اخر خبر من الاسكان

[HUMMER]

السلام عليكم ورحمة الله وبركاته

هذا الكلام صار امس واتمنى من الاخوان يسالون عن الموضوع دقيت على الاسكان اسال عن البيوت

جان يتحفني الموظف اللي راد وقالي موقفين التوزيع من فتره ؟؟ من شهر 6

قتله ليش عسى ماشر وانا قاعد اشوف صيانه عالبيوت لمن امر بالشارع اللي بعد المستشفى

قالي احنا الحين بس نجهز البيوت ( حق منو الله اعلم )

جان اقوله انزين اشلون يالحبيب اخر حجي قالي هذا الامر من المدير لي اجل غيير مسمى

ليش يجهز هالبيوت المدير ؟؟ وليش مايوزع ؟؟ ووين اللجنه اللي بتطلع عشان تجيك على البيوت الماجره؟؟

ومنا للمسؤولين

 

[جونم جقرم]

عزيزي همر الاسكاان طلع في قرار ما يسلموون بيت الا حق قريد 13 وما فوووق
وبالنسبة لموضووع موقفين الدور فانا الصرااحه ما سمعت ويمكن الموظف الي استفسرت منه ماهو ملم بشغلة
واهوو ع العموووم انطر دور ليمن يدوور عليك الحول وماراح يطلعلك الدوور (((((

 

[KOC_747]

والله يا اخوي هامر جني عرفت هالموظف

إذا كان إهوا اللي بالي ، يتفلسف ويقول :

الإنسان مليء بالشرور والدنيا فانية


فلا تاخذ من حجيه شي و دور لك واسطة ولا ترى ما راح تحصل شي

 

[loard]

للاسف بيوت الشركه لرئيس نقابه نفط الكويت وربعه ..............الرئيس بروحه 3 بيوت ...........خوووووووووووووووش امانه

 

[op2]

صحيح هالكلام


موقفين توزيع البيوت للي على باب الله


يعني الي يتبع القانون


لكن الي يدل طريق من تحت الطاوله والواسطه غيررررررررررررر


احسن بيت واحسن صيانه وفوقها يبنون لك ديوانيه بالحوووش مثل الي في بيت رئيس النقابه بشمال الاحمدي


والحديقه قد مساحه البيت ثلاث مرات


وازيدكم بعد الي متوظف عقب 2003 ماله حق في بيوت الاحمدي


ياخذ ال 150 دينار ويروح يدورله بيت بره


والي لهم قرن ماخذين بيوت ومأجرينها بالباطن اداره الاسكان عارفتهم وتدري بهالشي لكن اذن من طين واذن من عجين


ربعهم وجماعتهم ويمونون عليهم

 

[norema-sarto]

من يلقى بيت إيجارة 150

ما يحصله برة...حامض على بوزهم

والله ... أنا أبي لو فيه أحد يأجرلي ...
بس عاد ما يضربللي بالسعر

 

[الولدالذهبى]

اقول خلكم عزوبيه احسن







وبس

 

[dehen_3ood]

عزيزي همر الاسكاان طلع في قرار ما يسلموون بيت الا حق قريد 13 وما فوووق

إلا لحالات استثنائية .. بعد تقديم طلب الاسترحام والاستعطاف وتكفون عطونا بيت !!
وبعد مقابلة شخصية يسلمونك البيت ..

 

[م.محمد]

وانا سمعت نفس الكلام
الي تقوله بالضبط
والله يعين

 

[HUMMER]

بس مايصير يااخوان شنو حق ناس وناس شالسالفه لي متى نسكت خلي يطلعون البيوت المؤجره وشوفو الفضايح بس وجيكوا على الاسماء والله فشله

 

[redrose]

سوال يطرح نفسه ........ يصير احنا بعد ناخذ ولا بس لكم ..........

 

[المهندس]

انا سمعت انه تم توقيف تخصيص البيوت - والبيوت اللي تحت الصيانه الحين هاذي بيوت تم تخصيصها من زمان - ليش وقفوا تخصيص البيوت!! اقولكم ليش - لانه في مشروع اسمه تطوير الاحمدي - يعني راح يهدمون بيوتنا ويبنون بيوت ثانيه - بس متوهقين شلون يطلعون الناس من بيوتهم -- يعني مشكله كبيره - كانو يبون يتوسعون لي برا الاحمدي علشان يسوون شفتينج للناس وبعدين يبلشون داخل - بس مجلس الامه وقف لهم ورفض التوسعه وقال الافضل انها تتوزع للناس -

الحين ماكو توسعه وماكو تخصيص ولا راح يقدرون يطلعون السكان (خصوصا الكويتيين)

شرباكه

وبالتوفيق

 

[redrose]

والله مشكله الواحد وين ما يطقها عويه.

شي اكيد الناس اللي قاعده في البيوت ما راح تطلع منو يحصل بيت بالهسعر الإجارات نار .

 

[المهندس]

والله مشكله الواحد وين ما يطقها عويه.

شي اكيد الناس اللي قاعده في البيوت ما راح تطلع منو يحصل بيت بالهسعر الإجارات نار .

ترا في ناس وايد في الشركه عندها بيوت برا - ليش ما يطلعون -

مأجر بيته وقاعد في بيوت الشركه- يا اخي فج شوي

 

[أبو خالد]

اخلفش الراي يا دهن العود
انا متعين بعد القانون -2003-
انا طلبت اقابل الزنكي ولما رحت قالوا شنو موضوعك قلت اسكان قالوا لي ما يقابلك ؛ اكتب كتاب وهو يوجهه للادارة المعنية
كتبت خطاب وذكرت فيه كل ظروفي؛ وسلمته للسكرتيرة وقالت راجع الاسكان بعد اسبوع؛ لما رحت الاسكان قالوا لي طلبك مرفوض ؛ روح دور لك واسطة ... ونفس الشي سويته مع النقابة عرضت المشكلة عليهم .... السنة اللي طافت وللحين قاعدين يبحثون الأمر ...


دهن العود: اشتقصدين بالاسترحام؟؟؟

 

[ام ريما]

مايوزعون بيوت حق البنات المتزوجين بغض النظر عن القريد لان لو بنكرف ليل ونهار ماراح نوصل حق قريد 13 راضين لوملحق ههههههههه

 

[المهندس]

مايوزعون بيوت حق البنات المتزوجين بغض النظر عن القريد لان لو بنكرف ليل ونهار ماراح نوصل حق قريد 13 راضين لوملحق ههههههههه

في طريقه يسوونها البنات يشوفون اي موظفه فليبينيه ويأجرون منها غرفتها بسعر معين واهيا تسكن برا - اللي بالمستشفى يسوونها وايد - يعني خلال الدوام تروحين تنامين لج ساعه او ساعه ونص او تعدلين الميك اب وتردين مره ثانيه

لا تقولون اني انا قلت

ودمتي