اسئلة عن شركة اكويت

judgement

بـترولـي نشيط جدا
يعطيكم العافي بس حبيت اعرف شنو وظيفة الشركة هل هي تكرير النفط ولا توزيعة هل هناك قسم استكشاف داخل الشركة ؟ :rolleyes:
جم عدد موظفي شركة اكويت اوعدد الكويتيين داخل الشركة نسبياً
هل هي شركة كويتيه شنو تفرق عن شركة (شلمنجرقير) مادري صح ولا بدلية
اسف على الاطالة او عسى انشالله دوام النجاح لشركة اكويت وموظفيها :)
 

brilliant

المـراقب الـعـام
لا طبعا ماتكرر النفط

الصناعه النفطيه بالكويت تتكون من

1- استكشاف النفط والغاز الطبيعي وانتاجهما (KOC)

2- تكرير النفط وتصفيته عن طريق المصافي واستخراج المشتقات البتروليه منه (KNPC)

3- صناعة المواد البتروكيمياويه من المشتقات البتروليه (EQUITE & PIC)

اذا اكويت هي من شركات المرحلة الثالثه

الي تاخذ غاز الايثان من البترول الوطينيه وتحوله بالتكسير الى ايثيلين وتستخدمه في صناعة البولي اثيليين

products_pe.jpg


ويستخدم البولي ايثيلين في صناعة البلاستك وبدونه مايقدرون يسون البلاستك

-------

ويصنعون من الايثيلين الاثيلين قلايكون

products_eg.jpg


عباره عن سائل لزج يستخدم في صناعة بعض الملابس النايلونيه والتواير والمقاعد وحزام الامان في السيارات

--------

اما المنتج الثالث والاخير فهو البولي بروبين يتم صناعته بالاشتراك مع PIC

products_polypropylene.jpg


وهو تقريبا مثل البولي ايثيلين بس يفرق انه يتحمل درجات حراره عاليه
------


اتمنى اني افدتك ولو بالشي البسيط :)
 

athmar

بـترولـي جـديـد
ممكن سوال عن الرواتب

والمواقع يعني خصوصا بالنسبة لفرع جليب شيوخ ؟؟ شنو الاجواء وشلون معاشات السكرتارية هناك
 

ali

بـترولـي نشيط جدا
الجليب راح يغيرون مكانه وبيصير على شارع الخليج وبالنسبه للراتب مع دعم العماله 850 دينار تقريبا حسب علمى من الاخوان فى ايكويت والسكرتاريه كلهم اجانب
 

فهد العجمي

بترولي خاص
أعضاء الشرف
السلام عليكم ادرى انا حدى داش عرض بس والله مقهور وغيور على عيال ديرتى بذمتكم منو الأولى الاجانب والا الكويتيين؟ هذا سؤال محيرنى واتمنى اشوف اجابه والله مو حسد والعياذ بالله عليهم بالعافيه اخوانا العرب بس صدقونى لو الشركات هذى عندهم انا مستعد احلف واقطع ايدى اذا وظفو واحد كويتى او خليجى بشكل عام يامسؤلين عيب عليكم والله عيب
 
أعلى