مطلوب مساعده واستشاره من المهندسين وسوبر فايزرات والادارين

[البترولي]

انا مقاول وعندي صاحب نفس الوظيفه كلنا عقود خاصه صاحبي يعمل بشركة صفوان المهم صاحبي كان دوامهم من ساعه 4 الى 1 ظهر وكل صبح نفس الحال وهذا كان في الصيف وكنا نداوم بالوفره المهم صار عليه حادث بخط الوفره وهو رايح الدوام وصارعنده كسر بالفقارات بالظهر بسبة طريق الوفره ووقت الدوام ماعلينا المهم كل شهر يعطي شركه طبيه وكل شهر يبلغونه بانتهاء موعد الطبيه الا من شهرين محد بلغه ومر شهر وماسلم طبيه وبلغوه انه مفصول الولد منصدم قال انت مابلغتوني انه انتهت طبيه او عطيتوني خبر وقعد شهر مع شركه صفوان وهم يماطلون معاه والحين الولد شهرين بدون معاش ...

المهم ياخوان احد يقدر يفيده بشغله ومكان عمله كان بالوفره عند مبني الجي او

 

[البترولي]

تابع للموضوع

الولد الحين الحمدالله ما بقا له الا العلاج طبيعي يعني يقدر يرجع يا اخوان الي يقدر يفيدنا جزاه الله خير
ونقصد بالعلاج طبيعي المساج وبس ولا هو لله الحمد طبيعي ومافيه شي حاليا وعنده تقرير طبي اذا هشي يساعد

 

[brilliant]

طالما عنده طبيات تثبت انه غير قادر على العمل فالشركة مالها اي حجه بفصله

يبلغ الشركه انهم اذا ماردو حقوقه راح يوكل محامي يردله حقوقه

 

[بلبل عنقريزي]

القانون يردله كل حقوقه

 

[طلال]

نعم القانون موجود وان شاء الله مايضيع له حق

 

[النك تحت الصيانه]

الحمدالله على سلامته اول شي وثاني شي مالهم الحق بفصله ومثل ماتفضلوا الاخوان يشوف محامي ومايضيع حق لمطالب

 

[البترولي]

يعطيكم العافيه بس عذرهم الحالي انه صارله شهر بدون طبيه وشركه خاصه والحين تم شهرين وموعارف شسوي ومشكورين

 

[كويتي]

أخي الكريم؛ العقد سنة المتعاقدين؛ و الذي يحكم عقود الشركات الخاصة هو قانون العمل الكويتي؛ و هو بفضل من الله من صالح العامل أكثر منه لرب العمل؛ ليأخذ صاحبك كل أوراقه و طبياته و عقده إلى محامي مختص و بإذن الله سوف يجد له مخرج؛

و إن كان قصدك إيجاد عمل له فالشركات التي تعمل بالقطاع النفطي كثيرة ليقدم طلب عمل لديهم حسب مؤهلاته و الله الموفق؛
​

 

[Planning]

في البداية خطاه السو بس أحب أنبه أنه بستطاعته التوجه لوزارة الشؤون أدار العمل وتقديم شكوا رسمية هناك وعلى أساسها تقوم وزارة الشؤن برفع قضيه ومطالبة الشركة بتعويض الموضف بالأضافة لإيقاف ملف الشركة بوزراة الشؤن