تصريح نقابة شركة خدمات القطاع النفطي ..

نـقـابي

اللـجنة الإعـلامية
بسم الله الرحمن الرحيم

يأسفنا قلة الحضور في اجتماع اليوم مما يعجعلنا التفكير ألف مره في الخطوات التاليه ويجعل قرار التأني في الاضارب من السلامه والحكمة وكذلك الوقوف عند الرغبه الاميريه السامية في الوقت الحالي..
فقد تقرر اجماعا بين النقابات اليوم الاتتظار حتى شهر فبراير القادم وان لم تقر الزياده كامله غير منقوصه سنضطر اسفين لامحالة من التوجه الى الاضراب العام في فبراير..
ونشكر الاخوة الحضور من اخواننا الموظفين بالشركه والشركات الاخرى للاجتماع ..

والسلام عليكم ورحمة الله وبركاته..

نقل التصريح عن :-
رئيس النقابة ناصر سعد الهاجري
ونائبه سلمان كاظم الهندال
 

فيصل العجمي

مؤسس المنتدى
أعضاء الشرف
السلام عليكم ورحمة الله وبركاته

وكل الشكر للأخوة اعضاء نقابة اوسكو والنقابات النفطيه كافه

ونسأل الله ان يتم اعتماد الزيادة وان لا نحتاج للأضراب
 

puma.kw

بـترولـي نشيط جدا
سؤال لكل موظف في قسم الأمن

السلام عليكم ورحمة الله وبركاته .. ..

يا جماعه بأختصار وبدون مقدمات ابي اعرف كم شغله وهي الاتي :

ليش قسم الامن ضعيف في شركة الـــ k o c شنو السبب ؟؟
ليش يعاملون رجال الامن معاملة الاطفال ودايم يتجاهلونهم ؟؟
ليش الصومالي مايدري بأحوال رجال الامن ؟؟
ليش أغلب المسؤؤلين في قسم الامن كل واحد يقول لنفسه يالله السلامه واقصر الشر ؟؟

ليش .. .. وليش .. .. ولــــــيــــــــش .. .. .. ما يعينون مسؤؤؤل مثل حمد مطيع العجمي على الاقل يرد لنا حقوقنا واحترامنا بين الاقسام الثانيه ويعلم مسؤؤلينا كلمة عمل شنو تعني ويعرفهم مفهوم الكلمه الصحيح .


للتوضيح في كم مسؤؤل ينعدون على اليد فيهم خير وحقانيين ومعروفين بالاسم هذول طبعا استثنوهم من كلامي لانهم رجال بكل ماتحمله الكلمه واكرر واقول تراهم ينعدون على اليد الوحده .



وشكرآآآآآآآآآآآآآآآآ
 

n3n7

بـترولـي نشيط جدا
يااحبيبي في قانون دولي ينص على عدم مشاركت رجال الامن والاسعاف والاطفاء بالاضراب وهذااا للعلم
 

Waluigi

بـترولـي مميز
يااحبيبي في قانون دولي ينص على عدم مشاركت رجال الامن والاسعاف والاطفاء بالاضراب وهذااا للعلم

انا ماقريت الموضوع كله و لكن سنة 86 اضرب قسم الاطفاء في ال knpc


و خذو حقهم شنو مو بشر الاطفاء و الامن
 

Waluigi

بـترولـي مميز
بسم الله الرحمن الرحيم

يأسفنا قلة الحضور في اجتماع اليوم مما يعجعلنا التفكير ألف مره في الخطوات التاليه ويجعل قرار التأني في الاضارب من السلامه والحكمة وكذلك الوقوف عند الرغبه الاميريه السامية في الوقت الحالي..
فقد تقرر اجماعا بين النقابات اليوم الاتتظار حتى شهر فبراير القادم وان لم تقر الزياده كامله غير منقوصه سنضطر اسفين لامحالة من التوجه الى الاضراب العام في فبراير..
ونشكر الاخوة الحضور من اخواننا الموظفين بالشركه والشركات الاخرى للاجتماع ..

والسلام عليكم ورحمة الله وبركاته..

نقل التصريح عن :-
رئيس النقابة ناصر سعد الهاجري
ونائبه سلمان كاظم الهندال



ماقصرتو عزة الله ان موقفكم يبيض الوجه و هذا الي نبيه و لازم يصير احتراما لكلمة ولي الامر

و الاضراب بعد فبراير اذا لا قدر الله ماجات الزيادة او جات منقوصه او بدون اثر رجعي

كفو عليكم و الله اني احبكم في الله يا نقابه اوسكو معني مو موظف فيها بس مواقفكم ثابته و كلامكم مدروس بس عندي ملاحضات اذا تسمح

1 ربعكم بالاطفاء تنقصهم ملابس المكافحه و البلسوتات و ال knpc او koc ماتعطيهم لانهم مو على ميزانيتهم

و معاشاتهم على طول مختلفه يعني ناقصه على طول

اهتمو فيهم ترى زعلانين عليكم و عتبانين عتاب الخلان و الله انكم مجتهدين و الله يوفقكم

بعدين حضرنا الاجتماع او لا ياجماعه انتو كنقابين مكلفين بالحديث عن العمال و اتخاذ الازم في ما تقررونه لمصلحتهم يعني بحضورنا او لا ما راح يتغير شي راح تبقون انتو ممثلين العمال هذا مو عذر اسمح لي عذر غير مقبول نهائيا

بعدين الاجتماع كان في غير محله ليش ما اجتمعتو في العمال امام مقرات عملهم يعني المصافي كل مجموعة تستلم عند مصفاة 24 عشان كل زام يجي مبجر و يوقف معاكم و يصير الموقف اقوى لكن النقابين الي معاكم الشياب لهم نظره ثانية و حسابات ثانية و توقيت الاجتماع ماله داعي لان الامير ابو ناصر قال فبراير و الكل احترم كلمة و الاجتماع كان لتبرير الموقف و ليش ما اضربو و كلنا عارفين احترام الامير واجب كان المفترض الاجتماع بعد كلمة الامير و كلنا لبو ناصر جنود و له السمع و الطاعه و ماراح يقصر انشالله

المهم لا تصيرون اتباع للنقابين الشياب الي يفترض انهم خبرة قليل منهم الي يفهم خلوهم يعرفون ان الشباب قادر على التغير و مو كل راي يقولونه صح لازم يكون لكم موقف ترى انتو سبقتوهم بكل شي في موضوع الزيادة و اول من تكلم بعد رفض الزيادة خلوكم رواد و اصحاب قرار مايتائر بكلام باقي النقابات ما اقول صيرو عكس عكاس بس كان ودي انكم ماشاركتو بالاجتماع لانه لحفظ ماء وجه بعض الناس الي هايطو و ماكانو قدها من الي يتجراء يتحدي رغبة ولي الامر

ادري قلبي متروس على النقابين بس احبكم انتو بد كل النقابات ودي انكم الي ماسكين الاتحاد يمكن ما كان هذا حالنا المهم خلوكم رواد وبس و اهتمو بربعكم ترى صغار ما يعرفون شنو النقابه سيرو عليهم شوفو مطالبهم في المصافي و في الكوسي شدو حيلكم بس لا تخلون ربعكم ترى انتو مكلفين منهم لتمثيلهم الزيادة و موضوعها خلوها لبو ناصر ما راح يقصر انشالله
 

مواضيع مشابهة

أعلى