استفسار ؟؟

[Miss-eng]

السلام عليكم....

عندي استفسارين عن الشركة وياريت الي يعرف يجاوبني عليهم :

الاول : اذا الواحد قدم على الشركة ودقو عليه عشان يسوون معاه مقابلة شخصية وسوا المقابلة ..... سمعت ان المقابلة اجراء روتيني وان اهما مادقو عليه الا محتاجينه ..... صح هالكلام ؟؟

الثاني : اذا سوا مقابلة شخصية شكثر المده الافتراضية عشان ادقون عليه عقبها في حالة ا اقبلوه بالشركة ؟؟؟


مع تحياتي ...

 

[brilliant]

مو شرط اذا قابلوه معناته يقبلون ,,, ياما رفظوهم بعد المقابله

بالنسبه للي محتاجينهم ومايردون منهم الا نادر هم المهندسيين الكيميائيين

واللغه عندهم اهم من كل شي

بالنسبه للاوقات اذا قابلوج ترا ما يطولون لان شغلهم سريع مو مثل الشركات يطولون


واتمنى التوفيق للجميع

 

[EQUATER-1]

السلام عليكم....

عندي استفسارين عن الشركة وياريت الي يعرف يجاوبني عليهم :

الاول : اذا الواحد قدم على الشركة ودقو عليه عشان يسوون معاه مقابلة شخصية وسوا المقابلة ..... سمعت ان المقابلة اجراء روتيني وان اهما مادقو عليه الا محتاجينه ..... صح هالكلام ؟؟

الثاني : اذا سوا مقابلة شخصية شكثر المده الافتراضية عشان ادقون عليه عقبها في حالة ا اقبلوه بالشركة ؟؟؟


مع تحياتي ...

السلام عليكم جواب الاستفسار الاول اهم شي المقابله الشخصيه واذا الوظيفه الي مقدمه عليها كانو حاطيلها اعلان بالجرايد او بالسايت فكل الي مقدمين يدقون عليهم ويسون معاهم مقابله شخصيه.

جواب الاستفسار الثاني ترى على حسب الحاجه في ناس خلال اسبوع توظفو وفي ناس 6شهور بس تقدرين اتابعين الموضوع مع الي سوالج مقابله دقي على البداله 4343666 وطلبيه واستفسري منه ترى عادي.

وبالنهايه ترى اهم شي الفيتامينات والله يوفقج.

 

[Miss-eng]

مشكورين ويعطيكم العافيه ........بس المشكله بالي عنده نقص حاد بالفيتامينات

 

[الشايب]

ترى الدعوه سهالات في المقابله

اهم شي انك ما ترتبك


وكل ماتعرفه قوله


واذا علي الواسطه بسيطه

والله يوفقك

 

[athmar]

سوال اخر

الوظيفة هي السكرتارية

دقوا علي علشان المقابلة

شنو المقابلة تكون وشكثر تاخذ وقت ؟؟؟



افيدونا

 

[جونم جقرم]

الوظيفة هي السكرتارية

دقوا علي علشان المقابلة

شنو المقابلة تكون وشكثر تاخذ وقت ؟؟؟



افيدونا

تكون الأسئلة الروتينية بالمقابلة

يسئلونش عن أسمش الثلاثي

عن دراستش عن تخصصش بس

مدتها ما أطول في مقابلات تاخذلها خمس دقايق وفي مقابلات ربع ساعة

وبالتوفيق