الترقياات

Green Tea

بـترولـي مميز
السلام عليكم

ودي استفسر عن نظام الترقيات بالمؤسسه شلون تصير

يعني الحين اللي اعرفه ان الموظف اليديد المبتدئ خلال سنتين يصعد درجه صح ؟ انزين شكثر يعني تقريبا يزيد راتبه ؟
وعقب ما يصعد درجه وحده جم يبيله عشان يصعد درجه ثانيه ؟؟
والزياده السنويه كم نسبتها تتراوح من جم لي جم ؟ و تقريبا الموظف العادي شكثر النسبه اللي يزيدونه ؟
اوكي والبونس و share of success جم قيمته و تقريبا كل سنه ولا شنو ؟
والتذكره اللي كل سنه 150 عدل ؟

ياربت اللي يعرف يعلمني لان صراحه المفروض يوزعون ورقه فيها هالاشياء او كتيب !!
 

brilliant

المـراقب الـعـام
بالنسبه للترقيات العرف كل سنتين وتختلف بمجهود الشخص اذا منه فايده اقل باشهر اذا ما منه فايده يتاخر باشهر

اما الزياده السنويه تكون بنسبه 1-10% والعرف او الافرج لازم يكون لجميع القسم 7ز5%

يقيمها الكوردينيتر مع المدير

اما جم يزيد راتبه مادري عن رواتب الحريم جم

البونس كل قسم له كرايتيريا للبونس (مثلا يدرب موظف جديد الا ان يتمكن - يوفر على الشركه - اختراع سستم جديد يفيد القسم - ,,, الخ) اسالي الكوردينيتر يعطيج اياها

مشاركة النجاح يعلنون اخر السنه كم النسبه مرات اساسي ومرات اساسي ونص على حسب الي يقررونه الاداره العليا

التذاكر مادري كم قيمتها لاني من اخذها احرقها بس اعتقد اكثر من 150

كل هالامور تقدرين تسالين فيها الرواتب
 

Green Tea

بـترولـي مميز
شكرااااااااااا
وايد افدتني

يعني رواتب الحريم غير عن الريااييل؟ حتى اللي مو متزوجين ؟ توني آدري !

انزين ماتعرف جم الاساسي مال قريد 12 ؟
ومشاركه النجاح كل سنه ولا لا ؟ و هل تشمل الجميع ؟

وشنو بعد ،، اي الترقيات شلون كل سنتين يعني خلال 10 سنين اوصل قريد 17 ????
 

طلال

بـترولـي خـاص
الشروط والمعايير المعتمدة للترقيات


1- يجب أن يستوفي العامل متطلبات المؤهل العلمي حسب الوصف الوظيفي.

2- إذا كانت الترقية لوظيفة جديدة أو كانت الترقية لدرجة مرحلية فيشترط مضي سنة كاملة من تاريخ آخر ترقية أو من تاريخ آخر تعديل للراتب الأساسي(عدا حالة الزيادة العامة للرواتب)

3- لا تكون الترقية إلا إلى الدرجة التالية للدرجة مباشرة.

4- توفر وظيفة شاغرة للترقية ومقيمة على درجة أعلى.

5- أن يكون أداء العامل جيد خلال العام السابق لطلب الترقية.

6- أن لا يكون المرشح قد حصل على إنذار ساري المفعول عند الترقية.

7- أن لا يتجاوز عدد أيام الإجازات المرضية (30) يوم خلال سنة الترقية ويستثنى من ذلك الإجازات المرضية الناشئة عن إصابات أو حادث ، العمليات الجراحية.

8- عند تجاوز عدد أيام الإجازات المرضية(30) يوم خلال سنة الترقية يتم تأجيل الاستحقاق على النحو الآتي:
- إجازة مرضية من 30 يوم إلى 60 يوم تؤجل إلى ثلاث شهور.
- إجازة مرضية من 60 يوم إلى 90 يوم تؤجل إلى ست شهور.
- إجازة مرضية أكثر من 90 يوم تؤجل إلى سنة.

9- تؤخذ بالاعتبار الخبرة السابقة في نفس المجال من داخل القطاع النفطي بالكامل، بينما من خارج القطاع النفطي في نفس مجال الوظيفة يتم معادلة كل 3 سنوات من الخبرة المطلوبة حسب الوصف الوظيفي للوظيفة المقيمة. هذا بالإضافة بان تؤخذ بالاعتبار الخبرة السابقة في غير مجال الوظيفة من داخل القطاع النفطي بحيث يتم معادلة كل (3) سنوات بسنة واحدة من الخبرة المطلوبة.

10- أن يكون الحد الأدنى للحصول على الدرجة الانتقالية للدرجة الوظيفية(12) شهر.

11- توقف جميع الترقيات خلال شهري فبراير ومارس من كل سنة.

12- لا يتم ترقية المنتدبين خارج القطاع النفطي أثناء فترة انتدابهم.
 

طلال

بـترولـي خـاص
أختي بالنسبه للتذاكر

من 26 سنه وفوق قيمة التذكره 266 د.ك ,, سواء متزوج او أعزب

والابناء من سن 2 إلى سن 26 قيمة التذكره 206 د.ك

والأطفال دون السنتين قيمة التذكره 35 د.ك

* بالنسبه للموظف أو الزوجه دون 26 سنه فقيمة التذكره 206 د.ك


وشكراَ
 

Green Tea

بـترولـي مميز
أختي بالنسبه للتذاكر

من 26 سنه وفوق قيمة التذكره 266 د.ك ,, سواء متزوج او أعزب

والابناء من سن 2 إلى سن 26 قيمة التذكره 206 د.ك

والأطفال دون السنتين قيمة التذكره 35 د.ك

* بالنسبه للموظف أو الزوجه دون 26 سنه فقيمة التذكره 206 د.ك


وشكراَ

ماقصرت اخوي والله:)

انزين اخوي ماتعرف شكثر يزيد الاساسي مع كل درجه نصعدها ؟؟
 

R&GL

بـترولـي نشيط
زيادة الاساسى

يزيد الاساسى مع كل درجة 7.5% او الى اول مربوط الدرجة الجديدة ايهما اعلى . وفى حالة اذا كان الراتب الاساسى للدرجة الحالية اعلى من منتصف مربوط الدرجة الجديدة يزيد 6% بس .
 

Green Tea

بـترولـي مميز
يزيد الاساسى مع كل درجة 7.5% او الى اول مربوط الدرجة الجديدة ايهما اعلى . وفى حالة اذا كان الراتب الاساسى للدرجة الحالية اعلى من منتصف مربوط الدرجة الجديدة يزيد 6% بس .

:( ما افهم بالمربووط ! انزين بعرف الحين المهندس بالمؤسسه حديث التعيين على درجه 12 يعني متى يعدي معاشه الالف عقب جم سنه ؟؟؟؟
 

الكويت وبس

بـترولـي نشيط جدا
:()

:( ما افهم بالمربووط ! انزين بعرف الحين المهندس بالمؤسسه حديث التعيين على درجه 12 يعني متى يعدي معاشه الالف عقب جم سنه ؟؟؟؟

السلام عليكم

اخي العزيز ما اعتقد بتطول يعني بعد مرور سنة او بالكثير سنتين

يعني لو انت موظف عادي وبيعطيك مديرك عالاقل جيد جدا بالتقرير السنوي بتكون زيادتك السنوية تقريبا بحدود 35 يعني بسنتين 70 عالاقل وما اتوقع راتبك الحين اقل من 900
 

الكويت وبس

بـترولـي نشيط جدا
:()

:( ما افهم بالمربووط ! انزين بعرف الحين المهندس بالمؤسسه حديث التعيين على درجه 12 يعني متى يعدي معاشه الالف عقب جم سنه ؟؟؟؟

السلام عليكم

اخي العزيز ما اعتقد بتطول يعني بعد مرور سنة او بالكثير سنتين

يعني لو انت موظف عادي وبيعطيك مديرك عالاقل جيد جدا بالتقرير السنوي بتكون زيادتك السنوية تقريبا بحدود 35 يعني بسنتين 70 عالاقل وما اتوقع راتبك الحين اقل من 900
 

Green Tea

بـترولـي مميز
:(
السلام عليكم

اخي العزيز ما اعتقد بتطول يعني بعد مرور سنة او بالكثير سنتين

يعني لو انت موظف عادي وبيعطيك مديرك عالاقل جيد جدا بالتقرير السنوي بتكون زيادتك السنوية تقريبا بحدود 35 يعني بسنتين 70 عالاقل وما اتوقع راتبك الحين اقل من 900

راتبي 760 شلون بيصير الف ؟؟؟ اكثر شي ممكن يزيد 20 بالشهر !!!:(:(
 
أعلى