ياشباب هل الخمسين للي فوق الالف تشملنا ولا لا افيدونا

q8kjoc

بـترولـي جـديـد
السلام عليكم هل الخمسين راح تشملنا وهل راح تحوشنا باثر رجعي نبي افاده.........
 

فهد شموه

إدارة المنتدى
السلام عليكم هل الخمسين راح تشملنا وهل راح تحوشنا باثر رجعي نبي افاده.........



وعليكم السلام ورحمة الله وبركاته
q8kjoc

مرسوم القانون واضح وصريح....
:rolleyes:


يصدر في الجريدة الرسمية «الكويت اليوم» مرسوم قانون زيادة الـ 50 دينارا لمن راتبه فوق 1000 دينار وبأثر رجعي من عام 2008، وقالت مصادر مطلعة ان المرسوم تم تعميمه على جميع الجهات في الدولة، وجاء في نص المادة الأولى من المرسوم: يستبدل بنص المادة الأولى من القانون رقم 27 لسنة 2008 النص التالي: يصرف لكل كويتي من العاملين في القطاع الحكومي والنفطي وفي القطاع العسكري وفي القطاع الخاص وكل من يتلقى مساعدة من وزارة الشؤون الاجتماعية والعمل والكويتي الذي يصرف له معاش تقاعدي من المؤسسة العامة للتأمينات الاجتماعية وكذلك المعاق الذي يتلقى مساعدة من الهيئة العامة لشؤون ذوي الإعاقة أو من وزارة الشؤون الاجتماعية والعمل، دعم مالي شهري بمبلغ خمسين دينارا كويتيا.
وجاء في المادة الثانية: على رئيس مجلس الوزراء والوزراء كل فيما يخصه تنفيذ هذا القانون، ويعمل به من تاريخ العمل بالقانون رقم 27 لسنة 2008 المشار اليه.



مبروك عليكم وتصرفونها بالعافية إن شاء الله
:)
 

Plant

بـترولـي نشيط
مبرووكين يا شباااب

وان شكرتم لازيدنكم





ولا تنسووون تتصدقون


وعندي سؤال هل الي متوظفين بتاريخ ٢١-١١-٢٠٠٨ تشملهم ولا لا ؟؟
 

واحد فاهم

بـترولـي مميز
مبرووكين يا شباااب

وان شكرتم لازيدنكم





ولا تنسووون تتصدقون


وعندي سؤال هل الي متوظفين بتاريخ ٢١-١١-٢٠٠٨ تشملهم ولا لا ؟؟


اولا مشكور التذكير بموضوع الصدقة

ثانيا ردا على سؤالك .. شنو اللي يمنع انه ما تشمل اللي توظف بالتاريخ اللي انت ذاكره ؟؟
ما أظن انه في شي يمنع ..
 

Plant

بـترولـي نشيط
اولا مشكور التذكير بموضوع الصدقة

ثانيا ردا على سؤالك .. شنو اللي يمنع انه ما تشمل اللي توظف بالتاريخ اللي انت ذاكره ؟؟
ما أظن انه في شي يمنع ..




والله مادري بس انا الي سمعته انه القانون حق الي موضفين قبل ٢٠٠٨ لنه القانون صدر في ٢٠٠٨ واحنا توظفنا ٢١-١١-٢--٨ فماندري هل يشملنا ويشمل الي بعدنا ام بس يشمل الي قبل سنه ٢٠٠٨ ؟ اهني الكلااام
 

واحد فاهم

بـترولـي مميز
والله مادري بس انا الي سمعته انه القانون حق الي موضفين قبل ٢٠٠٨ لنه القانون صدر في ٢٠٠٨ واحنا توظفنا ٢١-١١-٢--٨ فماندري هل يشملنا ويشمل الي بعدنا ام بس يشمل الي قبل سنه ٢٠٠٨ ؟ اهني الكلااام

يالغالي القانون واضح .. الصرف لمن معاشه فوق ال 1000 دينار ..ما يهم اذا متوظف 2008 او 2009 او ان شاء الله قبل شهر والسبب انه ال50 ما كانت تنزل بالاصل لمن معاشه فوق ال1000

لذا القرار اذا كان في شهر يوليو 2008 وانت توظيفك نهاية 11 2008 احسب من توظيفك الى تاريخ اليوم يعني المفروض ينزلك ..
2009 = 600
2010 = 600
2011 = ست شهور + شهر 12 من 2008

1500 دينار تقريبا ..... والعلم عند الله :D
 

king99

بـترولـي نشيط
هل تنزل مع الراتب

السلام عليكم
هل تنزل الخمسين والأثر رجعي مع الراتب وخصوصا اذا الموظف كان في وظيفة في وزارة ثم توظف في الشركة في سنة 2009 ؟
 

kuwaity81

بـترولـي نشيط
الحمدلله يا جماعه احنا بنعمه كبيره تستحق الحمد و الشكر

هذي بسميها سنه الخير ماشاءالله منحه ومشاركه نجاح و50 بأثر رجعي و زيادات بالطريج....الحمدلله اني مسلم الحمد لله اني كويتي
 

هلا خفجى

بـترولـي نشيط جدا
الحمدلله يا جماعه احنا بنعمه كبيره تستحق الحمد و الشكر

هذي بسميها سنه الخير ماشاءالله منحه ومشاركه نجاح و50 بأثر رجعي و زيادات بالطريج....الحمدلله اني مسلم الحمد لله اني كويتي

عسي الله يديمها علينا وعليكم جميعا ويزيدنا من فضله وتصرفونها بالعافية
 

SAP

بـترولـي نشيط
شباب هل الاثر الرجعي نزل

لان في واحد بالمنتدي العام كاتب نزلت لنفط الخليج امس

الخفجي مالنا شي ولا شالسالفه افيدونا جزاكم الله خير
 

SAP

بـترولـي نشيط
The Best Manager انا اليوم نزلي 1706 بس مدري شنو هل احد نزله

اخوي انت بالخفجي؟
وعلى اي بنك نزلت؟!
 
الأعلى