البطالة في الكويت

النك تحت الصيانه

بـترولـي نشيط جدا
السلام عليكم ورحمه الله وبركاته طبعا الموضوع عن البطاله الي صايرة في الكويت الشركات ان كانت قطاع خاص او حكوميه الاجانب فيها بكثره مو المفروض اعيال الديرة هم الاولى من غيرهم بدال قعدتهم وصفتهم بديوان الخدمه المدنيه منتظرين الفرج
 

فيصل العجمي

مؤسس المنتدى
أعضاء الشرف
السلام عليكم ورحمة الله وبركاته

موضوع مهم جدا

واتمنى من اي احد من الاخوان تكون عنده مراجعه في مبنى البلديه في الديره انه ياخذ له لفه على السريع في مكاتب البلديه.. موظف كويتي واحد ماتشوف ,, كلهم غير كويتين ومن جنسيه عربيه واحده ولا اعلم ماهو التخصص النادر في البلديه الذي يحتاج ان نستعين بخبرات من الدول العربيه ,

ادارة الجنسية وهي اهم ادارة في وزارة الداخليه وفيها ملفات اهل الكويت كلهم فيها الكثير من اخواننا العرب وسبق وان اتهم اكثر من واحد منهم بعملية تزوير جناسي وجوازات ولا اعلم سبب تمسكهم بهم.

روح وزارة الدفاع أدارة المالية او وزارة الداخلية ايضا ادارة المالية وشؤون الموظفين وشوف الموظفين العرب اللي هناك... وزارتين من اهم الوزارات وفيها ملفات كبار الضباط ومعلوماتهم الكامله ..

لا تروح بعيد تعال الشركات النفطيه وشوف العماله الاجنبيه فيها

الكويتي عاطل عن العمل والحكومه تقول مافيه وظايف والوزارات متروسه اجانب
 

SOS_KW

بـترولـي خـاص
أعضاء الشرف
السلام عليكم ورحمة الله وبركاته

موضوع مهم جدا

واتمنى من اي احد من الاخوان تكون عنده مراجعه في مبنى البلديه في الديره انه ياخذ له لفه على السريع في مكاتب البلديه.. موظف كويتي واحد ماتشوف ,, كلهم غير كويتين ومن جنسيه عربيه واحده ولا اعلم ماهو التخصص النادر في البلديه الذي يحتاج ان نستعين بخبرات من الدول العربيه ,

ادارة الجنسية وهي اهم ادارة في وزارة الداخليه وفيها ملفات اهل الكويت كلهم فيها الكثير من اخواننا العرب وسبق وان اتهم اكثر من واحد منهم بعملية تزوير جناسي وجوازات ولا اعلم سبب تمسكهم بهم.

روح وزارة الدفاع أدارة المالية او وزارة الداخلية ايضا ادارة المالية وشؤون الموظفين وشوف الموظفين العرب اللي هناك... وزارتين من اهم الوزارات وفيها ملفات كبار الضباط ومعلوماتهم الكامله ..

لا تروح بعيد تعال الشركات النفطيه وشوف العماله الاجنبيه فيها

الكويتي عاطل عن العمل والحكومه تقول مافيه وظايف والوزارات متروسه اجانب

والله يا اخي QUOTE ضربت على الوتر ودعني أضيف على ما ذكرت عزيزي .. التخطيط السئ أو غياب التخطيط مع الجهات المعنية في الدولة

فمثلا كنت أتمنى أن تكون هناك دراسة من قبل وزارة التخطيط على ما سوف تحتاجه الدولة من موظفين في السنوات المقبلة حتى ننسق مع الجامعة والتعليم العالي ليحدد العدد المطلوب في جميع التخصصات المطلوبة سواء في الجهات الحكومية أ م القطاع الخاصة وذلك ليتم تعين الخريجين على الفور ، لا أن ندعه ينتظر التعيين ومن ثم يلقى به في تخصص غير تخصصه تماما .. مما أدى إلى تدني الانتاجية والأداء الوظيفي ..

فدائما التخطيط والتنسيق هما اساس نجاح أي مشروع .. فما بالك بمشروع جيل بأكلمه
 

dehen_3ood

بـترولـي خـاص
أعضاء الشرف
موضوع البطالة من الهموم المتأزمة عندنا بالكويت وللحين موقاجرين نعالجها !!
أطرافها متشابكة .. ديوان الخدمة المدنية والقطاعات الخاصة من صوب
وطالبي الوظيفة من صوب !!

ناس صارها سنوات مقدمة على وظيفة وناطرة دورها بديوان الخدمة المدنية
وللحين ما وصلها الدور !! ليش؟

ديوان الخدمة يقول مافي شواغر على حسب الشهادات المتقدمة !!

وفي شهادات ثانوية ومتوسطة (بدون دورة) يتأخر ترشيحها !!
وهني المفروض طالبي الوظيفة يشوفون لهم دورة لمدة 9 شهور يعادلونها لتسريع عملية الترشيح للوظايف
وما ينامون على روحهم وينطرون الدور !! (يالله الفرج)

يرشحونهم لوزراة معينة ويرفضون بحجة مايبون المكان ويفضلون مكان آخر
(وبالتالي ينقطع عنهم بدل البطالة)

أماكن فيها غير كوتيين (قيل) إن سياسة التكويت والاحلال بتاخذ مجراها في هذا الشأن
وإلى يومنا هذا ما صار شي !!
 

النك تحت الصيانه

بـترولـي نشيط جدا
اشكرك على مروركم بلموضوع وهذا عين الصواب انشالله شباب الكويت فيهم الخير وقد المسئولية ومافيه احد طلع من بطن امه متعلم شنو المشكلة اذا تعبت وياه شهر او شهرين تعلمه
 

طلال

بـترولـي خـاص
والله ماقصروا الإخوان بالرد


بس انا اشوف ان الحكومه تستبدل الاجانب بالكويتين


ملينا من هالاجانب اللي مامنهم الا الزحمه
 

زهرة التوليب

بـترولـي خـاص
فعلا عدل كلامك

انا اشوف الأجانب تارسين الوزارات والقطاع الخاص
والشركه تدفع لهم راتب قوي وغير السكن واييب زوجته وعياله ومدارس خاصه !!

والكويتي يقعد في بيتهم جم سنه يالله يحصل وظيفه واذا حصل وظيفه تلقاها مو مثل تخصصه ؟؟

هذا غير الديناصورات اللي قاعدين على مناصبهم مو راضين يتقاعدون
ياخذون زمانهم وزمان غيرهم
 

بلبل عنقريزي

بـترولـي خـاص
صدقوني هالموضوع ماله حل لو شنو صار
المشكله بالمسؤولين الديناصورات اللي دم ضروسهم الكويتي

لازم يتفنقرون بره هذا الحل الوحيد
الله رزقنا باشخاص يحبون يرضعون الاجنبي وولد الديره بالطقاق

ناس مريضه وربي
 

مواضيع مشابهة

أعلى