومتر


يعني منو هالارهابي الي ترك الجيش الامريكي من عريفجان الى العبدلي وما طرا على باله يفجرهم الا بطريق المقوع ؟؟!!!

واقتراحي بسيط اي شخص يحمل تصريح لدخول الحقول وموظف فيها يسمحون له بالمرور من هالطريق

بسيارته الخاصه اختصارا للطريق وللوقت

يعني انا ساكن بالديره واداوم في برقان


عشان هالشي اطلع من بيتنا عشان الحق سياره الشفت قبل الموعد بساعه الا ربع او 40 دقيقه


ولو طوفني العسكري من بيتنا للترانسبورت الطريق يصير ثلث ساعه بس !!!!!!!!

اتوقع كثير بيستفادون من هالشغله
 

HUMMER

بـترولـي خـاص
جان زين اخوي الاوبريتور يسوون بالاقتراح هذا هم يوفرون علينا الوقت ومايصير في تاخير
 

Engineer

بـترولـي نشيط
بصراحه كأنك قاعد تقرا أفكار الشركة وبحكم طبيعة عملي وبحكم علاقتي مع بعض المسؤولين بالشركة بأن هناك خطه سيعلن عنها لايجاد أربع مداخل ومخارج لمدينة الأحمدي

الأول - من طريق مستشفى العدان ويصل الى الأحمدي مباشرة

الثاني - من طريق الفحيحيل الحالي

الثالث - من طريق السناتر الحالي ( الاحمدي )

الرابع - من طريق المقوع ولكن سيكون هناك طريقة معينه للدخول حتى يتم حماية السناتر أيضا


ولكن أيضا بشاره أخرى بأن موقع ادارة مرور الأحمدي والهجرة سيزال قريبا وسينقل الى جانب مبنى الشركة الرئيسي اللي قبل المحافظه وبذلك أتوقع ستخف الزحمة علينا

شكرا
 

BG. 1

موقوف
ماتفرق معاي

من باب أولي السماح للجميع بدخول سياراتهم للمنطقة مثل الجيش وشركات المقاول
 

op2

بـترولـي نشيط
اخوي Engineer


يعطيك العافيه على التوضيح


بس بودي اسالك سؤال من متى هالاقتراح موجود ومتى بيتنفذ ؟؟؟


مدخل مستشفى العدان لي 10 سنين اسمع عنه بما اني من سكان الاحمدي سابقا


متى بيتطبق ؟؟ اهني الحجي
 

عين السيح

بـترولـي جـديـد
السلام عليكم بالنسبه للموضوع


ليش موضوع امني احنا موضفين بالشركه وكويتيين وهذا باب رزقنا وما اعتقد ان اي واحد منا يفكر بهذا التفكير


والسياره دائما تتفتش قبل ماندخل



وغير هذا كل شركات المقاول فيها جميع الجنسيات يدخلون ويطلعون وممنووع على الموظف الاساسي koc
 

عالي الهمه

بـترولـي نشيط
السلام عليكم

فعلا مطلب جيد وضروري واذا كان العذر بالامن فكيف يخونون بالكوتيين ويامنون للاجانب والعاملين الكوتيين في السناتر اذا كانوا ناوين على شي ما يحتاج يدخل سيارته


الله يعطيك العافيه
 

Engineer

بـترولـي نشيط
Op2

والله أنا كنت في لجنة التنازل عن الأراضي للفتره الماضية وانشاءالله التطبيق سيكون في القريب العاجل نظرا لان الشكرة الأن تسعى لبناء مدينة الاحمدي الجديدة اللي كلكم سمعتم عنها

شكرا
 

HUMMER

بـترولـي خـاص
يعطيك العافيه اخوي انجنير على هالمعلومات الطيبه اللي قريناها بس اشرايكم بالاقتراح خلي يفتحون طريق المقوع ويسورن يمين ويسار الشارع ويكون فقط لموظفي شركة نفط الكويت ويحطون جهاز ماسح للهويه عند الدخول تمسح في الهويه تتبطل البوابه وعند الخروج جذي سواء داش الواد او طالع من الدوام وهذا الجهاز يسجل بيانات صاحب الويه على برنت ويبين عند الاخوان منو بالشركة
 
أعلى