ظاهره غريبه في شوارع الكويت

[النك تحت الصيانه]

السلام عليكم ورحمه الله وبركاته ياجماعه موضوعنا اليوم عن تغير شباب الكويت البعض مو الكل هابين شباب بقصات جديدة ومظاهر غريبه وين القيم وين العادات تقليد اعمى للغرب والشكوى لله

 

[كريستاله]

اشكال غريبه عجيبه كل واحد منهم جنه ديج على هالشعر

وين الاهل اللي اهم اساس غرس العادات والتقاليد؟

 

[ABDULLAH]

البداية من تدليع الطفل في الصغر و من كثر الدلع و الدلال ، يكبر يبي كل شي و يلبس أي شي و الشعر أي شي و الأهم الأخلاق ................... و لا شي

الا من تربوا تربية صالحة

 

[النك تحت الصيانه]

اكيد التربية مثل ماتفضلتو هي اساس كبيرررفي الاسرة

 

[WaRiO]

اطفئ التلفاز ... والستاليييت!!

وكلشي تمام

شكلك موو داش المرييينه (( امس رايح )) كل وااحد حاااطله صاحبه اجنبيه

 

[كعبول]

انه والله مرتاااااااااااااح

مقرع نفسى ... بلا تحسين خفيف .. وبلا خرابيط

والله اول ماتقوم شعرك نصه واقف والثاني نايم ..... وعلى ماتعدله يبيلك ساعه .... قلت شلي بالاذيه وعوار الراس .... اشيله كله وارتاح .... وزملائي بالعمل قاموا يقلدوني بعد لانه اريح طلع ....



اما هذيله اللي يسوون قصات ..... هذيله عندهم نقص من الداخل ...

واغلب هذيله اللي يشترى سيارة غالية ولا قصة غريبة ولا يلبس ملابس غريبة ... بس يبي يلفت الانظار .... وهذا مرض نفسي .. وغالبا ماتكون المشكلة بدات من المنزل اي بيت الشخص نفسه ....

يعني عذروهم ياجماعة هذيلة مرضه ... وسالوا دكاترة نفسانيين حول هذا الموضوع اكثر .....

 

[تايتنك]

واللة ماقمنا نعرف الريال من الحرمة اللة يجيرنا ويبون مطر

 

[سالم الخالدي]

مرة من المرات كنت في أحد الصالوانات


دخلت والا ذيك البنت اللي تسلم على اللي يحلقني ... وبوسة يمين وبوسة يسار...



بصراحة بققت عيوني ...وقمت أطالع المنظر ..بنت شقرا ... جنها من عيال الانجليز ...لابسة ترينج رياضي ... وقعدت تنتظر مع الناس ...اللي قاعدين ...


والله كل هذا وأنا منصدم ... قمت وشوشت الحلاق ...قلتله يا أخي شسالفة تبوس بنات العالم ...وين قاعدين احنا بأوربا والا شنو


قالي يا أخي هذا ولد .. مو بنت .... قلت انت تجذب علي ...قالي والله ولد بس هو شكله جذيه ..


والله انه شكله بنت ..ما تشك مية بالمية بنت .....


وللحين والله متردد مدري هو بنت والا ولد ...


اللي طراه موضوع ماتعرف البنت من الولد

 

[كي او سي]

«داش مكتب مدير ولابس قميص عليه صورة شاذي»!
كتب:عبدالله النجار
أتعجب كثيرا من مراجعة بعض المراهقين والشباب للعديد من ادارات الخدمات مثل المرور والهجرة ومراكز الخدمة والجنسية دون أن يخجلوا من الزي الذي يرتدونه! فأحدهم يدخل مكتب مسؤول لانجاز معاملة وهويرتدي تي شيرت «وردي» وآخر يتجول في الادارة لانهاء عمله وهو يرتدي شورت معتقدا انه على الشاطئ! وشاب مستهتر يدخل إحدى الغرف للتحدث مع أحد الموظفين وهو يرتدي قميصا أخضر عليه صورة «شاذي»! يالشاذي! ومراهق يدخل على مدير لتوقيع معاملته وهو يلبس نظارة سوداء تغطي نصف وجهه وكأنه أتى ليقوم بعملية «لحيم بايبات»!
وواحد خصره 10سم ولابس حزام طوله مترين ربعه حول بطنه والباقي واصل الى حذائه «يعني حركة»!أنا أتمنى من المسؤولين والموظفين ان يطردوا أمثال هؤلاء ان شاهدوهم في اداراتهم حتى يعرفوا حجم ميوعتهم واستهتارهم!!


منقول
جريدة الوطن

 

[رجل امن اول]

اول شي اشكرك اخوي على الموضوع المهم

والله الصراحه شبابنا مادري شسالفتهم مو مثل اول

اختربوو بالمره من قصات الشعر من تصرفاتهم ومن تحرشاتهم الاشكره بالبنات

الله يهديهم ان شاءالله

 

[النك تحت الصيانه]

يعطيكم العافيه على مروركم وشكر لك انت علشان تفاعلت مع الموضوع تقبل تحياتي

 

[ثامر الخالدى]

اااخ يا التجنيد ...الله يرحم ايامك

 

[SOS_KW]

السلام عليكم

لو سمحتولي اخواني أود المشاركة في هذا الموضوع لحساسيته الشديدة وكوني أم لأولاد ما زالوا في سن الطفولة وأخشى عليهم من الفتن .. ما عاذ الله .. الله يحميهم ويحميكم

- من الأسباب التي تؤدي الى مثل تلك الانحرافات (دعوني أطلق عليها انحرافات ) لأنه انحراف عن الطريق القويم
فقدان القدوة الحسنة ، غياب دور الأسرة ، عدم غرس الثقة بالنفس للطفل منذ الصغر ..عدم تدريب وتعويد الشاب على الاعتداد برجولته .. وفقدان الموجه الجيد والمنصت في المنزل .. كما هناك سبب وهو الأهم ألا وهو عدم التثقيف بالدين منذ الصغر .. ويكون شغلنا الشاغل هو التحصيل العلمي وان وجد

ولا ننسى غياب دور الأبوين .. حيث تتبادل الأدوار ... ويقع الابن مع رفقاء السوء .. ونتيجة رفقاء السوء وغياب الوازع الديني .. ومتابعة المسلسلات الساقطة .. والفراغ أدت الى التقليد الأعمى الذي نراهم ما هم عليه الآن. كما أن هناك سبب ممكن ألا يكون متداول كثيرا .. ألا وهو علم الشاب بتفضيل البنات (الخبلات) أشكال الممثلين والمطربين وهم من حثالة المجتمع وسبب المصائب عليهم .. لانبهارهم بالأشكال الخاوية وهوسهم بها .. لذا حدا الكثير من شبابنا بتقليدهم حتى يعجب البنات

 

[نفطي كويتي]

صحيح اختي
والشباب في الشارع ابناء من
اليسو ابنائنا وبناتنا اليسوا ابناء الكويت نعم معاج في كل كلمه قلتيها
الاباء هم السبب ويتحملون الوزر الاكبر
اللهم احفظنا واصلح احوالنا واحوال المسلمين

 

[النك تحت الصيانه]

اشكركم على مروركم وعلى تفاعلكم بلموضوع

 

[نشيط]

صااروا يفشلوون واصلا حتى الغرب ينقدوون علييهم بلا ويين في بالغرب احد يسوي بشعره جذي ولاا يلبس هاللبس واللي قاال التجنييد التجنييد ماايجدم ولا ياخر الشي من التربيه وعادات الاهل وتاثييرهم ومن الانساان نفسه لاازم تكوون عنده قنااعه من الدااخل التجنييد جم سنه سنتيين مرده بيطلع وييرد على سوالفه

 

[النك تحت الصيانه]

يسلموو على مرورك ومثل ماقلت صاروا يفشلون لكن يمكن التجنيد يخلي فيهم خشونه

 

[MAB12]

اذا تسمحلي ( يالنك تحت الصيانة ) ودي اضيف نقطة ثانيه لموضوعك ( ادري ماراح ترفض )


قل جم يوم قريت مقالة احد الكتاب بجريدة الوطن وفعلاً كلامة عين الصواب

يقول بمقالته .......

انه ينصدم لما يكون بأحدى الوزاراة او اي مكان حساس بالدولة يكون فيه ناس تراجع وتخلص امورها ... يستغرب من بعض الشباب الموجودين من طريقة لبسهم يقول ( اللي لابس قميص وردي واللي لابس سروال طايح واللي لابس شورت واللي لابس تي شيرت عليه صورة شاذي ........ ذكر كذا حاله )

لو نفكر بكلامه ... يطلع كلامه منطقي ... واذا نصحة اي واحد من الشباب قالك والله حرية شخصية او مووووووووضه ( والله هذي فوضه )

الله يهديهم ويصلحهم

 

[sosha]

انا ما اقول الا الله يرحم ايام باص الشرطة اللي بالسالمية, كنت صغيرة بس اذكر شكله لاني كنت اخاف منه.. لونه رمادي و يسفط جدام باسكن روبنز و يسحب هالاشكال .. ماتصير الساعه 8 و نص الا الباص منترس ...
الحين محد يقدر يقول ربع كلمه.. العتب مو كله على الاهل لان منهم ما يدرون عن عيالهم شيسوون من وراهم.. لكن الحكومه اللي تاركه الحبل على الغارب و خايفين كل ما يسوون شي يطلع لهم واحد يقول تركوا فلان..

لاااا و الادهى و الامر لما اشوف النعومين الله يكافينا الشر.. قبل يستحون ما يطلع..الحين ولد اللذين يحط عينه بعيني و بكل وقاحه!!!! مايخافون ولا يهابون ! يا ويلهم من الله..
هذولا اللي صج يبيلهم احد يشكمهم..ولا اللي يقصون شعورهم و يلبسون ملون مردهم بيتعدلون..مرحله كل الناس مروا فيها..ما ضرهم ايام قبل الافرو و الشارلستون, كاهم الحين رياييل افتحوا بيوت و ما عليهم خلاف..
مير الله يخلف..

 

[SOS_KW]

انا ما اقول الا الله يرحم ايام باص الشرطة اللي بالسالمية, كنت صغيرة بس اذكر شكله لاني كنت اخاف منه.. لونه رمادي و يسفط جدام باسكن روبنز و يسحب هالاشكال .. ماتصير الساعه 8 و نص الا الباص منترس ...
الحين محد يقدر يقول ربع كلمه.. العتب مو كله على الاهل لان منهم ما يدرون عن عيالهم شيسوون من وراهم.. لكن الحكومه اللي تاركه الحبل على الغارب و خايفين كل ما يسوون شي يطلع لهم واحد يقول تركوا فلان..

لاااا و الادهى و الامر لما اشوف النعومين الله يكافينا الشر.. قبل يستحون ما يطلع..الحين ولد اللذين يحط عينه بعيني و بكل وقاحه!!!! مايخافون ولا يهابون ! يا ويلهم من الله..
هذولا اللي صج يبيلهم احد يشكمهم..ولا اللي يقصون شعورهم و يلبسون ملون مردهم بيتعدلون..مرحله كل الناس مروا فيها..ما ضرهم ايام قبل الافرو و الشارلستون, كاهم الحين رياييل افتحوا بيوت و ما عليهم خلاف..
مير الله يخلف..

والله ضحكتيني اختي sosha وكلامك صحيح 100% ، وقبل فترة كنت ويا زوجي في أحد المستشفيات الخاصة وكان فيه واحد من اياهم ممرض يبي يسحب دم من زوجي .. ويطالعني وده يذبحني