الاثار الاجتماعية للعمل الغير منتظم

[تايتنك]

اتمنا كل واحد يشرح كم عانة من دوام الشفت اليي اهو مفروض يسمونة ماشفت لانك فعلاراح كثير من المناسبات ماتشوفها والسبب الدوام منو مخترع الشفت من كثر مااتطوف مناسبات يصير عندك عادي والناس تبدا تنساك واللة المستعان

 

[فيصل العجمي]

السلام عليكم ورحمة الله وبركاته
اخي الكريم عندنا ناس صار لهن اكثر من 30 سنه شفتات
ومع ذلك متواصلين اجتماعيا
وانا عن نفسي ولله الحمد قاعد احاول بقدر المستطاع اني اضبط دوامي على حسب التزاماتي الاجتماعيه
اليوم اللي عندك مناسبه بدل او اطلب من صاحبك ينطرك ساعه
صحيح راح تتعب لكن شي احسن من لا شيء

 

[طلال]

أنا الحمدلله صباحي

 

[hasanqasem]

دوام الشفت ممتاز لانك تقدر تخلص معاملاتك من غير ما تكثر استئذان وثاني شي سالفة المناسبات ,, تقدر تاخذها اجازه وترجع برصيدك على فكرة ,, منت مجبور تداوم بالعطل وانت تداوم لانك تبي الاوفر تايم , يعني كل شي بحسابه , ولا تبي تاخذ الاوفر تايم وتعيد عند اهلك .

ترى انا حالي حالك اداوم شفت ولكن لله الحمد مواصل الجميع بلا استثناء

 

[Waluigi]

و الله الحياة الاجتماعية صعبه مع الشفتات

1 دوام الليل تطلع تنام ماتدري متى تقوم من التعب

2 سالفة البدل و التاخير راح ترجع تداوم 16 ساعه عشان تعوض راح تنام من التعب

3 اذا رجعت من زام اليل و مانمت بتخلص كم شغله بترجع مستوي و مارح تشوف احد

4 زام العصر قاتل لكل شي من 3 الى 11 بليل طالع كانك خفاش منو قاعد لك غير دواوين الجنجفه؟ ؟ ؟ ؟ ؟

5 توصل من زام اليل 7:30 اليهال راحو مدارسهم و ماشفتهم و تنام لي العصر من التعب راح يتغدون بدونك ؟ لا تقولون ما انام لانه الي ماينام راح يموت من التعب و راح تتاثر مفسيتة و صحته

يعني مو بس الحياة الاجتماعية مع الناس حتى البيت

انا ابوي كان يداوم شفتات قليل ما اذكر انه مرني و خذاني من المدرسة او وداني لها قليل ليش الشفتات

كنت ارجع اقاله نايم ارقد الظهر و اقوم القاه راح الدوام و هاكذا كنت قليل ما اشوفه و الحمدلله انه تقاعد و انا عمري 14 و الا لي يومك ما اشوفه الا قليل و الا اسهر عشان اشوفه و يسهر هو عشان يشوفنا

و الله الشفتات زينه شينه بس اتمنى لو يدرسون ال 12 او يخلونها 24 مرة وحدة ويفكونا على الاقل اداوم يوم كامل و اطلع اربع ايام و هاكذا انقطع عن بيني يوم و لا انقطع منه ايام و السبه الشفتات

 

[بلبل عنقريزي]

الله يعينكم يارب