رئيس مجلس ادارة الشركه طلبني بالاسم

نفطي كويتي

بـترولـي خـاص
أعضاء الشرف
قعدت بيني وبين نفسي وتخيلت
ان رئيس مجلس ادارة الشركه طلبني بالاسم وقالي
شبيك لبيك اطلب وتمني
طلبك مطاع يا عنتر
قلت اهمومنا بسيطه ولا هي بصعبه وبيدكم حلها وتقدرون عليها

وانتم قدها لاهي تحتاج مصباح سحري
او مارد الخاتم عشان تتحقق
همنا ومشاكلنا لها حل وبسيطه ومثل بساطة اصحابها

همي الاول الدرجات ليش ما اخذها كل سنتين ثلاث مو مشكله بس اخذها واعرف متي اخذها
ليش تنحط عراقيل وتوقفها مسميات ما استاهل كل سنتين زياده 50 دينار مقابل عمري للشركه

همي الثاني ليش مايكون بدل الكيربيات في المصانع ليش مو مبني غرفه جلوس العمال مطبخ حمام لنا في المصانع
غرفه كلها جامات من كل صوب ذبحنا الحر والبرد علي الاقل وفرو لنا كنابل تجمدنا كم بيكلف الطابوق
ليش ما عندنا الا حمامين
الله يعزكم والصبح يستعمله اكثر من 30 شخص والامر واحد خربان
همي الثالث لبس مثل العالم لبس يفشل صيف وشتاء نفس الخامه وبوت خاست رجيلنا من الحراره ونمت فيها البكتيريا
نلبس ونعالج من الصوب الثاني
همي الرابع اتكلم عن قسمنا قسم البقره الحلوب ننتج وخيرنا مو لنا
العلاوات ليش الاجحاف فيها عطونا زيدوا نسبنا ارحمونا قسمنا يعطيكم ملايين عطونا الخرده

همي الخامس نظام الشفتات غيروه متنا ذبحنا 15 سنه محروم من جميع المناسبات والعلاقات الاجتماعيه
ما نحب نغيب او نتمرد بس ساعدونا سووا دراسه وشوفوا حل مناسب لنا

همي السادس قسمنا ونقص العماله كل الاقسام تزيد فيها العماله الاقسمنا ليش تعالوا وشوفوا حتي مع التطور اللي صار
شنو نمشي ب7 ليش مو بشر مو اوادم مرات نوقف ونشغل في نفس الشفت
والناس كبرت وشيبانا في المصنع واجدين ولهم طاقه ارحمونا

قلت لرئيس مجلس الادراه هذي طلباتي واتمني انها تنظر بعين الاعتبار
هل همومنا صعبه هل طلبنا المستحيل
اتمني تقري الموضوع او احد يوصل لها الموضوع لعلها تجد لنا حل حنا إخوانها وعيالها
ومشكوره
ويا ليت كل من اخواني يقول همومه يمكن توصل
خلونا نحلم ان الرئيس معنا جالس
وشكرا لكم
 

نفطي كويتي

بـترولـي خـاص
أعضاء الشرف
ووجهك يا العقرب

والخصخصه ما نسيتها اكبر هم وخلت حياتنا غم الفكر شارد نبي نعرف مصانعنا بتبقي او بتنباع وش لنا وش علينا
ضاقت صدورنا وطاحت عزومنا مصنع وقاعد ينتج وخيرنا لديرتنا ليش ينباع رزقنا ورزق عيالنا وين بروح شمال او جنوب
شركه او لوزاره
جا وزير وقال بيعوا وجا وزير وقال لا تبيعون
صرنا مثل اللي يلعب شد الحبل
مره لنا ومره علينا
اقل واحد فينا باقي له 8 سنين ويحق له التقاعد
ريحونا اذا مو عشانا عشان الكويت وخلوا خير الديره لأهلها تصدوا للخصخصه وليه الحلال يروح لشخص بدل ما كان للكويت
قالوا مصانع خسرانه مثل مصانع الملح شفنا وش صار عقب بيعتها وأرباحها
ومشكور يا رئيس مجلس الاداره وبترك الفرصه لغيري يشتكي همه لكم
 

ابوجمانه

بـترولـي نشيط جدا
الـــــــــــــــــــــــــــــــــــــــلــــــــــــــــــــــــــــــــــــــــــــــــــه
يســــــــــــــــــــــــــــــــــــــــــامحـــــــــــــــــــــــــــكـــــــــــ
يا نفــــطى كـــــــــــويتى
(((((جبتهــــا على الجــــــرح وكنكــــ ما دريـــــــت)))))
والله ودى ان هالمشاركه الحلوه توصل معزبتنا ام بدر الله يطولنا فى عمرها
وياليت الشيوخ واللى تحتها يحســــــــــــــــــــون
 

traheeb

بـترولـي نشيط
احلام سعيدة اخوى نفطى
وماراح تتحقق
بسبب
لا يوجد فى البتروكيماويات منصب رئيس مجلس ادارة
شقول موظف pic حتى اذا حلم حلم غلط:D:D:D
 

يادنيا

بـترولـي مميز
يارب تصل رسالتك الى الشخص المعني ..

دراجااااااااااااااااااااااااااااااااااااااااااااااااااااااااااااااات يا بشر عطونا
اوكي بس درجة وحده نعمه :(

وغيرنا يقول نفس الفنان سعد الفرج بسنى فلوس ياحسين والبعض هني يقول بسنى درجـــــــات يا فــــــــلالالالالان .
 

نفطي كويتي

بـترولـي خـاص
أعضاء الشرف
الـــــــــــــــــــــــــــــــــــــــلــــــــــــــــــــــــــــــــــــــــــــــــــه
يســــــــــــــــــــــــــــــــــــــــــامحـــــــــــــــــــــــــــكـــــــــــ
يا نفــــطى كـــــــــــويتى
(((((جبتهــــا على الجــــــرح وكنكــــ ما دريـــــــت)))))
والله ودى ان هالمشاركه الحلوه توصل معزبتنا ام بدر الله يطولنا فى عمرها
وياليت الشيوخ واللى تحتها يحســــــــــــــــــــون
مشكور علي المشاركه وياليت توصل رسالتنا لها

احلام سعيدة اخوى نفطى
وماراح تتحقق
بسبب
لا يوجد فى البتروكيماويات منصب رئيس مجلس ادارة
شقول موظف pic حتى اذا حلم حلم غلط:D:D:D

اشدعوه حلم اقولك حلم
كأنك تقول احلم علي قدك مثل ما قال سعد الفرج
اما عن المنصب
اشلون اعرف اسم المنصب وهم حاطين باب من زجاج ضد الرصاص ما يدشه الا اللي عنده تصريح ومخول له الدخول
حتي احلامنا راحت للمنصب الغلط
شنو نسوى الله كريم
 

PIC

بـترولـي نشيط جدا
والله إنا فقارى

حتى احلامنا على قد حالنا

والمشكلة مستكثرين علينا هالاحلام البسيطة
 

المتمكن

بـترولـي خـاص
أعضاء الشرف
والله إنا فقارى

حتى احلامنا على قد حالنا

والمشكلة مستكثرين علينا هالاحلام البسيطة

يا حلوك يا PIC
ويا حلو مشاركاتك
والله احلى شى فى الدنيا النــــــــــــــــــوم والاحلام السعيده
وشكرا على الحلم العسل
يا نفطى كويتى
 

نفطي كويتي

بـترولـي خـاص
أعضاء الشرف


يا حلوك يا PIC
ويا حلو مشاركاتك
والله احلى شى فى الدنيا النــــــــــــــــــوم والاحلام السعيده
وشكرا على الحلم العسل
يا نفطى كويتى

حياكك الله اخي المتمكن
واتمني انها تكون رؤيه علشان بإذن الله تتحقق
 

نفطي كويتي

بـترولـي خـاص
أعضاء الشرف
يارب تصل رسالتك الى الشخص المعني ..

دراجااااااااااااااااااااااااااااااااااااااااااااااااااااااااااااااات يا بشر عطونا
اوكي بس درجة وحده نعمه :(

وغيرنا يقول نفس الفنان سعد الفرج بسنى فلوس ياحسين والبعض هني يقول بسنى درجـــــــات يا فــــــــلالالالالان .
اللهم اميييييين
خرعتنا بعنوانك بس حلم حلو ياعنتر :)
مشكور علي المشاركه
 

traheeb

بـترولـي نشيط
والله إنا فقارى

حتى احلامنا على قد حالنا

والمشكلة مستكثرين علينا هالاحلام البسيطة

المنصب الحين هو رئيسة شركة صناعة الكيماويات البترولية
مو رئيس
حتى فى اوراق القرارات الى تصدرها مكتوب chirwomen
لاحد يجير كلامى
وانشالله تكون الصورة الحين واضحه
وشكلكم ما تأيدون حقوق المراة بس سوس ترد عليكم وتدافع عن بنت جلدتها
 

نفطي كويتي

بـترولـي خـاص
أعضاء الشرف
المنصب الحين هو رئيسة شركة صناعة الكيماويات البترولية
مو رئيس
حتى فى اوراق القرارات الى تصدرها مكتوب chirwomen
لاحد يجير كلامى
وانشالله تكون الصورة الحين واضحه
وشكلكم ما تأيدون حقوق المراة بس سوس ترد عليكم وتدافع عن بنت جلدتها

محد جير كلامك اخي الغالي
مشكور علي المشاركه
رئيس رئيسه المهم نحلم
مشكور
 
أعلى