سؤال يا موظفي الشركة ؟؟

مواطن

بـترولـي مميز
بذمتكم يا اخوان ويا اخوات ....هل يوجد احد فيم يعلم حقوقه وواجباته

الموجودة باللائحة لوظيفية بالشركة ؟؟ لماذا تعتبر سر من الاسرار ؟؟

لماذا النقابة لا تشهرها للجميع ؟؟ لماذا الشركة تخفيها ؟؟

مثال بسيط ...كم ساعة للموظف حق بالاستئذان او التاخر .؟؟

هل يعلمون الموظفين انهم مؤمن عليهم ام لا ؟؟

ما هي شروط الترقي ؟؟ كم العدد المسموح به بالطبيات ؟؟

ليش كل هالتكتيم ..اشتغل بالكي جي بي وانا ما ادري والا شنو ؟؟
 

WaRiO

بـترولـي مميز
الطبيات حسب علمي لك 20 بالسنه ما تطوووفها ...... بس يمكن متغيره

وبالنسبه للتامين موجود حتى خارج الشركه اذا تعورت تقدم على التعويض

بس ليش يخشووون .... لازم يخشووون :) عشااان الحياة تمشي وما تطالب في حقوقك
 

مواطن

بـترولـي مميز
الطبيات حسب علمي لك 20 بالسنه ما تطوووفها ...... بس يمكن متغيره

وبالنسبه للتامين موجود حتى خارج الشركه اذا تعورت تقدم على التعويض

بس ليش يخشووون .... لازم يخشووون :) عشااان الحياة تمشي وما تطالب في حقوقك



تسلم حبيبي ....والظاهر بس انا وياك الي موظفين شركة الباجي هني يمكن عقود كونتراكت اشوف محد رد :D
 

سالم الخالدي

رئيس اللجنة الإعلامية
فريق الإعلام
أخوي مواطن بصراحة تعجبني مواضيعك

لكن شوف بالنسبة للتكتم أعتقد اللي المثلين اللي تفضلت وذكرتهم ...ما أعتقد ما يعرفهم أحد ...الغالب على ظني أن أغلب الموظفين يعرفونهم


لكن فيه أشياء ثانية صلاحيات عند المسؤولين ..... وحقوق لك ....كثير من الموظفين يجهلها ......

وصار لكثير من الموظفين 20 سنة في البترول ولا يعلم ما هي حقوقه ...يعرف الواجبات اللي عليه فقط بغض النظر عن تنفيذها أو التقصير فيها



لكن الأكثرية لا يعرف ماهي الحقوق التي له
 

shayib80

بـترولـي نشيط جدا
الغير ملتزم اهوا الي يبحث عن الثغرات لكن هذا مايمنع ان الشركة تنشر للموظفيين الحقق والواجبات

صفة غير ملتزم لباس للموظف الكويتي لانه يستغلها استغلال سيء ، وصدقني الملتزم دائماا المسؤولين يحبون

يساعدونه بالقانون الموجود ...

إلا في بعض الأقسام


shayib80
coker
 

Neilz

بـترولـي نشيط جدا
يعطيك العافيه اخوي على هالموضوووع بس انا ما اعتقد انه في احد ما يعرف جم يوم طبيات يقدر ياخذ بالسنه اللي اهو 21 يوم بالسنه والترقيات تمشي من اول سنه بعدين 6 شهوووور وعلى هالحال والله اعلم يمكن ماكو احد يدري
 

Nevada

بـترولـي جـديـد
أخيرا بدا يظهر الوعي وهذا الكلام الطيب. وين هل الكلام من زمان؟ الظاهر الدماء الجديدة في أي مكان لها صدى طيب.
وألحين بس علينا تنشيط هذا الوعي مو بس فالحين كل كلمة والثانية " أظراب وأظراب.
صدقوني الوعي الصحيح والعقلاني يرتقي فينا لي فوق.
 

بترولي عتيج

بـترولـي نشيط
اللهم أدم علينا نعم الأمن والأمان واحفظ الكويت حكومة وشعباً من كل مكروه

الغير ملتزم اهوا الي يبحث عن الثغرات لكن هذا مايمنع ان الشركة تنشر للموظفيين الحقق والواجبات

صفة غير ملتزم لباس للموظف الكويتي لانه يستغلها استغلال سيء ، وصدقني الملتزم دائماا المسؤولين يحبون

يساعدونه بالقانون الموجود ...
 

MALS

بـترولـي جـديـد
اللي يسال ما يضيع
الشباب الحين مفتحين باللبن الخاثر ويعرفون كل شيئ
مو مثل حلاتنا قبل الاقرباء من الدرجه الاولى يدخلون ويخرون من المستشفى واحنا بالدوام ما ندري لنا عذر بعدم الدوام
اللحين نشوف العجب العجاب العشر ايام عند الشباب الجدد تخلص باول السنه

بالنسبه للطبيات الحين الشباب الجدد بعضهم !!!!!!! اذا ينتظر ترقيه يمسكن نفسه عن الطبيات اذا وصل 19 يوم !!!!! والبعض الاخر لا يبالي الله يكون بعون الاقسام بالشركة بالاخص العمليات على تمرد الشباب الجدد
 

HUMMER

بـترولـي خـاص
اول اشكرك على الموضوع الجيد وثانيا حقوق العامل موجوده بكتيب يتوزع بالنقابه
بس اذا تبي تقريرك السنوي افضل ابتعد عن الطبيات والاستئذان لانها تاثر بالتقرير
 

زهرة التوليب

بـترولـي خـاص
كل شي خشاشي ما ادري ليش ؟؟

ما عندنا كتيبات بالنظم والقوانين وحقوق الموظفين !!
ولما نسأل واحد يقطك على الثاني وتاليتها ما تحصل جواب ؟
 

عروقي بالماي

بـترولـي جـديـد
اول رد

السلام عليكم ورحمة الله وبركاته

هذي اول مشاركة لي لاني توني مسجل بالمنتدى

الحقيقه في سؤال دايما يجول بخاطري وقريب من الاسئلة المطروحه في الموضوع وما ادري الاخوان ممكن يفيدوني او لا

الا وهو ليش الموظفين الاداريين بصفه خاصه كون اني منهم ما عندهم ال Job description او الوصف الوظيفي لعمله

على شان يعرف شنو اللي له وشنو اللي عليه تلقاه يشتغل اي شي يقولون له مثل اكتب, اعمل, اطبع, انسخ,

والمسكين يسوي وهو ما يدري وين الله قاطه وهذا الامر خله بعض المسئولين من فئة Supervisor او S.supervisor

يقطون عليه شغلهم وهم ما مهنتهم الا يوقعون او يأنشلون على الاوراق.

لي متى الموظف العادي صاير كانه خدامه بالشركه؟؟؟!!!
.
 

الفخـــر

بـترولـي جـديـد
السلام عليكم ،،،

يعطيك العافية اخوي على الموضوع

مافي تكتم ولا شي تبي تعرف حقوقك وواجباتك اقرا دليل الموظف فيه كل الاجوبة

يعطيكم العافية واسف على الاطالة

اخوكم الفخر
 
أعلى