شركة البترول تسرق موظفينها

[أمني]

اصدر ديوان الموظفين بان العطله تبدا من الثلاثاء لغاية الاحد يعني 5 ايام
وشركة البترول ماذا فعلت
اعتبرت الثلاثاء+ الاربعاء + الخميس + الجمعة عطله رسمية
وباقت السبت واعتبرته يوم راحه كالمعتاد !!!!!!!!!!!
واعتبرت الاحد بدلا عن الجمعه يعني اضافي حسب الدوام
واخيرا راح السبت اكاااااااااااااااااااااااااال

 

[Waluigi]

عادي حرامية و مو لاقين احد يوقف لهم بقولون النقابه مالها شغل نداء الى

لكل جواب سؤال

واحد من الناس
و غيرهم من شباب النقابه الي يمونون على النقابه يشوفون موضوع العمال و حقهم و ردو علينا بسرعه

 

[حبيب البترول]

يا اخوان انتم فاهمين غلط عطلة يوم السبت يوم راحة بس راح يعوضون الى يداوم كانه مداوم اوفرتايم بدل زميله اما الثلاثاء والاربعاء والخميس والجمعة هوليداي افرتايم

 

[الغلا]

والله صج والله قهر انا مراح اايي الدوام

 

[Waluigi]

يوم السبت رست يعني بدل شفت عادي

 

[جونم جقرم]

اصدر ديوان الموظفين بان العطله تبدا من الثلاثاء لغاية الاحد يعني 5 ايام
وشركة البترول ماذا فعلت
اعتبرت الثلاثاء+ الاربعاء + الخميس + الجمعة عطله رسمية
وباقت السبت واعتبرته يوم راحه كالمعتاد !!!!!!!!!!!
واعتبرت الاحد بدلا عن الجمعه يعني اضافي حسب الدوام
واخيرا راح السبت اكاااااااااااااااااااااااااال

عزيزي الفااضل صااار لبس بالمضوووع والنااس فااهمته غلط
الديوان أصدر قرار العطل الرسميه فقط ليوم الجمعة الي يعتبر ثالث أيام العيد وماابعده يعتبر يووم برااحه مدفووع الأجر
يعني السبت والأحد مجرد يووم رااحة عاادي

بنظري مااعتقد فيه بووق الله يمنعنا ويااك من البووق والبوااقين

وتقبل مرووري الخفيف

 

[hasanqasem]

ونسيتوا يوم 1/9/2007 ؟؟؟ هم كان المفروض ينحسب يوم راحه عاديه وهذا صج صج باقوه

حسبي الله عليهم من حرامية

 

[engineera]

الحين متى راح انداوم الاحد ولا الاثنين ؟

 

[engineera]

لوووووووول لا تستغربون من سؤالي لانه لسببين اني طالعه اجازة من اسبوعين وثاني شي اني ماقرى جرايد ...فأتمنى تجاوبوني مع فائق الشكر

 

[أمني]

ارد واقول الثلاثاء + الاربعاء + الخميس + الجمعه يحسب هولدي بلغة الشفتات
السبت لالالالالالالالالالالالالالالالالالاشيء
الاحد اضافي حسب وقت دوامك

 

[s_blue88]

السلام عليكم
الثلاثاء يوم الوقفه/الاربعاء والخميس والجمعه العيد
والمعوف ان العيد الفطر والاضحى ثلاث ايام فقط
فلم تأكل الشركه على أحد
وتقبلوا منى الشكر للجميع

 

[engineera]

يعني انداوم الاثنين عدل؟؟؟؟؟؟؟؟؟
انا بدوام الاثنين لانه اللي سمعته الاحد عطله

 

[بترولي عتيج]

اللهم أدم علينا نعم الأمن والأمان واحفظ الكويت حكومة وشعباً من كل مكروه

 

[MALS]

الشركة مو حراميه
بس انتم يبه طماعين
اشرح لكم الموضوع
الثلاثاء والاربعاء والخميس والجمعه ( عطلة العيد الرسميه كل سنه اربع ايام علشان جذي سموه العيد الكبير مو 3 ايام كعيد الفطر )
لذلك صادف يوم الجمعه عطله عوضوكم عنه يوم الاحد الله يزيد خير الشركة ويدوم عليها النجاح والتقدم والازدهار ويرفع شأن شركتنا بين الشركات ويدوم علينا الامن والامان تحت راية حضرة صاحب السمو الامير وولي عهدة وحكومتنا الرشيدة والشعب الكويت الابي المعطاءالوفي وكل عام وانتم بخير

 

[jaf]

شركة البترول كان عليها رجل نشفها حتى آخر قطرة
و اخترع شيء أسماه جائزة التوفير ( كأس التوفير )
و أي إدارة توفر من ميزانيتها يأخذ المدراء نسبة ( بونص )
ومنذ هذا التاريخ الأغبر وأغلب الإدارات تتسابق على تقليص الإضافي
والعلاوات السنوية وأحيانا الدرجات
وإن حصل و أعطوا إضافي لأي سبب ، يبدأون يعاملونا وكأنا نسرق منهم أو نصرف من حلالهم
وهكذا ساءت حتى أعمال الصيانة بسبب التأجيل المستمر للـ( Shutdown )
زاد تململ الموظفين واهترأت المعدات وكثرت أسباب الحوادث
والآن كل مسئول يتعلم من اللي قبله