كاميرات المرور و جباية الاموال

[النك تحت الصيانه]

السلاام عليكم ورحمة الله وبركاته ماعتقد فيه كويتي الا مايدفع اقل شي بسنة 30دينااار من سبب الكاميرات صارت العملية جمع وجباية الاموال لو يسون فيهااا الشوارع كان قلنا معقوله لكن الشوارع تعبانة والجسور ضيقة وقديمة ومتهالكة وكل اشوي حاطين جيب تحت الجسر بس الهدف جمع الاموال والمصيبه اذا بطئت السرعة صارت زحمة لاويقولون خطوووووووووط سريعة

 

[brilliant]

بالنسبة للكامرات خطوه ممتازه من الداخليه

تذكرون قبل ايام مافيه كمرات

كانت السيارات طيارات مو سيارات

بس الحمدالله الحين الناس تغيرت

بالنسبه لصيانة الطرق هذا موضوع ثاني ماله علاقه بالكمرات

الفلوس وايد والخير وايد يسون صيانه بس بدون لا يشيلون الكمرات

 

[النك تحت الصيانه]

الفلوس وايد والخير وايد ندري الفلوس وايد بس وينهااا ماشفناا شي ياخوك

 

[ABDULLAH]

الهدف الأساسي و ما أبي احط بذمتي بس هذا الواضح إن الهدف مادي بحت و بحت بعد ،
الحريص على السلامة ما يسمح للكل يسوق سيارة ، أول كانت إجازة القيادة تمنح للكويتيين و التخصصات المهمة مثل الأطباء مثلا
الحين و صار لنا كم سنة نشوف الكل يتعلم بالشارع بعد ما ياخذ الإجازة اللي صارت تطلع بدون أي عوائق تذكر

الحريص على السلامة و الطرق يعالج جذور المشكلة و الزحام لا يرقع بالكاميرات

 

[النك تحت الصيانه]

على راسي ياعبدالله هذا الهدف شنوا فايدة الغرامات الي ندفعها وناس مو ملتزمة بسرعة والفلوس وين

 

[كعبول]

سؤال واحد ::

ليش تخالفون ؟ يعني لازم تخالفون القوانين ؟


خلك على القانون ولا راح يخالفونك ....


كاني الحمدلله ماجاني ولا مخالفة ... الا مخالفة عدم ربط الحزام هذه اعترف فيها ... بس سرعة واشارة وغيرها ... لا اعوذ بالله ...

تطوف الحمرة ويلحقك الشرطي ويخالفك وياخذ اجازتك بعد ... ومادري شنو .... تتبهذل علشان شنو ... علشان والله مالي خلق انطر 5 دقايق بس ....


والداخلية ماحطت الكاميرات الا علشان تحد من اللي يسرعون اللي علبالك عندهم صفقة ب15 مليون دينار بتطير عليهم ....

 

[كي او سي]

الكاميرات الموجودة للاسف ليست لتقليل نسبة الحوادث او اجبار المواطن على تطبيق القانون

مثل ما هي لكسب المال فقط

احصائيات الحوادث والوفيات تشهد بذلك

نعم سنة ورا سنة تزيد السيارة وتزيد الناس ووزارة الداخلية تعلم بذلك

والحوادث والوفيات دائما بازدياد

فأين الحل المعاكس واين التخطيط ما بعد الكاميرات

 

[النك تحت الصيانه]

كي او سي يسلمو على مرورك ومثل ماقلت حالة الوفيات تزداد بسبب الحوادث

 

[sosha]

اصلا حفظنا اماكن الكاميرات و قمنا نعرف متى ندوس و متى نخفف..

 

[SOS_KW]

أنا ضد وجود السيارات .. بس كل ما حفظنا مكانهم غيروه .. توني دافعة 220 ديتار سرعة .وكل سنة أو أقل على هالحال وأكثر مرات ​

 

[النك تحت الصيانه]

ياجماعة الفلوس بدالها افلوس بس اهم شي تقليل نسبه الحوادث ماشفنا شي لازم تكون فيه حملة حق الحوداث تعليم وترشيد والــخ

 

[طلال]

والله ادفع بالشهر تقريبا 150 إلى 180


بس تبون الجد


انا أؤيد في كل شارع كاميرا علشان نتعلم نخفف


وانا أؤيد إن مخالفات السرعه وقطع الإشاره تكون بمبالغ عاليه


علشان يحدونا من تجاوز قوانين المرور
وشكرا

 

[النك تحت الصيانه]

طلال وانا اخوك الي مدمن على السرعه على الدنيا اسلاام بس شدخل العائله الى يدعمها او الطفل او او او وتقبل تحياتي

 

[طلال]

طلال وانا اخوك الي مدمن على السرعه على الدنيا اسلاام بس شدخل العائله الى يدعمها او الطفل او او او وتقبل تحياتي

تصدق والله اني ما احب اسرع الا اذا متاخر على الدوام او شغل ضروري


بس اذا كانوا معاي العائله لا امشي خفيف

 

[النك تحت الصيانه]

اخوي طلال زين اذا انت مسرع اذا كنت متاخر على الدوام مثل ماقلت ودعمت بعيد الشر عنك عائلة شنوا دخل العائلة هذي تقبل تحياتي طلال

 

[brilliant]

في شغله مو حلوه امس واجهتا مع المرور وانا اسوي دفتر سيارتي المنتهي

انا عادتي قبل لا اروح اسدد كل مخالفاتي عن طريق النت بالكي نت وصفرتها ولا علي اي شي

وبعد مارحتلهم وعطيتهم الاوراق ردها لي قال راجع المخالفات

قلت اخوي انا توني مسدد بالانترنت قبل لا اجي

قال لا انت عليك مخالفه تاخير

اثاري الموضف اول ما تقدم الاوراق اهو الي يحط لك المخالفه

يعني لو كانت تنزل دايركت بالسستم كان تسهل الدفع قبل لا تروح تراجع

بس التخلف ان الموضف يحطها وانت تروح تسدد وترجع له مره ثانيه تكمل الاجراء

المرور بالكويت فيه ميزات الكترونيه وتسهيلات حلوه وخاصه دوام العصر وخدمة المواطن وغيرها الكثير والله يجزاهم خير

بس في بعض الامور الصغيره تخرب عليهم

 

[جونم جقرم]

السلاام عليكم ورحمة الله وبركاته ماعتقد فيه كويتي الا مايدفع اقل شي بسنة 30دينااار من سبب الكاميرات صارت العملية جمع وجباية الاموال لو يسون فيهااا الشوارع كان قلنا معقوله لكن الشوارع تعبانة والجسور ضيقة وقديمة ومتهالكة وكل اشوي حاطين جيب تحت الجسر بس الهدف جمع الاموال والمصيبه اذا بطئت السرعة صارت زحمة لاويقولون خطوووووووووط سريعة

وين 30 ديناار الله يهداااك
اذا ماا تدفع اقل شي 300 ديناار ولا ماا تعتبر مخااالف

 

[النك تحت الصيانه]

اشكركم اخواني على المرور ft-50 توني مسدد 270 دينار لا وفيه مخالفه عليهاا لوك اذا عندك واسطه يفتحون الوك