نبي همة النقابة ويانا

[Q8_oil]

​

السلام عليكم

و الله أمر غريب يا إخون قاعد يصير كل يوم قرار و كل يوم شغله غير و آخر شي بدل أثاث أنا هذه صارت معاي و إنظلمت حالي حال كثير من الناس لما توظفت كنت على جريد 12 و متزوج عطوني بدل أثاث 1000 دينار و قالولي لما تصير 13 نعطيك الباقي ( 1500 دينار ) و لما صرت 13 رحتلهم قالولي لا راحت عليك عشان الوزير كنسل هالقانون !!

جان أقولهم إنزين إذا كان يبي يكنسل لازم على الناس الجدد أما أنا إمقدم الطلب بس ناطر الجريد هم ماكو فايدة و الشي الغريب إنه لو انا كنت متزوج على جريد 13 جان عطوني ال 2500 مرة وحدة و لكن الحين إذا تزوجت على ال 12 1000 دينار و إذا على ال 13 تاخذ 2500 دينار !!

تكفون وين العدل ؟؟​

 

[عبدالله العصيمي]

السلام عليكم

و الله أمر غريب يا إخون قاعد يصير كل يوم قرار و كل يوم شغله غير و آخر شي بدل أثاث أنا هذه صارت معاي و إنظلمت حالي حال كثير من الناس لما توظفت كنت على جريد 12 و متزوج عطوني بدل أثاث 1000 دينار و قالولي لما تصير 13 نعطيك الباقي ( 1500 دينار ) و لما صرت 13 رحتلهم قالولي لا راحت عليك عشان الوزير كنسل هالقانون !!

جان أقولهم إنزين إذا كان يبي يكنسل لازم على الناس الجدد أما أنا إمقدم الطلب بس ناطر الجريد هم ماكو فايدة و الشي الغريب إنه لو انا كنت متزوج على جريد 13 جان عطوني ال 2500 مرة وحدة و لكن الحين إذا تزوجت على ال 12 1000 دينار و إذا على ال 13 تاخذ 2500 دينار !!

تكفون وين العدل ؟؟​

كلام سليم .. وهذا حق مكتسب لايمكن التنازل عنه​

 

[سالم الخالدي]

للرفع

الله يعينك أخوي

 

[فيصل العجمي]

حالنا من حالك اخي الكريم
انا هم راحت علي لما تزوجت
والمفروض انها تنزل لنا لما ناخذ درجه

 

[Q8_oil]

أنا أول مرة أشوف قانون يتطبق عالناس القديمة و الجديدة !!

 

[المشاكس]

أي نقابة تبونها تتحرك ؟؟؟؟؟؟؟؟
نقاباتنا نايمه بالعسل وخاصة نفط الكويت رئيس النقابة حاط تعاني بالعيد وقاعد يجهز شغله حق المجلس والله مايدري عن النقابة ....

 

[HUMMER]

والله يااخوان انا اللي اشوفه ان ماخفي اعظم وكل يوم قاعد تطلع شغلات الواحد مايدري عنها
بس ليش كله على رئيس النقابه عيل باجي الاعضاء شنو دورهم ؟؟؟؟
بس جذي ..

 

[المهندس]

انا مثلك - لمن ترقيت ما عطوني الفرق- الصراحه الاتحاد ظلمنا - ليش يحط ميزه ويلغي اللي قبلها- والصراحه الاتحاد ما ينظر اللا للعمال من جريد 13 وتحت - يعني شنو احنا المهندسين ما لنا رب او احنا مو من الشركه- رجاء يا نقابه انظروا للمصلحه العامه ولا تقلصون الامتيازات واذا تبونها بالحق - لازم كل جريد جديد يحصل عليه الموظف يا خذ منحه الاثاث كامله عن كل جريد جديد ومو ياخذ الفرقيه كما كان متبع ههههههههه والحين انلغت.

عاش الاتحاد

 

[SMART_BOY]

أقول المشاكس

هذا جزا الرجال معبرك وحاطلك معايدة

صج ناس ما تستاهل خخخخخخخخ

 

[Q8_oil]

لازم نتكلم بالموضوع هذا بالإنتاخبات هذه و الله كريم على الأقل الواحد يحاول

 

[algharib]

اذي جذي مالي متزوج الا اخذت قيد 13

 

[Q8_oil]

و الله الحالة ردية بالبترول

 

[زهرة التوليب]

اي فعلا هذا القرار تكنسل

انا اللي اعرفه اذا كنت درجه معينه وأخذت بدل أثاث قالوا اذا زادت درجتك نعطيك الفرقيه

ولما زادت درجات الموظفين قالوا لا خلاص تغير القانون ؟؟

يعني السالفه باينه عينك عينك فيها بوق
والا شنو هالقانون اللي يتغير في يوم وليله !!

 

[63447]

شلون يعني انا الحين باخذ 13 الشهر الجا ماراح يعطوني 1500 الباقية

وبالنسبة لل150 للي ما عنده بيت هم ماكو ؟؟؟

فيدونا جزاكم الله خير

 

[Q8_oil]

بالنسبة لاستفسار الأخ ول شي بالنسبة لل 1500 الفرقية هذه راحت عليك أما بالنسبة لل 150 بدل إيجار لو ما عندك بيت راح تمشيلك إن شاء الله

 

[63447]

بالنسبة لاستفسار الأخ ول شي بالنسبة لل 1500 الفرقية هذه راحت عليك أما بالنسبة لل 150 بدل إيجار لو ما عندك بيت راح تمشيلك إن شاء الله

والله يالغالي بالنسبة لكلامك نصه حلو ونصه مو شي


بيني وبينك ال150 اهم من ال1500 لانها دايمة بس ياخوفك يكنسلونها بعد ماكو شي بعيد عليهم


المشكله ال 1500 من اقل من سنة صارفينها للشباب والحين يكنسلونها والله قهر واللي بعرفه اي وزير اللي كنسلها معقول العليم ؟؟؟؟ لانه الجراح اهو اللي اقرها وايي الحبيب واهو بالوكالة ةيلغيها بصراحة هزلت

 

[المهندس]

فعلا النقابه نايمه بالعسل وينهم لمن تكنسلت الفرقيه ..... وبالنسبه للمعايدات - ترا المعايدات بس حق اعضاء مجلس الامه المنتخبين يباركون لجمهورهم - مو كل كل من هب ودب حطلها اعلان معايده - والادها اذا كان من شركه النفط - اذا في مباركه تكون بأسم النقابه ككل

 

[صخرة رسوبية]

انتو الله يهديكم بس تشتغلون تتزوجون
عشان ماتعيدونها مرة ثانية
:d

 

[bugais]

الصراحه مافي قانون يحمي الموظف كل من يلعب عاى كيفه

 

[العنيد]

الاخ العزيز انصحك تشوف لك مجموعه اشخاص صابهم نفس الضرر اللي وقع عليك وتثيرون الموضوع على الساحه لان القانون يمنع اغتصاب الحقوق المكتسبه للعمال ..واللي ماتطلعه لكم النقابه القانون ينصفكم فيه..بس في حالة رفع أي قضيه عماليه على الاداره انصحكم بان كل شخص يرفع قضيه منفرده لكي لاتخسرونها مع بعض بشكل جماعي..وفي حالة احد كسبها تربحون معاه بالتبعيه..وماضاع حق وراه مطالب ..
أتمنى ان لايفهم كلامي على أنه تحريض وانما حبيت أوضح لكم الصوره مع بعض الحلول.
مع تمنياتي لكم بالتوفيق,,,