^^مكســــات و بدليات^^

[وردة حيدر]

اخواني وخواتي الغاليين على قلبي


كلنا ملاحظين اختلاف اللهجات بالكويت

نلقى الكويتي يتحجى بكل لهجات الوافدين اللي بالكويت سواء عربي او اسيوي

وحتن المقيم يتحجى بلهجته ولهجه الكويت واللهجات الثانيه

ووايد نلاقي وافدين يتحجون كويتي ويمكن احسن من الكويتين"اقصد الشباب اللي حجيهم مكسات"

اممممممممم

يعني كويي مخلط على لهجات عربيه ثانية و حتى أجنبيه... تى أتوقع كلنا حايشتنا هالعدوى، صح لو لأ؟؟


شرايكم بهالظاهره ؟؟؟



هل تعتبرونها شي سلبي ولا ايجابي؟؟

هل هي تعارف بين حضارات ؟؟ او اختلاط لهجات؟؟؟

ولمن تلقون احد من هالظاهره سواء كويتي ""وحجيه مكس""

او عربي ويتحجى كويتي؟؟؟


شنو نظرتكم له؟؟

و بمناسبة حجي المكسات.. شرايكم بعد بموضوع "البدليات"؟؟ هل هي أثر من آثار الكلام باللهجات المهجنة ولا إهيا عيب شخصي.. و على قولة الوالده اليوم داقه علي من الكويت و تحاتي غداي بعد عمري.. و بنص الكلام الحجيه فصلت و قالت... "ملاّس جدر في قاعة العيــــــــــش!!!" فديتج ماماتي و فديت بدلياتج هههههه


بس حابه أعرف رايكم بالموضوع!
و مشكورين عالمرووووووووووووووور مقدما

 

[سالم الخالدي]

شوفي أنا رأيي اذا كان موضوع المكسات مو متعمد

يعين مثلنا في القطاع النفطي تعودنا على مصطلحات اللي يقعد ويانا مايفهم عن شنو نتكلم ..لأن في بعض المصطلحات تعودنا عليه


ولا نقصد فيها المكسات .... مثلا واحد يقول أنا sick اليوم

أو أنا afternoon shift

أمثال هذه الجمل هذا مكس والا مو مكس ؟؟؟ هذا مكس لكن مكس مانقصد فيه المكس

فكثير من الشباب اللي درس بره الديرة ...تأثر ببعض الألفاظ اللي ما يعرف اشلون يفسرها بالكويتية


فهذا معذور ...لكن اللي يحاول يسوي مكسات وهي مو من لغته أو لغة ديرته فهذا فيه نقص يحتاج لعلاج نفسي


هذا رايي

 

[ابو فاطمة]

هذا التطور في اللغه مو مكسات <--- يعني متميز بالرد

والله انا اقول الوقت الحالي والبيئه ورا التغير في اللغه وهذا شي عادي

 

[طير شلوى]

وجود ظاهرة الكلام المكس مثل ما قلتِ هو نتاج الإحتكاك المستمر مع أصحاب هذه اللهجات أولاً ، وثانياً عدم الولاء للهجة المحلية والإعتزاز بها ، كما أن البعض وللأسف يعتبر هذا المكس نوع من الثقافة ، وخصوصاً من يظهرون على وسائل الإعلام ، كأحد رؤساء تحرير إحدى الصحف المحلية ..
ولكن أنا عندي كله يهون ولا هذا الذي يقلب حروف اللغة من حرف إلى حرف آخر تماماً ، كالذي ينطق الغين قاف والقاف غين ، وما إلى هنالك من تحريف للغة

 

[النك تحت الصيانه]

اسلام عليكم انا اشوف مافيها شي يتعلمون اللهجات العربية او غيرهاااا لكن يتكلمون لهجتهم ويحافظون عليهاااا

 

[بلبل عنقريزي]

والله اختي تبين الصج
الحين ماعرفنا منو يتعمد المكس او طبيعته جذي

بس بكلا الحالتين انا ضد هالشي
بس عاد اللي يقط بدليات معذور مانحاسبه ههههههه

بس نفس سالفت واحد معاي بالدوام يتحجى معانا وبكل جمله ثلاث كلمات بالانجليزي
خو درينا مثقف ولغه الا تقهرنا يعني

بنظرتي انا ضد هالشي وماحبه صراحه

 

[نفطي كويتي]

شوفي أنا رأيي اذا كان موضوع المكسات مو متعمد

يعين مثلنا في القطاع النفطي تعودنا على مصطلحات اللي يقعد ويانا مايفهم عن شنو نتكلم ..لأن في بعض المصطلحات تعودنا عليه


ولا نقصد فيها المكسات .... مثلا واحد يقول أنا sick اليوم

أو أنا afternoon shift

أمثال هذه الجمل هذا مكس والا مو مكس ؟؟؟ هذا مكس لكن مكس مانقصد فيه المكس

فكثير من الشباب اللي درس بره الديرة ...تأثر ببعض الألفاظ اللي ما يعرف اشلون يفسرها بالكويتية


فهذا معذور ...لكن اللي يحاول يسوي مكسات وهي مو من لغته أو لغة ديرته فهذا فيه نقص يحتاج لعلاج نفسي


هذا رايي

انا مؤيد كلام اخي الوسام

 

[شركة من صادها عشى عيالة]

ههههههههههههههههههههههههههههههههههههههههههههه نفس اقول اللي بقلبي هههههههه

 

[بوكندر]

ههههههههههههههههههههههههههههههههههههههههههههه نفس اقول اللي بقلبي هههههههه

عادي قول الي بنفسك لا تستحي ,, اتعبرنا مثل اخوانك

 

[جونم جقرم]

عادي قول الي بنفسك لا تستحي ,, اتعبرنا مثل اخوانك

أتعبرنا >>>>>>>>> أستلم بدلياااات

 

[شركة من صادها عشى عيالة]

أتعبرنا >>>>>>>>> أستلم بدلياااات

يا خوك طوف طوف لا تصير مختار الصحاح

 

[تايتنك]

عادي البشر من اب وام وانتشروا واللة سبحانة اليي الهمهم اللغات هذي